பாலகிருஷ்ணன் வெற்றி!

சிதம்பரம் சட்டமன்ற தொகுதியில் அ.தி.மு.க.கூட்டணில் அங்கம் வகிக்கும் மா.கம்யூ வேட்பாளர் கே. பாலகிருஷ்ணன், தன்னை எதிர்த்து போட்டியிட்ட மூவேந்தர் முன்னேற்றக் கழக வேட்பாளர் வாண்டையாரை விட 2270 வாக்குகள் வித்தியாசத்தில் வெற்றிபெற்றுள்ளார். முன்னதாக வெற்றி அறிவிப்பு வெளியாவதில் காலதாமதம் ஏறபட்ட நிலையில் தற்போது அதிகாரபூர்வ அறிவிப்பு வெளியாகியுள்ளது. சுமார் 74,600 வாக்குகள் பெற்று வெற்றிபெற்றுள்ளார்.

மீண்டும் செல்வி ராமஜெயம் எம்.எல்.ஏ.: 13117 ஓட்டுகள் வித்தியாசத்தில் வெற்றி!

பரங்கிப்பேட்டை: புவனகிரி தொகுதியில்இ அதிமுக வெற்றி பெற்றுள்ளது. புவனகிரி தொகுதியில், அதிமுக வேட்பாளர் செல்வி ராமஜெயம் 87413 ஓட்டுகளும், பாமக வேட்பாளர் அறிவுச்செல்வன் 74296 ஓட்டுகளும் பெற்றள்ளனர். இதன்மூலம், அதிமுக 13117 ஓட்டுகள் வித்தியாசத்தில் வெற்றி பெற்றது. தொடர்ந்து இரண்டாவது முறையாக  சட்டமன்ற உறுப்பினராக தேர்ந்தெடுக்கப்பட்டள்ள பரங்கிப்பேட்டையை சாந்த இவருக்க அமைச்சரவையில் பங்குபெறுவாரா என்ற எதிர்பார்ப்பு ஏற்பட்டுள்ளது.

வெற்றிக் கொண்டாட்டத்தில் பரங்கிப்பேட்டை அ.தி.மு.க. கூட்டணியினர்!

 

பரங்கிப்பேட்டை: சிதம்பரம் சட்டமன்ற தொகுதியில் தொடர்ந்து முன்னிலையில் இருந்த மா.கம்யூனிஸ்ட் வேட்பாளர் பாலகிருஷ்ணன் வெற்றி உறுதி என்றாலும் இதுவரை இவருடைய வெற்றியை இன்னும் அறிவிக்கவில்லை. ஆனால் வெற்றி பெருவது உறுதி என்பதால், கூட்டணிக் கட்சியினர் வெற்றியை கொண்டாடி வருகின்றனர். ம.ம.க.வினர் மற்றும் அ.தி.மு.கவினர் இனிப்பு வழங்கி வாக்காளர்களுக்கு நன்றி தெரிவித்தனர். பெரியதெரு, சின்னக்கடை தெரு மற்றும் சஞ்சிவீராயர் கோயில் தெருவில் பட்டாசு வெடித்தனர்.

சிதம்பரம் தொகுதி வெற்றி அறிவிப்பு ஒத்திவைப்பு!

சிதம்பரம் சட்டமன்ற தொகுதியில் மா.கம்யூ. வேட்பாளர் பாலகிருஷ்ணன் வெற்றி உறுதியாகிவிட்ட சூழ்நிலையிலும் வெற்றி அறிவிப்பை ஒத்திவைத்துள்ளனர் தேர்தல் அதிகாரிகள். இறுதிசுற்று வாக்கு எண்ணிக்கை முடிவடைந்தும்கூட வெற்றி விபரங்கள் வெளியிடுவதில் சிக்கல் நீடித்து வருகிறது. ஆர்ப்பாட்டம் மற்றும் வன்முறை போன்ற பிரச்சினைகள் எழுந்துள்ளதாக தகவல் வெளியாகியுள்ளது.

கே.பி. தொடர்ந்து முன்னிலை-வெற்றி களிப்பில் பரங்கிப்பேட்டை ம.ம.க.!

 

பரங்கிப்பேட்டை; சிதம்பரம் சட்டமன்ற தொகுதி வாக்கு எண்ணிக்கையில் அ.தி.மு.க. கூட்டணியில் மா.கம்யூனிஸ்ட் வேட்பாளர் கே.பாலகிருஷ்ணன் தொடர்ந்து முன்னிலை வகித்து வருகிறார். கூட்டணியில் அங்கம் வகிக்கம் மனிதநேய மக்கள் கட்சி தொண்டர்கள் இந்த வெற்றியை பெரியதெரு முனை, சின்னக்கடையில் வெடி வெடித்து கொண்டாடுகின்றனர். அதேபோன்று அ.தி.மு.வினரும் சஞ்சீவீராயர் கோயில் தெருவில் வெடி வெடித்து தங்களது வெற்றியை வெளிப்படுத்தினர்.

சிதம்பரத்தில் கே.பாலகிருஷ்ணன் முன்னிலை – வாண்டையாரை பின்னுக்கு தள்ளினார்!

பரங்கிப்பேட்டை: சிதம்பரம் சட்டமன்றத் தொகுதிக்கான வாக்கு எண்ணும் பணிகள் சி.முட்லூர் அரசு கல்லூரியில் இன்று காலை  தொடங்கியது. இரண்டாம் சுற்று நிலவரப்படி, மா.கம்யூனிஸ்ட் வேட்பாளர் கே. பாரகிருஷ்ணன் 3500 வாக்கு வித்தியாசத்தில் முன்னிலை பெற்றுள்ளார். வாக்கு எண்ணிக்கை தொடர்ந்து நடைபெற்றுக் கொண்டிருக்கிறது.