பிளஸ்-2 மதிப்பெண் பட்டியல் 25-ந்தேதி வினியோகம்

பிளஸ்-2 தேர்வு முடிவை தேர்வுத்துறை இயக்குனர் வசந்தி ஜீவானந்தம் இன்று வெளியிட்டார்.

பின்னர் அவர் நிருபர்களிடம் கூறியதாவது:-

இந்த தேர்வில் மாணவிகளை விட மாணவர்களே அதிக அளவில் தேர்ச்சி அடைந்துள்ளனர்.

5 லட்சத்து 32 ஆயிரத்து 222 மாணவ- மாணவிகள் வெற்றி பெற்றுள்ளனர். இது 83 சதவீத தேர்ச்சியாகும்.

இது கடந்த ஆண்டை விட குறைவு.

இந்த ஆண்டு அதிக அளவில் மாணவ- மாணவிகள் தேர்வு எழுதி உள்ளார்கள்.

தேர்ச்சி விகிதம் குறைந்ததற்கு இதுவும் ஒரு காரணமாகும்.

மாணவர்கள் பெற்ற மதிப்பெண்கள் அடங்கிய அட்டவணைப்படுத்தப்பட்ட மதிப்பெண் பட்டியல் அவரவர்கள் பயின்ற பள்ளியில் இன்றே ஒட்டப்படும்.

மதிப்பெண் சான்றிதழ்கள் 25-ந்தேதி (திங்கட்கிழமை) அந்தந்த பள்ளி தலைமை ஆசிரியர்கள் மூலம் வழங்கப்படும்.

தனித் தேர்வர்கள் தாங்கள் தேர்வு எழுதிய மையங்களில் இருந்து மதிப்பெண் சான்றிதழ்களை பெற்றுக் கொள்ளலாம்.

கணிதம், இயற்பியல், வேதியியல், உயிரியல், விலங்கியல், தாவரவியல் மற்றும் கணினி அறிவியல் பாடங்களுக்கு விடைத்தாள் நகல் கேட்டு விண்ணப்பிக்கலாம்.

இதற்கான விண்ணப்பம் 18-ந்தேதி முதல் 21-ந்தேதி வரை முதன்மை கல்வி அலுவலகம், மாவட்ட கல்வி அலுவலர் அலுவலகம், அரசு தேர்வு மண்டல துணை இயக்குனர் அலுவலகங்களில் விற்பனை செய்யப்படும்.

விடைத்தாள் நகல் பெற ஒரு பாடத்திற்கு ரூ. 275 கட்டணம் வசூலிக்கப்படுகிறது.

விடைத்தாள் நகல் பெற்றவர்கள் மட்டுமே விடைத்தாள் மறு மதிப்பீடு செய்ய விண்ணப்பிக்க வேண்டும்.

மறு மதிப்பீடு கட்டணம் ஒரு பாடத்திற்கு ரூ. 505 ஆகும்.

மறு கூட்டலுக்கு கட்டணம் உயிரியல் பாடத்திற்கு ரூ. 305ம், மற்ற பாடங்களுக்கு ரூ. 205ம் நிர்ணயிக்கப்பட்டுள்ளது.

பிளஸ்-2 தேர்வு எழுதியவர்களில் 3 அல்லது அதற்கு குறைவான பாடங்களில் தோல்வியுற்று இருந்தால் ஜுன் / ஜுலையில் சிறப்பு துணைத் தேர்வு எழுதலாம்.

இதற்கான விண்ணப்பம் 18-ந்தேதி முதல் 22-ந்தேதி வரை வழங்கப்படுகிறது.

சிறப்பு துணை தேர்வு ஜுன் 22-ந்தேதி முதல் ஜுலை 2-ந்தேதி வரை நடைபெறுகிறது என்று கூறினார்.

கும்மத்பள்ளி ஓட்டுச்சாவடியில் வாலிபர் குடிபோதையில் ரகளை!

