பரங்கிப்பேட்டை தகவல் களஞ்சியம்

புதன், 15 பிப்ரவரி, 2012 4 கருத்துரைகள்!


கடலூர்: தமிழ்நாடு தவ்ஹீத் ஜமாஅத் சார்பில் மாவட்டந்தோறும் நேற்று வாழ்வுரிமைப் போராட்டம் நடைபெற்றது. கடலூரில் நேற்று நடைபெற்ற இப்போராட்டத்தில் பரங்கிப்பேட்டை, நெல்லிக்குப்பம், கடலூர் முதுநகர், லால்பேட்டை, காட்டுமன்னார்குடி, சிதம்பரம், உள்ளிட்ட பகுதிகளில் இருந்து ஆயிரக்கணக்கானோர் பங்கேற்றனர்.
தமிழ்நாடு தவ்ஹீத் ஜமாஅத் மாநில செயலாளர் தவ்பீக் கண்டன உரையாற்றியபோது, 'முஸ்லிம்களுக்கு இடஒதுக்கீடு கேட்டு போராட்டம் நடத்தும் எங்களுக்கு நீதி கிடைக்கவில்லையென்றால், நாடே திரும்பி பார்க்கும் அளவிற்கு மாநில தலைநகரில் மிகப்பெரிய போராட்டத்தை நடத்துவோம் என்று குறிப்பிட்ட அவர், எங்களின் நிலையை முஸ்லிம் நீதிபதிகள் கூறவில்லை மாறாக அரசு நியமித்த சச்சார் கமிட்டிதான் எங்களின் மிகவும் பின்தங்கிய நிலையை எடுத்துரைக்கிறது. எங்களுக்கு இடஒதுக்கீடு கொடுக்காவிட்டால் நாங்களே எடுத்துக் கொள்வோம் என்றார்.

போராட்டத்தில் பங்கேற்ற, பரங்கிப்பேட்டை TNTJ சார்பில் ஏற்பாடு செய்யப்பட்டிருந்த சிலர் மருத்துவர், காவல் துறை அதிகாரி, மாவட்ட ஆட்சித் தலைவர் போன்று வேடமணிந்து இந்நிலை வேண்டும் என்றும் இறைச்சிக்கடைக்காரர், சலவை செய்பவர் போன்று வேடமணிந்து இதுதான் எங்களின் நிலையென்றும் சொல்லியிருந்தது மக்களை திரும்பிப் பார்க்க வைத்தது.

படங்கள்: TNTJ
மேலும் வாசிக்க>>>> "இடஒதுக்கீடு கொடுக்காவிட்டால் நாங்களே எடுத்துக் கொள்வோம்!"

செவ்வாய், 14 பிப்ரவரி, 2012 2 கருத்துரைகள்!

இன்று பகல் 12.45 மணியளவில் கடலூர் மாவட்டம் முழுவதும் ஒரு பலத்த சத்தம் கேட்டது. இது அருகில் எங்கேயோ பூமி அதிர்வோ என நினைத்து மக்கள் பதறும் வேளையில், கடலூர் மாவட்டத்தில் பூகம்பம் ஏற்பட்டுள்ளதாக தகவல்கள் எல்லா திசையிலும் பரவத் தொடங்கியது. சிலர் பரங்கிப்பேட்டை அருகே ஹெலிகாப்டர் வெடித்து சிதறிவிட்டது என பல தகவல்கள் புரளியாய் பரவத் தொடங்கியதில் பரபரப்பு பற்றிக் கொண்டது.

இந்நிலையில், சம்பவம் குறித்து மாவட்ட ஆட்சித் தலைவர் ராஜேந்திர ரத்னு கூறுகையில்: பரங்கிப்பேட்டைக்கு இந்திய போர் விமானம் பயிற்சிக்கு வந்துள்ளது. இது தாழ்வாக பறந்த காரணத்தினால் இந்த சப்தம் ஏற்பட்டிருக்கலாம். மற்றபடி பூகம்பம் எதுவும் நடக்கவில்லை என்றார்.

ஆனாலும் சிதம்பரம் வயலூர் அருகில் ஹெலிகாப்டர் வெடித்து சிதறியதாக உறுதி செய்யப்படாத தகவல் தெரிவிக்கிறது.
மேலும் வாசிக்க>>>> "ஹெலிகாப்டர் வெடித்தது...! பூகம்பம் ஏற்பட்டது...!! பரங்கிப்பேட்டையில் பரபரப்பு!!!"

திங்கள், 13 பிப்ரவரி, 2012 5 கருத்துரைகள்!


ரண்டாவது மாதத்தின்
இரண்டுங்கெட்டான் தினம்...
காதலர் தினம் - ஒரு
கலாச்சார ரணம்!

வெள்ளைக்காரன் கண்டெடுத்த

கருப்புக்கறை தினம்!
பண்பாடு கலாச்சாரம்
புண்படும் விழாக்காலம்!


காமுகர் மனம்
கண்டெடுத்த தினம்...
வக்கிரத்தின் வடிகாலாய்
வந்துசேர்ந்த தினம்!

கலவியென்று களித்தது

கற்காலக் காதல்...
குளவியெனக் கொட்டுவது
தற்காலக் காதல்!

வெள்ளையனை வெளியேற்றி -அவன்

கொள்கைதனில் புரையோடி
கலாச்சாரக் காதல்கூட
விபச்சாரம் ஆகியதே!

அன்னைக்கென்றொரு தினம்

அப்பனுக்கென்றொரு தினம்
நண்பனுக்கென்றொரு தினம்
நல் உழைப்பாளிக்கென்றொரு தினம்

இறைவன் படைப்பிலே

எத்தினமும் நல்தினம்,
இவர்கள் யார் இவ்வுலகில்
இஷ்டம்போல் பகுத்துரைக்க?

காதலர்தினம் எனும்

கண்றாவிப் புறக்கணிப்போம்,
காதலென்றால் காமமில்லை
அன்பென்று அறிய வைப்போம்!

இந்தியனுக் கென்றொரு

இன்றியமையாப் பொறுப்புண்டு
இளைய சமுதாயத்தின்
இதய ஊனம் களைய வேண்டும்!

