பரங்கிப்பேட்டையில் ரூ 40 இலட்சம் செலவில் வளர்ச்சி பணிகள்..

பரங்கிப்பேட்டை பேரூராட்சி மன்றக்கூட்டம், மன்ற அலுவலகத்தில் நடைப்பெற்றது. பேரூராட்சி மன்ற தலைவர் M.S.முஹம்மது யூனுஸ் தலைமையில் நடைப்பெற்ற இக்கூட்டத்திற்கு துணை தலைவர் செழியன், செயல் அலுவலர் ஜீஜாபாய் ஆகியோர் முன்னிலை வகித்தனர். கூட்டத்தில் பிளாஸ்டிக் பொருட்கள் பயன்பாடு குறித்து மக்களிடையே விழிப்புணர்வு பிரச்சாரம் செய்வது செய்வது என்று தீர்மானிக்கப்பட்டது. 

தமிழக அரசின் சிறப்பு சாலை திட்டத்தில் பரங்கிப்பேட்டை பேரூராட்சிக்கு வழங்கிய ரூ.84 இலட்சத்து 60 ஆயிரம் செலவில் சிமெண்ட் சாலைகள், பக்க கால்வாய்கள், கல்வெர்ட் அமைக்கும் பணிகள் முடிவடைந்ததை தொடர்ந்து பேரூராட்சி பொது நிதியில் இருந்து ரூ.20 இலட்சம், பிற்படுத்தப்பட்டோர் மானிய நிதியில் இருந்து அரசு வழங்கும் ரூ.20 இலட்சம், ஆக கூடுதல் தொகை ரூ 40 இலட்சத்தில் மேலும் சாலைகள், வடிகால் கல்வெர்ட் அமைக்கவும் முடிவு செய்யப்பட்டது. தலைமை எழுத்தர் ராணி நன்றி கூறினார். இத்தகவலை தினத்தந்தி நாளேடு வெளியிட்டுள்ளது

மீலாதுநபி மாநாடு

பரங்கிப்பேட்டை: பரங்கிப்பேட்டை மீலாது கமிட்டி சார்பாக மீலாது மாநாடு மஹ்மூதியா ஷாதி மஹாலில் நடைபெற்றது. மீலாது கமிட்டி தலைவர் செய்யது ஆரிப் தலைமையில் நடைபெற்ற இந்த விழாவிற்கு இஸ்லாமிய ஐக்கிய ஜமாஅத் தலைவர் முஹமது யூனுஸ், மீராப்பள்ளி நிர்வாகிகள் ஷேக் அப்துல் காதர் மரைக்காயர், ஜமால் முஹம்மது மற்றும் ஹபீபுர்ரஹ்மான் ஆகியோர் முன்னிலை வகித்தனர்.

புதுப்பள்ளி இமாம் காஜா முய்னுத்தீன், அப்துல் காதிர் உம்ரி, இஸ்மாயில் நாஜி, மீரான் மொய்தீன் ரஷாதி ஆகியோர் உரை நிகழ்த்தினார்கள். இவ்விழாவில், ஜமாத்துல் உலமா மாநில து.தலைவர் அப்துல் ஷகூர் மற்றும் இ.யூ. முஸ்லீம்லீக் மாநில து. தலைவர் ஷாகுல் ஹமீது ஜமாலி சிறப்புரை வழங்கினார்கள்.

ஒற்றுமை, மதநல்லிணக்கம், முஸ்லிம்களுக்கு தனிஇட ஒதுக்கீடு உள்ளிட்ட கருத்துக்களோடு, சிப்காட்டால் விளையும் பல்வேறு சுகாததரக்கேட்டை கருத்தில் கொண்டு சிப்காட் தொழிற்சாலையை இழுத்துமூட வேண்டும்; தமிழக மீனவர்கள் இலங்கை கடற்படையினரால் அடிக்கடி தாக்கப்படுவதை தடுத்து நிறுத்த வேண்டும் என்று பல கோரிக்கைகளை முன்னிறுத்தி மாநாட்டு தீர்மானங்கள் நிறைவேற்றப்பட்டது.

இம்மாநாட்டில் ஜமாத் நிர்வாகிகள், பள்ளிவாசல் நிர்வாகிகள், ஜமாஅத்துல் உலமா நிர்வாகிகள் உள்ளிட்ட ஆண்கள் மற்றும் பெண்கள் பலர் திரளாக கலந்துக் கொண்டனர்.

Photos: SkyNews

இறப்புச் செய்தி

கிதர்சாமரைக்காயர் தெருவில்,

மர்ஹும் அப்துல் ஹமீத் அவர்களின் மகனாரும், மர்ஹும் முஹம்மது கவுஸ் மாலிமார் அவர்களின் மருமகனும், மர்ஹும் ஹாஜா கமால், மர்ஹும் செய்யது அஹமது புகாரி, சேக் இஸ்மாயில் சாஹிப், அப்துல்காதர் மாலிமார் இவர்களின் சகோதரரும், யாகூப் ஹசன் மாலிமார், பஜுல் ஹுசைன் மாலிமார், மர்ஹும் செய்யது மரைக்காயர், இவர்களின் மச்சானும், முஹம்மது மெய்தீன் மரைக்காயர் அவர்களின் மாமனாரும், அப்துல் ஹமீத் அவர்களின் தகப்பனாரும், முஹம்மது உவைஸ் அவர்களின் பாட்டனாருமாகிய சாதிக் அலி மரைக்காயர் அவர்கள் மர்ஹும் ஆகிவிட்டார்கள் இன்ஷா அல்லாஹ் இன்று மாலை 4மணிக்கு நல்லடக்கம் மீராப்பள்ளியில்

இன்னாலில்லாஹி வ இன்னா இலைஹி ராஜிவூன்