பரங்கிப்பேட்டை அடுத்த கும்மத்பள்ளி ஓட்டுச்சாவடியில் வாக்காளர் ஒருவர் குடிபோதையில் ரகளையில் ஈடுப்பட்டதால் பரபரப்பு ஏற்பட்டது.

சிதம்பரம் லோக்சபா தொகுதி பரங்கிப்பேட்டை ஒன்றியத்தில் உள்ள ஓட்டுச்சாவடிகளில் பொதுமக்கள் நேற்று காலை முதல் ஆர்வமுடன் வரத் துவங்கினர்.

நேற்று காலை 6.30 மணிக்கு மஞ்சக்குழி, பு.முட்லூர், சின்னகுமட்டி, பெரியகுமட்டி, தச்சக்காடு, சேந்திரக்கிள்ளை, அருண்மொழிதேவன் உள்ளிட்ட பகுதிகளில் ஏராளமான பொதுமக்கள் ஓட்டுப் போட ஓட்டுச்சாவடி முன் காத்திருந்தனர்.

காலை 7 மணிக்கு ஓட்டு பதிவு துவங்கியதும் வரிசையில் நின்று ஆர்வமுடன் ஓட்டளித்தனர்.

பரங்கிப்பேட்டை ஒன்றியத்தில் தி.மு.க., மற்றும் பா.ம.க.,வினர் அதிக அளவில் பணப் பட்டுவாடா செய்து இருந்தனர்.

இதனால் பணப்பட்டுவாடா செய்யப்பட்ட பகுதியில் இருந்து மக்களை அந்தந்த கட்சியை சேர்ந்த தொண்டர்கள் காலையிலயே ஓட்டுப்போட ஏற்பாடு செய்தனர்.

காலையில் ஓட்டுபோட ஆர்வம் காட்டிய பொதுமக்கள் வெயிலின் தாக்கம் அதிகமாக இருந்ததால் பகல் 12 மணிக்கு மேல் பரங்கிப்பேட்டை நகர பகுதி ஓட்டுச்சாவடிகளில் மந்தமாக காணப்பட்டது.

மரத்தடியில் அந்தந்த பகுதி கட்சியினர் காத்திருந்தனர்.

கும்மத்பள்ளி ஓட்டுச்சாவடியில் ஜாக்கிர் உசேன் (32) என்பவர் குடிபோதையில் ரகளை செய்ததால் திடீர் பரபரப்பு ஏற்பட்டது.

இது பற்றி தகவலறிந்த பரங்கிப்பேட்டை இன்ஸ்பெக்டர் ராமபாண்டியன் மற்றும் போலீசார் விரைந்து வந்து குடிபோதையில் ரகளை செய்த ஜாக்கிர் உசேனை போலீஸ் ஸ்டேஷனுக்கு பாதுகாப்பாக அழைத்துச் சென்றனர்.

ஓட்டுச்சாவடிகளில் தயார் நிலையில் இருந்த மின் ஊழியர்கள்

சென்னை மின்தடை சம்பவம் எதிரொலியாக கடலூர், சிதம்பரம் தொகுதி ஓட்டுச்சாவடிகளில் மின்தடையை உடனடியாக சீரமைக்க மின்சார ஊழியர்கள் தயார் நிலையில் இருந்தனர்.

சென்னையில் நேற்று முன்தினம் இரவு திடீர் மின்தடை ஏற்பட்ட சம்பவம் அரசியல் கட்சிக்களுக்கிடையே பெரும் சர்ச்சையை ஏற்படுத்தியது.

இதனால் நேற்று சிதம்பரம் மற்றும் கடலூர் லோக்சபா தொகுதி தேர்தலின்போது அனைத்து ஓட்டுச்சாவடிகளிலும் முன்னேற்பாடுகள் செய்யப்பட்டது.

தொடர்ந்து தடையில்லா மின்சாரம் வழங்கவும், தடை ஏற்பட்டால் உடனடியாக சரி செய்யவும், சமூக விரோதிகள் மின்சாரத்தை தடை செய்தால் அசம்பாவிதங்கள் நடக்காமல் கண்காணிக்கவும் மின்சார ஊழியர்கள் பாதுகாப்பு பணியில் ஈடுபட்டிருந்தனர்.

