மாநிலங்களவை தேர்தல்

மாநிலங்களவைக்கு தமிழகத்தில் இருந்து ஆறு உறுப்பினர்களை தேர்ந்தெடுக்க 17 ஆண்டுகளுக்கு பிறகு தேர்தல் இன்று நடைப்பெற்றது. இந்த தேர்தலில் அ.தி.மு.க. வேட்பாளர்கள் 4 பேர் மற்றும் அ.தி.மு.க. ஆதரவுடன் இந்திய கம்யூனிஸ்டு வேட்பாளர் டி.ராஜாவின் வெற்றி ஏற்கனவே உறுதியாகி இருந்த நிலையில், தி.மு.க. மற்றும் தே.மு.திக. வேட்பாளர்களுக்கு இடையேதான் போட்டி நிலவி வந்தது. 

இதனிடையே, தேர்தல் அதிகாரியும், சட்டப்பேரவை செயலருமான ஜமாலுதீன் முன்னிலையில் வாக்குப் பதிவு இன்று நடைபெற்றது. சட்டமன்றத்தில் 2 உறுப்பினர்களை கொண்டுள்ள புதிய தமிழகம், மனிதநேய மக்கள் கட்சி, தி.மு.க.வுக்கு ஆதரவு தெரிவித்தனர். 5 உறுப்பினர்களைக் கொண்ட காங்கிரஸும் தி.மு.க.வுக்கு ஆதரவு தெரிவித்தது. இதனால் கனிமொழிக்கு 32 உறுப்பினர்களின் ஆதரவு இருந்தது.