காதலர் தினம்...

கன்னியர்க்குக் கண்ணிவெடி
காளையர்க்குக் கள்ளுகுடி
பெற்றோருக்குப் பேரிடி
பொதுப்பாதையில் ஒரு புதைகுழி!

கவிதை ஆக்கம் - சபீர்

மேலும் வாசிக்க>>>> "ஊன தினம்!"

4 கருத்துரைகள்!

பரங்கிப்பேட்டை: நகர ஜமாஅத்துல் உலமா ஏற்பாடு செய்திருந்த மீலாது நபி மாநாடு பரங்கிப்பேட்டையில் நேற்று முன்தினம் நடைபெற்றது. அல்ஹாஸ் அறக்கட்டளை நிர்வாகி எஸ். ஓ. செய்யது ஆரிப் தலைமையில் நடைபெற்ற இந்த மீலாது மாநாட்டிற்கு பேரூராட்சி மன்றத் தலைவர் எம்.எஸ். முஹமது யூனுஸ், கே. பாவாசா மரைக்காயர், கே. ஷேக் அப்துல் காதர் மரைக்காயர், யூ. ஜமால் முஹமது, யூ. ஹபீபுர் ரஹ்மான் ஆகியோர் முன்னிலை வகித்தனர். எ. லியாகத் அலி மன்பஈ வரவேற்புரை வழங்கினார். எம். ஷேக் ஆதம் மழாஹிரி நிகழ்ச்சியை தொகுத்து வழங்கினார்.

மூன்று அமர்வுகளாக நடைபெற்ற இந்த மாநாட்டில் பல்வேறு தலைப்புகளில் உரைகள் நிகழ்த்தப்பட்டது. இறுதியமர்வில் இந்திய யூனியன் முஸ்லீம் லீக் துணைத் தலைவர் இ. ஷாகுல் ஹமீத் ஜமாலி சிறப்புரையாற்றினார்.

மீராப்பள்ளி இமாம் அஹ்மத் கபீர் காஷிபி, புதுப்பள்ளி இமாம் காஜா முய்னுத்தீன் மிஸ்பாஹி, இஸ்மாயில் நாஜி காஸ்மி, தவ்லத்துன்னிசா கல்லூரி முதல்வர் அப்துல் காதிர் மரைக்காயர் உமரி, மஹ்முதிய்யா அரபுக் கல்லூரி முதல்வர் முஜிபுர் ரஹ்மான் ரஷாதி, காதிரியா பள்ளி இமாம் நூருல்லாஹ் பையாஜி ஆகியோர் வாழ்த்துரை வழங்கினர்.

மாநாட்டில் கட்டுரைப் போட்டி மற்றும் வினா-விடைப் போட்டிகளில் வெற்றிப் பெற்றோருக்கு பரிசுகள் வழங்கப்பட்டது.

இஸ்லாமிய ஐக்கிய ஜமாஅத்தின் புதிய தலைவராக பொறுப்பேற்றுள்ள டாக்டர் நூர் முஹம்மது மற்றும் நிர்வாகிகள் வருகை புரிந்தனர்.

இறுதியில் மாநாட்டு தீர்மானத்தை கவுஸ் பள்ளி இமாம் நிஜாமுத்தீன் காஷிபி வாசித்தார். மீலாது கமிட்டி செயலாளர் ஓ. முஹம்மது கவுஸ் நன்றியுரை வழங்கினார்.





மேலும் வாசிக்க>>>> "மீலாது மாநாடு!"

4 கருத்துரைகள்!

பரங்கிப்பேட்டை: எதிர்வரும் பிப்ரவரி 14-ந்தேதியன்று மாவட்டத் தலைநகர் கடலூரில் தமிழ்நாடு தவ்ஹீத் ஜமாஅத் சார்பில் நடைபெற உள்ள வாழ்வுரிமை மாநாடு குறித்து தெருமுனைப் பிரச்சாரம் கடந்த சில நாட்களாக பரங்கிப்பேட்டையில் நடைபெற்றது.

சஞ்சிவீராயர் கோயில் தெரு முனையில் நேற்று மாலை நகர தமிழ்நாடு தவ்ஹீத் ஜமாஅத் நிர்வாகிகள் பங்கு பெற்ற தெருமுனைப் பிரச்சாரம் நடைபெற்றது. இதில் போராட்டத்திற்கு அழைப்பு விடுத்ததுடன், போராட்டம் குறித்த விழிப்புணர்வு பிரச்சாரமும் செய்யப்பட்டது.

அப்துல் மஜீத் உமரி உரை நிகழ்த்திய, இப்பிரச்சாரக் கூட்டத்தில் நகர தமிழ்நாடு தவ்ஹீத் ஜமாஅத் நிர்வாகிகள் பாஜல் உசேன், முத்துராஜா, ஹசன் அலி, முஜீப் சாஹுல் ஆகியோர் கலந்துக் கொண்டனர்.

மேலும் வாசிக்க>>>> "வாழ்வுரிமைப் போராட்டம் ஏன்? பரங்கிப்பேட்டை த.த.ஜ. பிரச்சாரம்!"

6 கருத்துரைகள்!


:::: 10.20-க்கு தொடங்கிய விழா 11.55-க்கு நிறைவுபெற்றது.

:::: 10.40-க்கு பதவி பிரமாணம் செய்து வைக்கப்பட்டது

:::: மவ்லவி கபீர் அஹமது மதனி, வழக்கறிஞர் செய்யது அன்சாரி, சிதம்பரம் மூசா, கேப்டன் ஹமீது ஆகியோர் தலா 10 நிமிடங்கள் உரையாற்றினார்கள்.

:::: சிதம்பரம் தொகுதி சட்டமன்ற உறுப்பினர் K.பாலகிருஷ்ணன் 10.45க்கு வருகை தந்தார்.
:::: சால்வை அணிவிக்க வந்தவர்களை தன் கையில் கொடுக்கும்படி தலைவர் நூர் முஹம்மது கேட்டு கொண்டார். அதனால் யாரும் சால்வைகள் போர்த்தவும் இல்லை – யாருக்கும் போர்த்தப்படவும் இல்லை.
:::: கேப்டன் ஹமீது ஜமாஅத் நிதிக்கு காசோலை மூலம் ரூ12,000 வழங்கினார்.