கடலூர் மாவட்ட மின்சார வாரியத்தின் சார்பில் திடீர் மின்தடை ஏற்பட்டால் உடன் சரி செய்ய 24 மணி நேரமும் உஷார் நிலையில் மின்சார ஊழியர்களை தயார் நிலையில் வைத்துள்ளது.

கடலூர் பாரதி ரோட்டில் டவுன் ஹால் அருகில் அமைக்கப்பட்டுள் தகவல் மையத்தில் ஒரு போர்மேன் தலைமையில் 10க்கு மேற்பட்ட லைன்மேன்கள் தயார் நிலையில் இருந்து வருகின்றனர்.

பரங்கிப்பேட்டை ஒன்றிம் பு.முட்லூர் துணை மின் நிலையத்திற்குட்பட்ட தச்சக்காடு, சேந்திரக்கிள்ளை, பால்வாதுண்ணான், வேளங்கிப்பட்டு, புதுச்சத்திரம் உட்பட 16 ஓட்டுச்சாவடிகளிலும், பரங்கிப்பேட்டை உதவி மின்பொறியாளர் அலுவலகத்திற்குட்பட்ட பரங்கிப்பேட்டை, அகரம், சாமியார்பேட்டை, புதுக்குப்பம் உட்பட 18 ஓட்டுச் சாவடிகளிலும் 32 ஊழியர்கள் தயாராக இருந்தனர்.

இந்த மின்சார ஊழியர்கள் பணியில் இருப்பதை உயர் அதிகாரிகள் அடிக்கடி கண்காணித்தனர்.

+ 2 தேர்வு முடிவுகள்

பன்னிரெண்டாம் வகுப்பு அரசு பொது தேர்வு முடிவுகள் 9 மணிக்கு என்று சொல்லப்பட்டு வழக்கம் போல அரை மணி நேர தாமதத்துடன் வெளியாகியது.
பரங்கிப்பேட்டை சேவாமந்திர் மேல்நிலை பள்ளி 100 சதவிகித பெற்று உள்ளதாக செய்திகள் வெளியாகி உள்ளன. விபரங்கள் விரைவில்.
பரங்கிப்பேட்டை அரசு பெண்கள் பள்ளி 76 சதவிகிதம் தேர்ச்சி பெற்றுள்ளது. அதன் தலைமை ஆசிரியர் திரு ராகவன் அவர்கள் இந்த செய்தியை பெருமையுடன் அறிவித்தார். பள்ளி முதல் இடத்தை வழக்கம் போல ஹபீபா ஜுலைகா அவர்கள் 1079 மதிப்பெண்கள் எடுத்து தக்க வைத்துள்ளார். அரசு பெண்கள் பள்ளியில் 1000 மதிப்பென்களுக்கு (80% ) மேல் பெற்ற மாணவிகள் மொத்தம் 7 பேர் என்பது குறிப்பிடத்தக்கது. இரண்டாவதாக சரண்யா (1056) கதீஜா (1038) ஆகியோர் இருக்கின்றனர்.

அரசு ஆண்கள் மேல்நிலை பள்ளி சற்றே குறைந்த 57% பள்ளி தேர்ச்சி சதவிகிதம் பெற்றுள்ளது. முதலிடம் பெற்றவர்கள் குறித்து விபரங்கள் விரைவில்...
கலிமா மேல்நிலை பள்ளி 83% பள்ளி தேர்ச்சி சதவிகிதம் (29 பேர் தெர்வெழுதியதில் 24 பேர் தேர்ச்சி). முதல் இடத்தை வழக்கம் போல (இங்கு வழக்கம் போல என்று குறிப்பிடப்படுவது பத்தாம் வகுப்பு பொதுதேர்விலும் பள்ளி முதல் இடத்தை பிடித்த சாதனை மாணவிகள் என்பதை பெருமையுடன் குறிப்பிடுவதற்காக) உம்முல் யாஸ்மின் அவர்கள் 1073 மதிப்பெண்கள் எடுத்து சாதித்துள்ளார். அடுத்த நிலைகளில் முறையே நூர் அஜீஜுன்னிசா (1026) அப்துர் ரஹ்மான் (1024) ஆகியோர் பெற்றுள்ளனர்.
முனா ஆஸ்திரேலியன் பள்ளி 33 சதவிகிதம் பெற்றுள்ளது.

