பரங்கிப்பேட்டை தகவல் களஞ்சியம்

ஞாயிறு, 19 ஜனவரி, 2014 0 கருத்துரைகள்!



சிங்கப்பூர்: பரங்கிப்பேட்டை இஸ்லாமிய சமூக நல்வாழ்வு சங்கத்தின் பொதுக்குழு கூட்டம் மஸ்ஜித் ஜாமிஆ சூலியாவில் இன்று பகல் நடைபெற்றது. அமைப்பின் தலைவர் ஏ.ஆர்.அப்துல் கரீம்  தலைமையில் நடைபெற்ற கூட்டத்தினை ஹெச். ஹமீது கவுஸ்  இறை வசனம் ஓதி துவக்கி வைத்தார்.

அண்மையில் பரங்கிப்பேட்டையில் நடைபெற்ற இஸ்லாமிய ஐக்கிய ஜமாஅத் செயற்குழு கூட்டத்தில் கலந்து கொண்ட துணைத்தலைவர் எஸ்.ஓ.ஜியாவுதின் அஹமது, அது தொடர்பான விவரங்களையும், குர்ஆன் மக்தபா செயல்பாடுகளையும் உறுப்பினர்களுடன் பகிர்ந்து கொண்டார்.

சிங்கப்பூர் அமைப்பின் ஏற்பாட்டில்  செயல்படுத்தப்பட்டு வரும்  "செவிலியர் சேவை" தொடர்பாக விவாதிக்கப்பட்டு முடிவுகள் எடுக்கப்பட்டது

சமையல் எரிவாயு மானியம் பெறுவதற்கு, இந்திய அரசின் ஆதார் அடையாள அட்டை கட்டாயமாக்கப்பட்டுள்ளது என்பதில் இரு வேறு கருத்துக்கள் நிலவுவதால், ஜமாஅத் நிர்வாகம், பரங்கிப்பேட்டையில் சமையல் எரிவாயு முகவாண்மையை தொடர்பு கொண்டு மக்களுக்கு தெளிவுப்படுத்திட வேண்டும் என்றும் கேட்டு கொள்ளப்பட்டது.

 பரங்கிப்பேட்டையில்  சமுதாய பணியாளர்களின்(பெண்) தேவை அதிகரித்து வருவதை கவனத்தில் கொண்ட இப்பொதுக்குழு அதற்கான பணியாளர்களை விரைந்து நிரப்ப ஜமாஅத் நிர்வாகத்தை  கேட்டு கொண்டுள்ளது.

கூட்டத்தில் செயலாளர் ஹெச்.தாரிக் ஹுஸைன், பொருளாளர் எம்.ஜி.கமாலுதீன், மற்றும் திரளான உறுப்பினர்கள் கலந்துக்கொண்டனர்.
மேலும் வாசிக்க>>>> "PISWA பொதுக்குழு கூட்டம்"

சனி, 4 ஜனவரி, 2014 0 கருத்துரைகள்!

















பரங்கிப்பேட்டை பேரூராட்சி மன்றத் தலைவரும், கடலூர் மாவட்ட இஸ்லாமிய ஐக்கிய ஜமாஅத்தின் தலைவரும், பரங்கிப்பேட்டை ஐக்கிய ஜமாஅத்தின் செயல் தலைவருமான முனைவர் ஹாஜி எம்.எஸ். முஹம்மது யூனுஸ் தலைமையில் இந்திய யூனியன் முஸ்லிம் லீக் கட்சியின் வேலூர் பாராளுமன்ற உறுப்பினர் எம். அப்துர் ரஹ்மான் அவர்களுக்கு பொன்னாடை அணிவித்து கவுரவம் செய்யப்பட்டது.



கடந்த வாரம் திருச்சியில் தமிழ்நாடு மாநில இந்திய யூனியன் முஸ்லிம் லீக் கட்சி ஏற்பாடு செய்த இளம்பிறை எழுச்சிப் பேரணி மற்றும் மஹல்லா ஜமாஅத் ஒருங்கிணைப்பு மாநாடு நிகழ்ச்சிகளுக்கு பரங்கிப்பேட்டையிலிருந்து வருகை தந்ததுடன் இந்த கவுரவிப்பு நிகழ்ச்சியையும் நடத்தினார்கள். சமூக, அரசியல் நிலவரங்கள் குறித்தும் கலந்துரையாடினர்.

இந்நிகழ்ச்சியில் முஸ்லிம் லீக் கட்சியின் பரங்கிப்பேட்டை நகர தலைவர் பஷீர் அஹ்மது, எஸ்.எஸ். அலாவுதீன், மீ.மெ. மீரா ஹூஸைன், ஜே. உதுமான் அலீ மற்றும் முஸ்தஃபா கமால் ஆகியோர் கலந்து கொண்டனர். சந்திப்பு ஏற்பாடுகளை MYPNO ஆசிரியர் கலீல் பாகவீ செய்திருந்தார்.
மேலும் வாசிக்க>>>> "அப்துர் ரஹ்மான் எம்.பியுடன் சந்திப்பு"

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234