:::: விழாவில் கலந்துக்கொண்ட சிறப்பு விருந்தினர்களுக்கு நினைவுப்பரிசுகள் வழங்கப்பட்டது.

:::: பரங்கிப்பேட்டை பேரூராட்சி மன்ற தலைவர் M.S.முஹம்மது யூனுஸ் உள்ளிட்ட முன்னாள் ஜமாஅத் நிர்வாகிகள் யாரும் கலந்துக்கொள்ளவில்லை.

:::: முன்னாள் அமைச்சரும், புவனகிரி தொகுதி சட்டமன்ற உறுப்பினருமான செல்வி இராமஜெயம் வருகை தரவில்லை.

:::: பரங்கிப்பேட்டை பேரூராட்சி மன்ற 8-வது வார்டு உறுப்பினர் அருள்முருகன் கலந்துக்கொண்டார்.

:::: இந்தியன் ஓவர்சீஸ் வங்கி முதுநிலை மேலாளர் பாண்டியத்துரை கலந்துக்கொண்டார்.

:::: நகர தி.மு.க.அவைத்தலைவர் வழக்கறிஞர் தங்கவேல் கலந்துக்கொண்டார்.

::::தமிழ்நாடு தவ்ஹீத் ஜமாஅத் (TNTJ) சார்பில் யாரும் கலந்துக் கொள்ளவில்லை.

:::: மனிதநேய மக்கள் கட்சி நிர்வாகி பிலால், இந்திய தவ்ஹீத் ஜமாஅத் (INTJ) நிர்வாகி ஹாஜா ஆகியோர் கலந்துக் கொண்டனர்.

:::: பரங்கிப்பேட்டை பேரூராட்சி மன்ற முன்னாள் துணைத்தலைவர் செழியன் மற்றும் ஆரியநாட்டு சலங்குகாரத்தெரு பஞ்சாயத்தார்கள் கலந்து கொண்டனர்.

:::: மாதக்கோயில் தெரு பஞ்சாயத்தார்கள் கலந்துக்கொண்டனர்

:::: பரங்கிப்பேட்டை காவல்நிலைய ஆய்வாளர் சுப்ரமணியன் கலந்துக்கொண்டார்.

:::: சிதம்பரம் தாலுகா காவல்துறை ஆய்வாளர் புகழேந்தி பற்கேற்கவில்லை

:::: அழைப்பிதழ் வழங்குவதற்கு பொறுப்பேற்றவர்கள் செய்த குளறுபடியால் சில முக்கியஸ்தர்களுக்கு அழைப்பிதழ் விடுப்பட்டதாக பரவலாக பேசப்பட்டது

:::: கா.மு.கவுஸ் நன்றியுரையாற்றுவார் என்று குறிப்பிடப்பட்டு இறுதியில் மாற்றம் செய்யப்பட்டதால் ஆவேசமுற்ற கா.மு.கவுஸ் நிகழ்ச்சி முடிந்த பின்னர் அதுப்பற்றி குரலெழுப்பிய போது தலைவர் டாக்டர் நூர் முஹம்மது அவரை சமாதானப்படுத்தினார்.
:::: பதவி ஏற்பு விழா முடிவடைந்து சற்று தாமதமாக வந்த பான்மல், டாக்டரை சந்தித்து வாழ்த்து கூறினார்.

:::: இரு திருமண நிகழ்ச்சிகள் நடைபெற வேண்டி இருந்ததால் நிகழ்ச்சி சற்று விரைவாக முடிக்கப்பட்டது.
:::: 11.38-க்கு தொடங்கிய தனது ஏற்புரையை டாக்டர் 11.50-க்கு நிறைவு செய்தார்.

:::: நன்றியுரைக்கு பின்னர் வந்திருந்தோர் டாக்டரை கட்டித் தழுவி தங்களது ஸலாத்தினையும் – வாழ்த்துக்களையும் தெரிவித்தனர்.

:::: தாயகம் வந்திருக்கும் பஷீர் அஹமது (தம்மாம்), குலாம் ஜெய்லானி மியான் (குவைத்), ஹுஸைன் (ரியாத்) உள்ளிட்ட வெளிநாடு வாழ் பரங்கிப்பேட்டை சகோதரர்களின் அமைப்பு பிரதிநிதிகளும் இந்த நிகழ்ச்சியில் கலந்துக்கொண்டனர்.

:::: விழா முடிவில் அனைவர்களுக்கும் இனிப்பு வழங்கப்பட்டது.


:::: மாலை 6 மணிக்கு ஜமாஅத்தின் முன்னாள் நிர்வாகிகள் ஜமாஅத் அலுவலகத்தை திறந்து, புதிய நிர்வாகத்திடம் ஒப்படைத்தனர்.


களத்தொகுப்பு: ஹம்துன் அப்பாஸ் / MGF
மேலும் வாசிக்க>>>> "பதவியேற்பு விழா துளிகள் (படங்களுடன்)"

ஞாயிறு, 12 பிப்ரவரி, 2012 13 கருத்துரைகள்!