இந்திய இளைஞர் அறிவியல் கருத்தரங்கம்: மே 15க்குள் முன்பதிவு

சென்னை ஸ்ரீ பெரும்பூதூரில் நடைபெறவுள்ள "இந்திய இளைஞர் அறிவியல் கருத்தரங்கில்' கலந்து கொள்ள மே 15 - ம் தேதிக்குள் முன்பதிவு செய்ய வேண்டும்.

எம்.எஸ்.சுவாமிநாதன் ஆராய்ச்சி அறக்கட்டளை, எஸ்.ஆர்.எம்.பல்கலைக்கழகம், ராஜீவ் காந்தி இளைஞர் மேம்பாட்டு நிறுவனம் ஆகியவை இணைந்து இக் கருத்தரங்கை நடத்துகின்றன.

ஜூன் 5ம் தேதி முதல் 7ம் தேதி வரை கருத்தரங்கு நடைபெறும். முன்பதிவு செய்ய தொடர்பு கொள்ள வேண்டிய முகவரி:

ஒருங்கிணைப்பாளர், எம்.எஸ்.சுவாமிநாதன் ஆராய்ச்சி அறக்கட்டளை, 3வது குறுக்குத்தெரு, தரமணி, சென்னை - 113.
தொலைபேசி: 044 - 2254 1229, 2254 2698

சிதம்பரம் தொகுதியில் 74 சதவீத வாக்குப்பதிவு!

சிதம்பரம் மக்களவைத் தொகுதியில் புதன்கிழமை நடைபெற்ற தேர்தலில் அமைதியான வாக்குப் பதிவு நடைபெற்றது.

தேர்தலில் மொத்தம் 74.1 சத வாக்குகள் பதிவாகின.

இந்தத் தொகுதியில், சட்டப்பேரவைத் தொகுதி வாரியாக பதிவான வாக்குகள் விவரம் (சதவீதத்தில்):

• குன்னம்- 82

• அரியலூர்- 65

• ஜெயங்கொண்டம்- 76

• புவனகிரி- 77

• சிதம்பரம்- 71

• காட்டுமன்னார்கோவில்- 74.

அரியலூர் மாவட்டத்தில் செந்துறையில் 3 மின்னணு வாக்குப்பதிவு இயந்திரங்களும், திருமானூரில் 2 வாக்குப்பதிவு இயந்திரங்களும் பழுதாகி, உடனடியாகச் சரிசெய்யப்பட்டன.

பல்வேறு பகுதிகளில் வாக்காளர்கள் நீக்கப்பட்டது குறித்து புகார் தெரிவிக்கப்பட்டதால் சிறிது நேரம் வாக்குப் பதிவு பாதிக்கப்பட்டது.

சிதம்பரம் மக்களவைத் தொகுதியில் ஆயிரக்கணக்கானோர் வாக்காளர் அடையாள அட்டை வைத்திருந்தும் வாக்காளர் பட்டியலில் பெயர் நீக்கப்பட்டிருந்ததால் வாக்களிக்க முடியாமல் வீடு திரும்பினர்.

வாக்காளர் கணக்கெடுப்பின் போது வீட்டில் இல்லாததால் பெயர் நீக்கப்பட்டதால் ஏற்பட்ட குளறுபடியால் இந்த பாதிப்பு ஏற்பட்டுள்ளது என பொதுமக்கள் தெரிவித்தனர்.

