மூ.மு.க.வுக்கு ஒதுக்கப்பட்டது சிதம்பரம் தொகுதி: ஸ்ரீதர் வாண்டையார் போட்டியிடுகிறார்!

மிகவும் எதிர்பார்க்கப்பட்ட சிதம்பரம் சட்டமன்ற தொகுதி கடைசியில், மூ.மு.க.விற்கு ஒதுக்கப்பட்டுள்ளது. தி.மு.க.வினர் பலர் விருப்பமனு கொடுத்து அவர்களிடையே கடும் போட்டி நிலவி வந்த நிலையில் இறுதியாக தற்போது மூ.மு.க.விற்கு ஒதுக்கப்ட்டுவிட்டது. இதற்கான ஒப்பந்தத்தில் திமுக தலைவர் , மூவேந்தர் முன்னேற்றக் கழகம் தலைவர் ஸ்ரீதர் வாண்டையார் இருவரும் கையெழுத்திட்டனர்.

லக்கி “சீட்” யாருக்கு?

தி.மு.க கூட்டணியில் உள்ள காங்கிரஸ்,பாட்டாளி மக்கள் கட்சி மற்றும் விடுதலை சிறுத்தைகள் ஆகிய கட்சிகளுக்கு தொகுதி ஒதுக்கீடு முடிந்து விட்டது. இதில் சிதம்பரம் தொகுதி மேற்குறிப்பிடப்பட்டுள்ள எந்த கட்சிக்கும் ஒதுக்கபடாத நிலையில், சிதம்பரத்தில் தி.மு.க வே போட்டியிடுமா? அல்லது மூ.மூ.க-வுக்கு ஒதுக்கப்பட்டுள்ளதா என்ற ஆர்வம் அதிகரித்து உள்ளது. தி.மு.க சார்பில் சிதம்பரம் தொகுதியில் போட்டியிட 31 பேர் விருப்ப மனு கொடுத்து, (வெயிட்டானவர்கள்) வைட்டிங்கில்" இருக்கும் நிலையில், இன்று அறிவிக்கப்பட இருக்கும் தி.மு.க வேட்பாளர் பட்டியலில் லக்கி “சீட்” யாருக்கு என்பது தெரிந்து விடும்.