பரங்கிப்பேட்டை இஸ்லாமிய ஐக்கிய ஜமாஅத் தலைவர் பதவிக்கான தேர்தலில் போட்டியின்றி தேர்ந்தெடுக்கப்பட்ட டாக்டர் S.நூர் முஹம்மது பதவியேற்கும் நிகழ்வு இன்று காலை பரங்கிப்பேட்டை ஜாமிஆ மஸ்ஜித் மீராப்பள்ளியில் தொடங்கியது மீராப்பள்ளி இமாம் மவ்லவி அஹமது கபீர் காஷிபி அவர்கள் கிராஅத் ஓதி கூட்டத்தினை துவக்கி வைத்தார்.
மர்ஹபா கல்வி அறக்கட்டளை நிர்வாகி Z.பஜ்லுர் ரஹ்மான் தலைமையில் நடைபெற்ற இவ்விழாவில் மவ்லவி M.H.கபீர் அஹமது மதனி பேசுகையில் ஒற்றுமையை வலிறுத்தினார்.
பின்னர் டாக்டர் S.நூர் முஹம்மது-விற்கு வழக்கறிஞர் M.E.செய்யது அன்சாரி பதவி பிரமாணம் செய்து வைத்தார். தொடர்ந்து வழக்கறிஞர் அன்சாரி பேசுகையில், ஜாதி - மத வேறுபாடின்றி அனைத்து தரப்பு மக்களுக்கும் இந்த ஜமாஅத் பாடுபட்டு வருகின்றது. தமிழகத்தில் முஸ்லிம்களுக்கு 3.5 சதவிகிதம் இடஒதுக்கீடு வழங்கப்பட்டுள்ளது. உள்ளாட்சி அமைப்பில் வேலை வாய்ப்பிலும், ஒப்பந்த பணிகளிலும் இந்த இட ஒதுக்கீடு நடைமுறைப்படுத்தப்பட தலைவர் பாடுபட வேண்டும். ரியல் எஸ்டேட்டில் உரிமை பெறாமல் பல இடங்கள் விற்பனை செய்யப்படுகிறது. எனவே அவ்விஷயத்திலும் தலைவர் கவனம் செலுத்த வேண்டும். ஜமாஅத் சொத்து என்பது பொதுச் சொத்து ஏழை - எளிய மக்களின் வாழ்க்கை தரம் உயர உறுதுணையாக இருக்கவேண்டும் என்றார்.
பின்னர் சிதம்பரம் பள்ளிவாசல் நிர்வாகி இப்ராம்சா (எ) மூசா, கேப்டன் M.ஹமீது அப்துல் காதர் ஆகியோர் வாழ்த்துரை வழங்கினார்.
வாழ்த்துரை வழங்கிய சிதம்பரம் தொகுதி சட்டமன்ற உறுப்பினர் K.பாலகிருஷ்ணன், "பல்வேறு திருமண நிகழ்ச்சிகளின் காரணமாக தாமதமாக வர நேரிட்டமைக்கு முதலில் வருத்தம் தெரிவித்தார்.

தொடர்ந்து அவர் பேசுகையில், பதவி என்பது சுமை. இந்தியாவில் வேற்றுமையில் ஒற்றுமை காணப்படுகிறது. உணவில் எப்படி பல வகைகள் இருந்தால் தான் சுவையாக இருக்குமோ, அதுப்போலவே வேற்றுமையில் ஒற்றுமையாக இருந்தால் தான் சிறப்பு. மதத்தை ஒரு கருவியாக பயன்படுத்தி கலவரம் உண்டு பண்ணி ஏராளமான சிறுபான்மையினர் உயிரிழக்க காரணமாக இருக்கின்றனர். எல்லா மதங்களும் எப்படி வாழ வேண்டும் என்று சொல்கிறது. நல்ல பண்புகளை வளர்த்துக் கொள்ள வேண்டும், அன்பை வளர்க்க வேண்டும்.

பரங்கிப்பேட்டையில் நாலு வீதிகளில் மாடி வீடுகள் இருக்கிறது. இப்பகுதியில் தானே புயலால் பாதிக்கப்பட்ட இடங்களை பார்வையிட்ட போது தான் தெரிந்தது. இருப்பதற்கு கூட இடமில்லாத ஏழை மக்கள் இருக்கின்றனர். இஸ்லாமியர்கள் மேட்டு குடி அல்ல அது தவறான பார்வை, மிகப்பெரும்பான்மையான இஸ்லாமியர்கள் தினக்கூலிகளாக பீடி சுற்றும் தொழிலாளிகளாக இருக்கின்றனர். இஸ்லாமியர்கள் பற்றி தவறான எண்ணம் இருக்கிறது. நீதிபதி சச்சார் கமிட்டி மட்டுமே இஸ்லாமியர்களின் உண்மை நிலையினை சொல்கிறது.

இப்பகுதி இளைஞர்களின் முன்னேற்றத்திற்காக ஜமாஅத் சார்பில் கம்ப்யூட்டர் மையம் தொடங்க வேண்டும். அரசின் சார்பில் தொடங்கிட முந்தைய ஆட்சியரிடம் கேட்டு கொண்டிருந்தேன். இதனை இதனால் இவன் முடிக்கும் என்றாய்ந்து அதனை அவன் கண் விடல் என்ற குறளுக்கேற்ப டாக்டர் நூர் முஹம்மதிற்கு இந்த பொறுப்பு வந்துள்ளது என்றார்.

ஏற்புரை வழங்கிய டாக்டர் நூர் முஹம்மது, இன்று கேப்டன் ஹமீது அப்துல் காதர் ஜமாஅத்திற்கு நிதியுதவி வழங்கினார். நம்மில் நிறைய பேர் வசதியாக இருக்கிறார்கள், அவர்களும் ஜமாஅத்திற்கு நிதி வழங்க வேண்டும் என்று பிரார்த்திக்கிறேன். விரைவில் பொதுக்குழுவில் எல்லா விவரங்களையும் தெரிவிக்கிறேன் என்றார். நம் சுயமரியாதைகளை நாம் இழக்காமல் இருக்க வேண்டும். மாற்று மத சகோதரர்களுடன் சுமுகமாக பழகி நல்லுறவை வளர்த்துக் கொள்ள வேண்டும். ஜமாஅத்தில் ஒற்றுமைக்கு மட்டுமே முன்னுரிமை. பைத்துல்மால் ஏழை மக்களின் நிதி, அவர்களை முன்னேற்ற பாதையில் அழைத்து செல்வது தான் குறிக்கோள்.

கல்விக்குழு ஒன்று அமைக்கப்படும் ஏழை மக்களுக்கு மட்டுமின்றி நடுத்தர மக்களுக்கும் கல்விக்காக உதவி செய்யப்படும். இளைஞர்கள் இந்த நாட்டின் தூண்கள், அவர் வேறு பாதையில் சென்று விடாமல் இருக்க இளைஞர் குழு அமைக்கப்படும். அரசின் திட்டங்கள் நிறைய இருக்கிறது, அதை மக்களுக்கு பெற்று தர வழிவகை செய்யப்படும். ஷரீஅத் குழு ஒன்று அமைக்கப்படும் அது நூற்றுக்கு நூறு ஷரீஅத் சட்டப்படி செயல்படும். எவ்வித பரிந்துரைக்களுக்கும் அங்கு இடமில்லை என்று கூறி தனது ஏற்புரையை நிறைவு செய்தார்.





