பள்ளி மாணவர்கள் திடீர் வாந்தி மயக்கம்

இன்று காலை (வெள்ளிக்கிழமை) 10 மணியளவில் புதுப்பேட்டை அரசு ஆரம்ப பள்ளியில் குடிதண்ணீரை குடித்த 37 மாணவ மாணவியர்கள் வாந்தி மற்றும் மயக்கமடைந்ததால் அவர்கள் உடனடியாக பரங்கிப்பேட்டை அரசு பொது மருத்துவமனையில் சேர்க்கப்பட்டு தீவிர சிகிச்சை அளிக்கப்பட்டனர்.

மாணவர்கள் அனுமதிக்கப்பட்ட சிறிது நேரத்திற்கெல்லாம் தொகுதி சட்டமன்ற உறுப்பினர், பேரூராட்சி மன்ற தலைவர் மற்றும் பெரும்பாலான கவுன்சிலர்கள், ஆர்.டி.ஓ. மற்றும் முக்கிய சுகாதாரத்துறை மற்றும் காவல் துறை அதிகாரிகள் உடனடியாக பரங்கிப்பேட்டை அரசு மருத்துவமனைக்கு வந்து பாதிக்கப்பட்டவர்கள நேரில் சந்தித்து ஆறுதல் கூறினார்கள்.

பாதிக்கப்பட்டு மருத்துவமனையில் அனுமதிக்கப்பட்டுள்ள மாணவர்கள நாம் நேரில் கேட்டதில் அவர்கள் குடித்த தண்ணீரில் பெண்களின் லிப்ஸ்டிக் (உதட்டுச்சாயம்) போல் ஏதோ கிடந்தது என்று கூறினார்கள். அங்கிருந்த மருத்துவர்கள கேட்டதில் மாணவர்களின் நலக்குறைவுக்கு காரணம் இன்னும் துல்லியமாக தெரியவில்லை. மாணவர்கள் குடித்ததாக சொல்லப்படும் தண்ணீரை பரிசோதனைக்கு அனுப்பி உள்ளோம். அனுமதிக்கப்பட்டுள்ள மாணவர்கள் அனைவரும் தற்போது நலமாக உள்ளனர் . யாருக்கும் எந்த பாதிப்பும் இல்லை என்று தெரிவித்தனர்.

பல மாணவர்கள் பள்ளிக்கு காலை உணவு சாப்பிடாமல் வந்திருந்ததும் நமது விசாரணையில் தெரியவந்தது. இந்த சம்பவத்தால் பரங்கிப்பேட்டை அரசு மருத்துவமனை வளாகம் காலை முதல் பரபரப்பாக காணப்பட்டது.

'முத்திரை' சமுதாயம்...!

நம் சமுதாயத்தில் காணப்படும் ஓர் ஆபத்தான போக்கு மிகுந்த கவலை அளிக்கிறது.



'கைரே உம்மத்' - சிறந்த சமுதாயம் எனும் உயர்நிலையிலிருந்து தடம் புரண்டு முத்திரை குத்தும் சமுதாயமாக மாறிவிட்டோமோ என்கிற திகில் மனதை வாட்டுகிறது.

ஏகத்துவக் கொள்கையைக் கொஞ்சம் அழுத்தமாக ஒருவர் எடுத்துரைத்தால் உடனே முத்திரை குத்தப்படுகிறது - 'தவ்ஹீத்வாதி'

மறுமையை நினைவுகூரும் வகையில் மண்ணறைக்குச் சென்று ஸியாரத் செய்வது கூடும் என்று ஒருவர் பேசினால் உடனே முத்திரை குத்தப்படுகிறது - 'தர்கா பார்ட்டி அல்லது 'குராஃபி'

தர்காக்களில் நடைபெறும் அநாச்சாரங்களைக் கண்டித்து ஒருவர் பேசினால் அவர் மீது விழும் முத்திரை - 'வஹ்ஹாபி'

நேர்வழியில் சென்ற முன்னோர்கள் வழியில்தான் நடைபோட வேண்டுமென்று ஒருவர் எடுத்துரைத்தால் பாய்ந்து வருகிறது முத்திரை - 'ஸலஃபி'

பிரிவுப் பெயர்களின் அடிப்படையில் செயலாற்றுவது தவறு என்று பிரச்சாரம் செய்தால் அவருக்குக் குத்தப்படும் முத்திரை - 'நஜாத்துக்காரர்'

கண்ணை மூடிக்கொண்டு இமாம்களையோ, மத்ஹபுகளையோ பின்பற்றாதீர்கள் என்று ஒருவர் அறிவுப்பூர்வமாகப் பேசினால் கூட அவருக்கும் முத்திரை குத்தப்படும் - 'அஹ்லே ஹதீஸ்'

இறைவன் நமக்களித்த முத்திரையான 'முஸ்லிம்' என்பதை நாம் எப்போது உணரப்போகிறோம்??????

கருத்துதவி : 'சமரசம்' இதழ் -சின்னச் சின்ன மின்னல்கள்

இறப்புச் செய்தி

ஜெய்லாஷாதர்கா என்ற இடத்தில்வசித்துவந்த மர்ஹீம்செய்யதுஅஹ்மது அவர்களின்மனைவியும், யுசுப்,அன்சாரி, ஜெய்லானி, கவுஸ் ஆகியோரின் தாயாருமாகிய மைமுன்பீவி அவர்கள் 18.6.08ல். மர்ஹூமாகி விட்டார்கள். அவர்களின் மறுஉலக நல் வாழ்விற்கு நாம்அனைவரும் துஆ செய்வோம்.

இன்னாலில்லாஹி வஇன்னா இலைஹி ராஜிஊன்.

தகவல்: அப்துஸ் ஸமது