பரங்கிப்பேட்டை தகவல் களஞ்சியம்

புதன், 11 ஜூன், 2014


பரங்கிப்பேட்டை பகுதியில் உள்ள அனைத்து சமுதாயத்தைச் சார்ந்த 10 மற்றும் 12-ம் வகுப்பு பொதுத்தேர்வுகளில் அதிக மதிப்பெண்கள் பெற்ற மாணவ-மாணவிகளுக்கு தொடர்ந்து 15 ஆண்டுகளாக தங்கம், வெள்ளி பதக்கங்கள் மற்றும் சான்றிதழ்கள், பரிசுகளை வழங்கி கல்வியை ஊக்கப்படுத்தி வருகிறது பரங்கிப்பேட்டை இஸ்லாமிய ஐக்கிய ஜமாஅத். 

அந்த வகையில் இந்த ஆண்டும் 10 மற்றும் 12-ம் வகுப்பு பொதுத்தேர்வுகளில் அதிக மதிப்பெண்கள் பெற்ற மாணவ-மாணவிகளுக்கு தங்கம், வெள்ளி பதக்கங்கள் மற்றும் சான்றிதழ்கள், பரிசுகளை வழங்கி அனைத்து சமுதாயத்தைச் சார்ந்த மாணவ-மாணவிகளையும் கவுரப்படுத்தவுள்ளது இஸ்லாமிய ஐக்கிய ஜமாஅத்.

இதற்காக பரிசு வழங்கும் விழா வரும் சனிக்கிழமை (14/06/2014) காலை மஹ்மூதியா ஷாதி மஹாலில் இஸ்லாமிய ஐக்கிய ஜமாஅத் தலைவர் கேப்டன் எம். ஹமீது அப்துல் காதர் தலைமையில் நடைபெறவுள்ளது. பரங்கிப்பேட்டை பேரூராட்சி மன்ற தலைவரும், கடலூர் மாவட்ட இஸ்லாமிய ஐக்கிய ஜமாஅத் தலைவருமான முனைவர் எம்.எஸ். முஹம்மது யூனுஸ், மீராப்பள்ளி நிர்வாகி கலிமா கே. ஷேக் அப்துல் காதர் மரைக்காயர் உள்ளிட்டோர் முன்னிலையில் நடைபெறும் இவ்விழாவினை, மீராப்பள்ளி இமாம் எம்.எஸ். அஹமது கபீர் காஷிபி இறை வசனம் ஓதி துவக்கி வைக்கின்றார்.

இந்த விழாவில் கடலூர் பாராளுமன்ற தொகுதி உறுப்பினர் ஏ. அருண்மொழித்தேவன், சிதம்பரம் பாராளுமன்ற தொகுதி உறுப்பினர் எம். சந்திரகாசி, சிதம்பரம் தொகுதி சட்டமன்ற உறுப்பினர் கே. பாலகிருஷ்ணன் மற்றும் புவனகிரி தொகுதி சட்டமன்ற உறுப்பினர் செல்வி இராமஜெயம் ஆகியோர் சிறப்பு விருந்தினர்களாக கலந்துக் கொண்டு 10 மற்றும் 12-ம் வகுப்பு பொதுத்தேர்வுகளில் அதிக மதிப்பெண்கள் பெற்ற மாணவ-மாணவியர்களுக்கு  தங்கம்-வெள்ளி பதக்கங்களையும், சான்றிதழ்களையும் வழங்கி வாழ்த்துரை வழங்கவுள்ளனர். 

அனைரும் கலந்துக் கொண்டு விழாவினை சிறப்பிக்குமாறு இஸ்லாமிய ஐக்கிய ஜமாஅத் தலைவர் கேப்டன்  எம்.  ஹமீது அப்துல் காதர் வேண்டுகோள் விடுத்துள்ளார்.

0 கருத்துரைகள்!:

கருத்துரையிடுக

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234