பின்னர் ஜமாஅத் நிர்வாகிகள் மற்றும் பைத்துல்மால் நிர்வாகிகளின் பெயர்களை அறிவித்து அறிமுகம் செய்தார். ஜமாஅத் / பைத்துல்மால் நிர்வாகிகள் எழுந்து நின்று கூடியிருந்தோர்களுக்கு ஸலாம் சொல்லி அமர்ந்தனர்.

இறுதியில் ஜமாஅத் துணைத்தலைவர் O.A.W.பாவாஜான் நன்றியுரையாற்றினார்.

விழாத்துளிகள் விரைவில் பதிவிடப்படும்

களத்தொகுப்பு: MGF / ஹம்துன் அப்பாஸ்










மேலும் வாசிக்க>>>> "பதவியேற்றார் டாக்டர் நூர் முஹம்மது: updated..."

சனி, 11 பிப்ரவரி, 2012 4 கருத்துரைகள்!

பரங்கிப்பேட்டை இஸ்லாமிய ஐக்கிய ஜமாஅத் தலைவராக டாக்டர் S.நூர் முஹம்மது நாளை பதவி ஏற்க இருக்கும் சூழலில், J.ஹஸன் அலி என்பவர் விடுத்துள்ள பிரசுரம் தொடர்பாக சமுதாய அமைப்புகள் எழுப்பி இருக்கும் வினாக்கள், பேரூராட்சி மன்றத் தலைவர் M.S.முஹம்மது யூனுஸ் விடுத்துள்ள அறிக்கை இவற்றிற்கிடையில், டாக்டர் S.நூர் முஹம்மது இன்று MYPNOவிடம் கூறுகையில்:

நடுநிலையாளர்களான H.அப்துல் ஹமீது, S.காஜா சுல்தான் ஆகியோர் வேட்பு மனு தாக்கல் இறுதி நாளுக்கு முன் என்னை வந்து சந்தித்தனர்,

அதனடிப்படையில், சிதம்பரம் - கடலூர் ஆகிய ஊர்களில் இரு அமர்வுகள் நடத்தப்பட்டது, அப்போது பேசப்பட்டபடி B.ஹமீது கவுஸுக்கு ஜமாஅத் துணைத்தலைவர் பதவியும், M.E.அஷ்ரப் அலி, S.S.அலாவுதீன் ஆகியோர்களுக்கும் பொறுப்பு வழங்குவது என்றும் பேசப்பட்டபோது, ஊரின் ஒற்றுமையையும் நன்மையையும் கருதி, நான் சம்மதித்தேன். கூடுதலாக B.ஹமீது கவுஸுக்கு பைத்துல்மால் தலைவர் பதவியும் தர வேண்டும் என்றும் பேசப்பட்டபோது, நான் மவுனமாக கேட்டு கொண்டிருந்தேன்.

மேலும் தலைவராகிய நான் தவிர்க்க இயலாத சில நேரங்களில் ஜமாஅத் கூட்டங்களில் கலந்துக் கொள்ள இயலாத சூழ்நிலையில், துணைத்தலைவர் B.ஹமீது கவுஸுக்கு சிறப்பு அதிகாரம் வழங்க, ஒரு தீர்மானத்தினை கொண்டு வருகிறேன், சக நிர்வாகிகள் ஒப்புதல் அளித்தால் அவ்வாறே செயல்படலாம் என்றேன்.

நான் முன்பு தலைவராக பதவி வகித்த போது பைத்துல்மால் அமைப்பு ஏற்படுத்தப்படவில்லை என்பதால், எனக்கு பைத்துல்மால் அமைப்பு விதிகள் தெரியவில்லை, நான் தலைவராக தேர்ந்தெடுக்கப்பட்ட பிறகே எனக்கு, பைத்துல்மால் அமைப்பு நிர்ணயச் சட்டவிதிகள் அடங்கிய புத்தகம் கா.மு.கவுஸ் மூலம் கிடைத்தது. அதை படித்து பார்த்த போது, ஜமாஅத் தலைவர் தான் பைத்துல்மால் அமைப்பின் தலைவராக இருக்க வேண்டும் என்று மிகத்தெளிவாக குறிப்பிடப்பட்டுள்ளதால், சட்டத்தின்படி B.ஹமீது கவுஸ் தலைவராக முடியாது என்பதால் அதற்கு உடன்பட மறுத்தேன்.

மற்றபடி அவர்கள் சொன்னதையும் கருத்தில் கொண்டு பைத்துல்மால் செயலாளராக M.E.அஷ்ரப் அலி, பொருளாளராக S.S.அலாவுதீன் என்று நிர்வாகிகள் பட்டியல் தயாரித்து அனுப்பிய போது, அவர்கள் சம்மதம் தெரிவிக்க மறுத்ததுடன் பைத்துல்மால் தலைவர் பதவியை வழங்க வேண்டும் என்றனர். இச்சூழலில், காபந்து நிர்வாகமாக செயல்படும் இன்றைய ஜமாஅத் நிர்வாகம், இன்று காலை எனக்கு அனுப்பிய தபாலில், J.ஹஸன் அலி விடுத்துள்ள பிரசுரம் தொடர்பாக, சமுதாய அமைப்புகள் எழுப்பியுள்ள வினாக்களுக்கு பதில் கிடைக்காதவரை ஜமாஅத் நிர்வாகத்தை ஒப்படைக்கமாட்டோம் என்று எழுதி இருப்பதாக தெரிவித்தர்.





மேலும் அவர் கூறுகையில், காபந்து ஜமாஅத் தலைவர் இருதரப்பையும் அழைத்து 5 நிமிடங்களில் சுமூக தீர்வு காணாமல், விடை கிடைக்கும் வரை நிர்வாகத்தை தரமாட்டோம் என்று சொல்வது மிகுந்த ஆச்சரியத்தை தருவதோடு, இது குற்றவியல் நடைமுறைக்கு வழிவகுக்கும் என்றரர் டாக்டர் S.நூர் முஹம்மது .

