113 ஆண்டுகள் பழமை வாய்ந்த கும்மத்து பள்ளி இடிக்கப்பட்டது!

பரங்கிப்பேட்டை: 113 ஆண்டுகள் பழைமை வாய்ந்த கட்டிடமான கும்மத்து பள்ளி (அரசு துவக்கப் பள்ளி) புதிய கட்டுமானப் பணிகளுக்காக இடிக்கப்பட்டு வருகிறது. பரங்கிப்பேட்டையின் மிக பழமை வாய்ந்த கட்டிடத்தில் இயங்கி வந்த வந்த கும்மத்து பள்ளி என்கிற அரசினர் தொடக்கப் பள்ளியில் மழை காலங்களில் நீர் ஒழுகுதல், சுற்றுப்புற பகுதயிலிருந்து விஷஜந்துக்கள் நுழைவது, முக்கிய ஆவணங்கள் திருட்டு போவது என்று பல காரணங்களால் பாதுகாப்பற்ற சூழலில் இருந்து வந்தது.

இதனால் பெற்றோர் மற்றும் பொதுமக்களிடமிருந்து இக்கட்டிடத்தை புதுப்பிக்க கோரிக்கைகள் எழுந்தது. இந்நிலையில் பரங்கிப்பேட்டை பேரூராட்சி வழியாக மாவட்ட ஆட்சித் தலைவருக்கு கும்மத்துபள்ளி கட்டிடத்தின் அவலநிலையை எடுத்து வைக்கப்பட்டது. இதனை பரிசீலனைக்கு ஏற்ற மாவட்ட ஆட்சித் தலைவர் மேற்படி பள்ளிக் கட்டிடத்தை 2 மாதங்களில் கட்டி முடிக்க சம்மந்தப்பட்ட அதிகாரிகளுக்கு உடனே உத்தரவிட்டார். அதன்படி, இதற்கான வேலைகள் தற்போது மும்முமாக நடைப்பெற்று வருகிறது. புதிய கட்டுமானப் பணிகளுக்காக தற்போது பழைய பள்ளிக் கட்டிடம் இடிக்கப்படுகிறது.

இப்பள்ளியின் புதிய கட்டுமானப் பணிகளுக்காக  மூன்று தொகுப்பு (Block) கட்டிடங்கள் மற்றும் மூன்று (யூனிட்) கழிப்பறைக்காக  S.S.A. எனப்படும் அனைவருக்கும் கல்வி இயக்கம் மூலம் ஒரு  குறிப்பிட்ட தொகை கும்மத்பள்ளிக்காக வழங்கப்பட்டுள்ளது என்பது குறிப்பிடத்தக்கது.

சிங்கப்பூர் ஜலீலுக்குச் சேவை விருது!

சிங்கப்பூர்: பரங்கிப்பேட்டையைச் சார்ந்த சிங்கப்பூர் தொழிலதிபரான முஹம்மது அப்துல் ஜலீல் நீண்டகால நற்சேவைக்கான விருதைப் பெற்றுள்ளார். கடந்த வாரம் சிங்கப்பூர் இஸ்லாமிய சமய மன்றம் சார்பில் நடைப்பெற்ற நிகழ்ச்சியில் சிங்கப்பூர் அதிபர் டோனி டான் கெங் யாம் இந்த விருதினை இவருக்கு வழங்கினார்.

மினி என்வைரன்மண்ட் சர்விசஸ் குழுமத்தின் தலைமை நிர்வாக அதிகாரியும் பென்கூலன் பள்ளிவாசலின் தலைவராகவும் பொறுப்பு வகிக்கும் அப்துல் ஜலீல் விருது பெற்ற பிறகு கூறியதாவது: "எத்தனையோ விருதுகளை நான் பெற்றிருந்த போதும் விருதுகளை எதிர் பார்த்து நான் உதவியதில்லை. ஆனால் இந்த விருது நான் எதிர்பாராத ஒன்று, எனவும் பணத்தால் மட்டுமின்றி பிறரது கவலைகளுக்குச் செவி சாய்ப்பதுடன் அதற்கேற்ற ஆலோச னைகளை வழங்குவதும் ஒரு விதத்தில் உதவிதான், மற்றவர்களுக்கு உதவும் பக்குவத்தைத்  எளிதில் கற்றுக் கொள்வதற்கு சிரமங்களுடன் வளர்ந்ததே முக்கிய காரணம்" என்றார்.