வாக்குப்பதிவு நிறுத்தம்:

சிதம்பரம் மாலைக்கட்டித்தெரு நகராட்சி தொடக்கப் பள்ளியில் உள்ள 101- எண் வாக்குச் சாவடியில் 98 வாக்காளர்கள் நீக்கம் செய்யப்பட்டிருந்தனர்.

அவர்களும் வாக்களிக்க வேண்டும் அதுவரை வாக்குப்பதிவை நிறுத்துமாறு அலுவர்களுடன் பூத் ஏஜெண்ட்கள் வாக்குவாதத்தில் ஈடுபட்டதால் காலை 7.10 மணி முதல் 7.40 மணி வரை வாக்குப்பதிவு நடைபெறவில்லை. மேலும் வாக்குச் சாவடியிலிருந்து அனைத்து பூத் ஏஜெண்டுகளும் வெளியேறினர்.

தகவல் அறிந்த அதிகாரிகள் அந்த வாக்குச் சாவடிக்கு சென்று பூத் ஏஜெண்டுகளிடம் பேச்சுவார்த்தை நடத்தி சமரசம் செய்த பின்னர் வாக்குப்பதிவு மீண்டும் தொடங்கப்பட்டது.

இதுபோன்று புதுச்சத்திரம் வில்லியநல்லூர், சி.தண்டேஸ்வரநல்லூர் வாக்குச் சாவடிகளில் அடையாள அட்டையுடன் வந்த வாக்காளர்கள் பெயர் பட்டியலில் நீக்கம் செய்யப்பட்டு இருந்ததால் வாக்களிக்காமல் திரும்பினர்.

மேற்கண்ட வாக்குச் சாவடிகளில் தேர்தல் மேற்பார்வையாளர் உமேஷ்குமார்கோயல் நேரில் சென்று விசாரணை நடத்தினார்.

தேர்வில் தோல்வியுறும் மாணவர்களுக்கு உளவியல் நிபுணர்கள் இலவச ஆலோசனை!

தேர்வில் தோல்வியடையும் மாணவர்களுக்கு உளவியல் நிபுணர்கள் இலவசமாக ஆலோசனை அளிப்பதற்கு ஏற்பாடு செய்யப்பட்டுள்ளது.

பிளஸ் 2 தேர்வு முடிவுகளை வெளியிடும் ஆப்பிள் ஜி வெப் டெக்னாலஜி நிறுவனம் உளவியல் நிபுணர்களின் ஆலோசனையையும் வழங்குகிறது.

இது தொடர்பாக நிறுவனத்தின் இயக்குநர் இளங்குமரன் கூறியதாவது:

பிளஸ் 2 தேர்வு முடிவுகள் வியாழக்கிழமை வெளியாகின்றன.

தேர்வு முடிவுகளை நிறுவனத்தின் இணையதளத்திலும் பார்க்கலாம்.

இப்போது தேர்வில் தோல்வியடையும் மாணவர்கள் தற்கொலை செய்து கொள்ளும் போக்கு அதிகரித்து வருகிறது. கிராமப்புறங்களிலும் இத்தகைய நடவடிக்கை அதிகரித்து வருகிறது.

இதைத் தடுக்கும் நோக்கில் டிஆர்இஏஎம்எச் அறக்கட்டளையின் உளவியல் நிபுணர்கள் மூலம் ஆலோசனை அளிக்க ஏற்பாடு செய்யப்பட்டுள்ளது.

இணையதளத்தில் தேர்வு முடிவுகளைப் பார்க்கும் அதே நேரத்தில் உளவியல் நிபுணர்களின் ஆலோசனை வழங்கவும் ஏற்பாடு செய்யப்பட்டுள்ளது.

உளவியலாளர்கள் மனோஜ், நாகராஜன், சுதாகரன், கவிதா தர்மராஜ் ஆகியோர் ஆலோசனைகளை வழங்க உள்ளனர்.

செல்போன் எண்கள்: 9444112608, 9444204399, 9444266843, 9840244405. 044-22532176.

இணையதள முகவரி: www. worldcolleges.info