ஹஸன் அலி வெளியிட்டிருக்கும் துண்டு பிரசுரம் தொடர்பாக கேட்ட போது, "அவர் மீடியேட்டர்களில் ஒருவராக இல்லை, அவர் இதனால் பாதிக்கப்படவுமில்லை. மேலும், இது சம்பந்தமான வினா எழுப்ப இருமுறை நடைபெற்ற சந்திப்புகளில் கலந்துக் கொண்டோர்களுக்கு மட்டுமே இதில் முழு உரிமை இருக்கிறது என்றார்.

சமுதாய அமைப்புகள் இப்போது எழுப்பி இருக்கும் வினாக்கள் தொடர்பாக கேட்டபோது, " சமுதாய நலனில் அக்கறை உள்ள இவர்கள் என்னை நேரடியாக சந்தித்து கேட்டிருக்கலாமே, என்ற தனது ஆதங்கத்தை வெளிப்படுத்தினார்.

சந்திப்பு: ஹம்துன் அப்பாஸ், MGF
மேலும் வாசிக்க>>>> "சட்டத்தில் இடமில்லை: டாக்டர் S.நூர் முஹம்மது"

0 கருத்துரைகள்!

ஒரு சில நாள்களாக நமது mypno.com தளம் தொழிற்நுட்பக் கோளாறுகளால் முடங்கியுள்ள நிலையில், வாசகர்களுடனான தொடர்பில் முடக்கம் ஏற்படக்கூடாது, என்ற நிலையில் நமது தளம் உடனடியாக நமது வலைப்பூவிற்கு திருப்பிவிடப்படுகிறது. வலைப்பூவிலேயே தற்காலிகமாக செய்திகள், தகவல்கள் உடனுக்குடன் வலையேற்றப்படுகின்றன.

இந்நிலையில், வலைத்தளத்தில் வைத்திருந்த மறுமொழி மட்டுறுத்தல் வலைப்பூவில் இல்லாமல் போனதால், எங்களை அறியாமல் சில தரக்குறைவான கருத்துகள் மறுமொழியில் வெளிவந்துள்ளன.

இச்சறுக்கல் உடனடியாக எங்கள் கவனத்திற்குக் கொண்டு வரப்பட்டவுடன் அதனைச் சரி செய்துவிட்டோம்.

இதனால் ஏற்பட்ட தேவையற்ற மன உளைச்சல்களுக்கு ஆசிரியர் குழுவின் உளப்பூர்வமான மனவருத்தங்களைத் தெரிவித்துக் கொள்கிறோம்.

புரிதலுக்கு நன்றி.

Editors
Mypno.com
மேலும் வாசிக்க>>>> "MYPNO முக்கிய அறிவிப்பு"

8 கருத்துரைகள்!


ஜெயின்பாவா தைக்கால் தெருவில் மர்ஹும் ஷேக்கா மரைக்காயர் அவர்களின் மகனாரும், ஹமீது கவுஸ் மரைக்காயர் அவர்களின் தம்பியும், மர்ஹும் யூனுஸ் மரைக்காயர் (கடலூர் OT) அவர்களின் மருமகனும், மர்ஹும் Y முஹம்மது சுல்தான் , மர்ஹும் Y. முஹம்மது ஹஸன், மர்ஹும் Y.M கமால், Y.ஷேக் அப்துல் காதர் (பேங்காக்) ஆகியோரின் மைத்துனரும், யஹ்யா மரைக்காயர் அவர்களின் மாமாவும், M. முஹம்மது இக்பால் (கடலூர் OT) அவர்களின் மாமனாரும், M.ஷாஹுல் ஹமீது, M.செய்யத் மரைக்காயர் ஆகியோரின் தகப்பனாருமான முஹம்மது முஸ்தபா மரைக்காயர் அவர்கள் மர்ஹும் ஆகி விட்டார்கள்.

இன்ஷா அல்லாஹ் இன்று மாலை 4 மணிக்கு நல்லடக்கம் வாத்தியாப்பள்ளியில்.

இன்னாலில்லாஹி வ இன்னா இலைஹி ராஜிவூன்

மேலும் வாசிக்க>>>> "இறப்புச் செய்தி: முஹம்மது முஸ்தபா மரைக்காயர்"

7 கருத்துரைகள்!


பரங்கிப்பேட்டை இஸ்லாமிய ஐக்கிய ஜமாஅத் புதிய நிர்வாகிகள் பதவி ஏற்பு விழா நாளை காலை மீராப்பள்ளியில் நடக்க இருக்கிறது. இந்நிலையில் பதவி ஏற்பு நிகழ்ச்சி, தனது முன்னிலையில் நடக்கும் என்று அழைப்பிதழில் குறிப்பிடப்பட்டிருப்பதற்கும் தனக்கும் எவ்வித சம்பந்தமுமில்லை என்று பரங்கிப்பேட்டை பேரூராட்சி மன்ற தலைவர் M.S.முஹம்மது யூனுஸ் இன்று வெளியிட்டுள்ள அறிக்கை மூலம் தெரிவித்துள்ளார்.
மேலும் வாசிக்க>>>> "ஜமாஅத் நிர்வாகிகள் பதவி ஏற்பு விழா: M.S.முஹம்மது யூனுஸ் அறிக்கை.!"

3 கருத்துரைகள்!

அஸ்ஸலாமு அலைக்கும் ,


கடலூர் O.T. யில் மர்ஹூம் அஹ்மது ஹுசைன் அவர்களின் மனைவியும், A.H. பக்கீர் மொஹியதீன் சாபு, A.H. அபூபக்கர் மௌலானா, A.H.குலாம் காதர் (ஹாஜி), A.H.உமர் சாபு இவர்களின் தாயாருமாகிய S.M. செய்துன்னிஷா (மோச்சம்மா) இன்று மதியம் 2.30 மணியளவில் கடலூர் O.T யில் மர்ஹூம் ஆகிவிட்டார்கள்.


