பரங்கிப்பேட்டை தகவல் களஞ்சியம்

செவ்வாய், 9 டிசம்பர், 2008 2 கருத்துரைகள்!

தொழுகைக்கு வந்தவர்கள் வட்லாப்பம் சாப்பிட புற்ப்பட்டு கொண்டிருந்த வேளையிலே, தனிமையில் ஒரு அடியார் இறைஞ்சுகிறார்.

புகைப்படம்: ஹமீது மரைக்காயர்
மேலும் வாசிக்க>>>> "ஹஜ் பெருநாள்: வலைப்பூவின் சிறப்பு புகைப்படம்"

15 கருத்துரைகள்!

இறைவனின் மாபெரும் கிருபை இந்த ஹஜ் பெருநாளில் கொஞ்சம் அதிகமாகவே பொழிந்தது போலவே தெரிகிறது. காரணம் இந்த பெருநாளின் ஹீரோவான மிஸ்டர் மழை.

கொட்டும் மழையிலும் ஆண்களுக்கு சற்றும் சளைக்காமல் முயன்று (நீந்தி) வந்து மிக திரளான பெண்கள் (தனியாக ஷாதி மஹாலில் நடைபெற்ற) தொழுகையில் கலந்து கொண்டனர்.

இஸ்லாத்தின் வலிமையான கூறாகிய ஜும்ஆ பேருரையை மக்களின், சமுதாயத்தின் முன்னேற்றம், கல்வி, நடைமுறை தொழில் நுட்ப வளர்ச்சி, பிரச்சனைகளை பற்றி, ஆரோக்கியமான தீர்வுகளை பற்றி மற்ற பிரயோஜன விஷயங்களை பற்றி, யதார்த்தமாக பேசாமல் எத்தனை காலம்தான் இன்னும் துல்ஹஜ் பிறை பதிமூன்றைமுக்காலின் பெருமைகளையும், ஆட்டை அறுப்பது எப்படி என்றும் பேசி நம்மை தாலாட்டப்போகிறார்களோ என்ற அயர்ச்சி ஏற்பட்டது.

போதாக்குறைக்கு முன்பு ஹதீஸ் அடிப்படையில் முதல் ரக்கஅத்தில் ஒன்று ப்ளஸ் ஏழு, இரண்டாம் ரக்கஅத்தில் ஒன்று ப்ளஸ் ஐந்து என்றபடி தக்பீர் இல்லாமல் மத்ஹப் அடிப்படையில் ஒன்று ப்ளஸ் நான்கு இரண்டாவது ரக்கஅத்தில் ருகுவிற்கு பிறகு நான்கு தக்பீர்கள் என்று முரணாக தொழ வைத்ததை பற்றி பரவலாக முனுமுனுப்பு எழுந்தது.

தொழுகை முடிந்ததும் ஒருவரை ஒருவர் தழுவி தங்களின் அன்பையும் பெருநாள் வாழ்த்துக்களையும் பரிமாறி கொண்ட சகோதரர்கள் பலரின் கண்களில் பணிக்கும் ஈரம். சிலர் தனியே சென்று உணர்வு பெருக்கில் அழுததையும் காண முடிந்தது.

நீங்க பாட்டுக்கு தொழுவுங்க நா பாட்டுக்கு பெய்யிறேன் என்றபடி கறந்து கட்டிய மழை, தொழுகை முடிந்த உடன், நமக்கு சற்று இடைவேளை விட்டதால் வேலை பொழைப்பை கவனிக்க மக்கள் கலைந்து பரவி சென்றனர்.
பள்ளியின் மாடியில் அனைவரும் சென்ற பின்னரும் தனியே சஜ்தாவில் வீழ்ந்து துஆ செய்து கொண்டிருந்த ஒரு அடியார்.... (அவரை தொந்தரவு செய்யாமல் எடுத்த படம் மேலே... ) அவர் இறைவனிடம் என்ன கோரினாரோ அதை இறைவன் அவருக்கு வழங்கிட நாமும் துஆ செய்வோம்.
ஆங்காங்கே நான்கு செண்டிமீட்டர் கைலி, இரண்டு செண்டிமீட்டர் சட்டையும் என பெருநாள் புத்துடைகள் தந்த பெருமை பொங்க சிறார்களும் சிறு குழந்தைகளும் அவரவர் உலகங்களில் அற்புதமாய் சஞ்சரித்துக்கொண்டு.....
எத்தனை கோடி இன்பங்கள் தந்தாய் இறைவா ..... அத்தனைக்கும் நன்றி சொல்ல பொழுதுகள் தகுமோ...
மேலும் வாசிக்க>>>> "தியாகத்திருநாள் தொழுகை"

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234