நாளைகாலை நல்லடக்கம் கடலூர் O.T. யில். இன்னா லில்லாஹி வயின்னா இலைஹி ராஜிஊன் .
மேலும் வாசிக்க>>>> "மய்யத் செய்தி - கடலூர் O.T."

4 கருத்துரைகள்!

பரங்கிப்பேட்டை இஸ்லாமிய ஐக்கிய ஜமாஅத் தலைவர் பதவிக்கான தேர்தலில் டாக்டர் S. நூர் முஹம்மது போட்டியின்றி தேர்ந்தெடுக்கப்பட்டு, வரும் ஞாயிற்றுக்கிழமையன்று பதவியேற்க இருக்கும் நிலையில், ஜமாஅத் நிர்வாகிகள் யார் என்பதில் தொடங்கிய பரபரப்பு இன்று அடுத்த கட்டத்தை அடைந்துள்ளது.
பரங்கிப்பேட்டை சின்னக்கடை தெருவை சேர்ந்த J.ஹஸன் அலி என்பவர், டாக்டர் S.நூர் முஹம்மது போட்டியின்றி தேர்ந்தெடுக்கப்பட்டதின் பின்னணி என்ன என்பதை தெரிவிக்கிறேன் என்று நேற்று மாலை வெளியிட்ட பிரசுரம் ஒன்றில் தெரிவித்திருந்தார். அப்பிரசுரம் இன்று ஜும்ஆ தொழுகைக்கு பின்னரும் வினியோகம் செய்யப்பட்டது.
இந்நிலையில், பரங்கிப்பேட்டையில் செயல்பட்டு வரும், இஸ்லாமிய அமைப்புகளான தமிழ்நாடு தவ்ஹீத் ஜமாஅத்(TNTJ) நிர்வாகிகள் முத்துராஜா, ஃபாஜல் ஹுசேன், இக்பால், சாஹுல், ஹஸன் அலி, அன்சாரி, தமிழ்நாடு முஸ்லிம் முன்னேற்றக் கழக(TMMK) நிர்வாகிகள் ஜாக்கீர், பிலால், நஜிரான், செய்யது, ஹஸன் அலி, இந்திய தவ்ஹீத் ஜமாஅத்(INTJ) நிர்வாகிகள் நஸ்ருத்தீன், கவுஸ் ஹமீது, எஹ்யா மரைக்காயர், ஹாஜா ஆகியோர் இன்றிரவு சுமார் 8.00 மணியளவில் பரங்கிப்பேட்டையில் ஒன்று கூடி, J.ஹஸன் அலி என்பவர் தெரிவித்திருக்கும் கருத்துக்களின் உண்மை நிலை பற்றி பொதுமக்களுக்கும், சமுதாய அமைப்புகளுக்கும் தெரியவில்லை.

பொதுமக்களிடம் குழப்பமான சூழ்நிலை இருப்பதால் ஊரின் பொதுக்குழு கூடி முடிவு செய்யப்பட வேண்டும். எனவே இதன் உண்மை நிலையை அறிந்து தெளிவு ஏற்படும் வரை பதவி பிரமாண நிகழ்ச்சி நடத்த அனுமதிக்கக் கூடாது என்று தலைமை தேர்தல் ஆணையாளர் ஆடிட்டர் I.முஹம்மது இல்யாஸை சந்தித்து முறையிட்டனர்.

இதற்கு பதிலளித்த முஹம்மது இல்யாஸ், “தேர்தல் முடிவடைந்து சான்றிதழ் வழங்கியதோடு தங்களது கடமை முடிவடைந்து விட்டது. தற்போதைய ஜமாஅத் நிர்வாகம் தான் பதவியேற்பிற்கான ஏற்பாடுகளை செய்ய வேண்டும் என்று ஜமாஅத் அமைப்பு நிர்ணயச் சட்ட விதிகளில் குறிப்பிடப்பட்டுள்ளதால், தற்போதைய ஜமாஅத் நிர்வாகத்தை அணுகலாம் என்றார்.

பின்னர் மீராப்பள்ளியில் நடைபெற்ற சிறிது நேர ஆலோசனைக்கு பின்னர் தற்போதைய ஜமாஅத் தலைவர் (பொறுப்பு) I.இஸ்ஹாக் மரைக்காயரை இம்மூன்று அமைப்பினரும் சந்தித்து கேட்டனர். இரு தரப்பினருக்கும் உடன்பாடு ஏற்பட்டது உண்மை தான், ஆனால் எங்களின் பதவிக்காலம் முடிவடைய இன்னும் ஒரே நாள் தான் இருப்பதால் தங்களால் எதுவும் செய்ய முடியாது என்றார்.

பின்னர் மீண்டும் மீராப்பள்ளியில் கூடி ஆலோசனை செய்த இம்மூன்று அமைப்பினரும், சனிக்கிழமை (11-02-2012) அன்று பரங்கிப்பேட்டையில் தங்கள் அமைப்புகளால் பொதுக்குழுவை கூட்ட முடியும் என்ற போதிலும், பொது அமைதியினை கருத்தில் கொண்டு அம்முடிவை கைவிடுவதாகவும், ஆனால் பொதுமக்களிடம் அதிக அளவில் கையெழுத்துகள் பெற்று ஜமாஅத் தலைவருக்கு பதவி பிரமாணம் செய்து வைக்க இருக்கும் மீராப்பள்ளி நிர்வாகி M.O.ஜமால் முஹம்மது வசம் பொதுமக்களின் கையெழுத்து அடங்கிய மனு வழங்கப்படும் என்று முடிவு செய்துள்ளனர்.

ஜமாஅத் தலைவர் பதவியேற்பிற்கான ஏற்பாடுகள் தீவிரமாக நடந்து வரும் நிலையில், சமுதாய அமைப்புகள், J.ஹஸன் அலி வெளியிட்டுள்ள பிரசுரத்தில் குறிப்பிடப்பட்டுள்ள தகவல்கள் குறித்து உண்மை நிலை தெளிவுப்படுத்தப்பட வேண்டும் என்று குரல் எழுப்பி இருப்பது பரங்கிப்பேட்டையில் பரபரப்பினை ஏற்படுத்தியுள்ளது.

மேலும் வாசிக்க>>>> "ஜமாஅத் தேர்தல்: சமுதாய அமைப்புகள் போர்க்கொடி..!"

வியாழன், 9 பிப்ரவரி, 2012 0 கருத்துரைகள்!


பரங்கிப்பேட்டை: இஸ்லாமிய ஐக்கிய ஜமாஅத்தின் புதிய நிர்வாகிகள் பட்டியலை புதிதாகப் பொறுப்பேற்க உள்ள புதிய தலைவர் டாக்டர் எஸ். நூர் முஹம்மது நேற்று வெளியிட்டிருந்தார். அதில் புதிதாக மேலும் இரு நிர்வாகிகளையும் இன்று அறிவித்தார். 

இந்நிலையில், பைத்துல்மால் எனப்படும் ஜமாஅத்தின் பொதுநிதிக் கருவூலத்தின் நிர்வாகிகள் பட்டியலை சற்றுமுன் வெளியிட்டார்.

பைத்துல் மால் கமிட்டி நிர்வாகிகள்:

தலைவர்: 
டாக்டர் எஸ். நூர் முஹம்மது.

பொருளாளர்: 
எம்.கே. கலிக்குஜ் ஜமான்

நிர்வாகிகள்:

ஐ. ஹபீப் முஹம்மது
எம். எம். முஹம்மது முராது
ஜி. நிஜாமுத்தீன்
எஸ். முஹம்மது அப்துல் காதர்
எஸ். ஏ. ரியாஜ் அஹமது
ஹெச்.எம். காமில்
மேலும் வாசிக்க>>>> "பைத்துல்மால் கமிட்டி நிர்வாகிகள் அறிவிப்பு!"

0 கருத்துரைகள்!

டாக்டர் S.நூர் முஹம்மது தலைமையிலான பரங்கிப்பேட்டை இஸ்லாமிய ஐக்கிய ஜமாஅத் நிர்வாகிகள் பட்டியல் நேற்று வெளியிடப்பட்டது. இந்நிலையில் மேலும் இரு நிர்வாகிகள் அப்பட்டியலில் சேர்க்கப்பட்டுள்ளனர்.
M.அப்துல் காதர் மரைக்காயர் உமரி (தவ்லத்துன்னிசா அரபிக் கல்லூரி முதல்வர்) துணைத்தலைவராகவும்,
வழக்குரைஞர் முஹம்மது ஹனிபா செயலாளராகவும் நியமிக்கப்பட்டுள்ளனர்.
மேலும் வாசிக்க>>>> "ஜமாஅத் நிர்வாகிகள்: மேலும் இருவர் சேர்ப்பு"

0 கருத்துரைகள்!

 பரங்கிப்பேட்டை: பரங்கிப்பேட்டை வாரச் சந்தையிலிருந்து 15-க்கும் மேற்பட்டவர்களை ஏற்றிக்கொண்டு சின்னூர் நோக்கி சென்ற குட்டியானை என்கிற சரக்கு வாகனம் சின்னூர் சுமங்கலி திருமண மண்டபம் அருகே உள்ள திருப்பத்தில் எதிரில் டிரிபிள்ஸில் வந்த ஒரு பைக் மீது மோதியதால் நிலை தடுமாறி சாய்ந்தது. இதனால் பைக்கில் வந்த மூவர் உட்பட 15 பேர் படுகாயம் அடைந்தனர்.

காயம் அடைந்தவர்களை முதலுதவி மற்றும் சிகிச்சைக்காக பரங்கிப்பேட்டை அரசு மருத்துவமனைக்கு ஜமாஅத் ஆம்புலன்ஸ் மூலம் அழைத்து வரப்பட்டனர்.
மிகவும் கவலைக்கிடமாக இருக்கும் சிலரை 108 அரசு ஆம்புலன்ஸ் மற்றும் ஜமாஅத் ஆம்புலன்ஸில் சிதம்பரம் மற்றும் கடலூர் அரசு மருத்துவமனைக்கு அழைத்துச் செல்லப்பட்டனர்.

படங்கள்: ஜமான், முத்துராஜா
மேலும் வாசிக்க>>>> "குட்டியானை - பைக் மோதல்: கோர விபத்து!"

0 கருத்துரைகள்!

பரங்கிப்பேட்டை: பரங்கிப்பேட்டை இஸ்லாமிய ஐக்கிய ஜமாஅத் தலைவர் பதவிக்கான தேர்தலில் போட்டியின்றி தேர்ந்தெடுக்கப்பட்டுள்ள டாக்டர் எஸ்.நூர் முஹம்மது, வரும் 12ந் தேதி தலைவராக பொறுப்பேற்க இருக்கின்றார். பட்டியல் அதிகாரபூர்வமாக அறிவிக்கப்படுவதற்கு முன்பே யூகங்கள் இறக்கை கட்டி அலையிலும் – வலையிலும் பறந்து வந்தது. கடந்த சில தினங்களாக நடத்தப்பட்டு வந்த தீவிர ஆலோசனைக்கு பிறகு தனது சக நிர்வாகிகள் பட்டியலை டாக்டர் நூர் முஹம்மது இறுதி செய்துள்ளார். இந்நிலையில் டாக்டர் எஸ்.நூர் முஹம்மது அறிவித்துள்ள நிர்வாகிகள் பட்டியல்:-

தலைவர் : 
டாக்டர் S. நூர் முஹம்மது

துணைத்தலைவர்கள் :
M.S. அலி அக்பர்,
S. O. செய்யது ஆரிஃப் (அல்ஹாஸ்),
S. முஹமது அலி (Rtd. தாசில்தார்)
பொதுச்செயலாளர்:
O.முஹம்மது கவுஸ் (Rtd. ஆர்.ஐ)

செயலாளர்கள் :  
M. சுல்தான் அப்துல் காதர்,
H. ஷாஜகான்,
G.Md. அன்சாரி,
S. முஸ்தபா,
A. முஹமது ஹனீஃபா,
A. ஹபீபுல்லா கான்

பொருளாளர்:   
M. K. கலிக்குஜ் ஜமான்,
மேலும் வாசிக்க>>>> "ஜமாஅத் நிர்வாகப் பட்டியல்"

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234