பரங்கிப்பேட்டை பெற்றோர்களே! புகார் அளியுங்கள்!! ப்ளீஸ்....

தமிழக அரசு நியமித்த நீதிபதி சிங்காரவேலர் கமிட்டி நிர்ணயித்த கட்டணத்தை விட அதிக கட்டணம் பரங்கிப்பேட்டை தனியார் பள்ளிகளில் வசூலிக்கப்படுவதை கண்டித்து மார்க்சிஸ்ட் கம்யூனிஸ்ட் கட்சி சார்பில் கடந்த 01-06-2015 அன்று தனியார் பள்ளியை முற்றுகையிடும் போராட்டம் நடைபெற்றது. அடுத்த கட்ட போராட்டம் நாளை(12-06-2015 வெள்ளி ) நடைபெறும் என மார்க்சிஸ்ட் கம்யூனிஸ்ட் அறிவித்திருந்த நிலையில், இன்று சாக்ரடீஸ் பள்ளியில், மாவட்ட மெட்ரிக் பள்ளி ஆய்வாளர் பச்சையப்பன், மாவட்ட தொடக்க கல்வி திருஞானம், உதவி தொடக்க கல்வி அலுவலர் சரஸ்வதி லட்சுமி, பரங்கிப்பேட்டை காவல்துறை ஆய்வாளர் உதயகுமார் ஆகியோர் முன்னிலையில், மார்க்சிஸ்ட் கம்யூனிஸ்ட் கட்சி ஒன்றிய செயலாளர் ஜி.ரமேஷ் பாபு தலைமையில் போராட்ட குழுவினருடன் பேச்சு வார்த்தை நடைபெற்றது.

இக்கூட்டத்தில் ” அரசு நிர்ணயித்த கட்டணத்தை விட அதிக கட்டணம் வசூலிக்கும் தனியார் பள்ளிகள் குறித்து ஆதாரத்துடன் தனி நபர் புகார் அளித்தால். அப்புகாரை ஏழு பேர் கொண்ட குழு ஆய்வு செய்து புகாரில் உண்மை இருக்கும் பட்சத்தில் பள்ளிகளால் கூடுதலாக வசூலிக்கப்பட்ட தொகை திருப்பி கொடுக்க உரிய நடவடிக்கை எடுக்கப்படும் என்றும், மேலும் கூடுதல் கட்டணம் வசூலிக்கும் பள்ளி மீது சட்ட நடவடிக்கை எடுக்கப்படும் என மாவட்ட கல்வி அதிகாரிகளால் உறுதி அளிக்கப்பட்டுள்ளது. எனவே பரங்கிப்பேட்டை பெற்றோர்கள் பலரும் அதிக கட்டணம் வசூலித்துள்ள தனியார் பள்ளிகள் குறித்து அச்சமின்றி புகார் கொடுக்க முன் வர வேண்டும்.

தனியார் பள்ளிகளின் கட்டணக் கொள்ளை குறித்து MYPNO முன்பே செய்தி வெளியிட்டிருந்ததை நினைவு கூர்கிறோம்.

பரங்கிப்பேட்டை பெற்றோர்களே..... ஸ்கூல் ஃபீஸ் கட்டப்போறீங்களா ஒரு நிமிஷம்

நாளை பரங்கிப்பேட்டை தனியார் பள்ளி முற்றுகை 

பரங்கிப்பேட்டையில் தனியார் பள்ளியை முற்றுகையிட்ட மார்க்சிஸ்ட் கட்சியினர் 52 பேர் கைது!  

புகைப்படங்கள்: கிங் காலித்

9-ம் ஆண்டு ஹாஃபிழ் பட்டமளிப்பு விழா! (படங்கள்)

பரங்கிப்பேட்டை மீராப்பள்ளியுடன் இணைந்த அல் மதரஸத்துல் மஹ்மூதிய்யாவின் 9ம் ஆண்டு ஹாஃபிழ் பட்டமளிப்பு விழா கடந்த திங்கள் அன்று காலை மீராப்பள்ளியில், அதன் நிர்வாகி கலிமா ஷேக் அப்துல் காதர் மரைக்காயர் தலைமையில் நடைப்பெற்றது. 

இதில் முஹம்மது முபாரக் அலி (மேலப்பாளைம்), உமர் ஃபாருக்  (பொதக்குடி) மற்றும் முஹம்மது அஷ்ரஃப் அலி (கடலூர்) ஆகிய மூன்று மாணவர்கள் ஹாஃபிழ் பட்டம் பெற்றனர். இவர்களுக்கு சிறப்பு விருந்தினர்கள் பட்டங்கள், தங்க பதக்கங்கள் மற்றும் பரிசுகளை வழங்கினர்.

இந்நிகழ்ச்சிக்கு பரங்கிப்பேட்டை பேரூராட்சி மன்றத் தலைவரும் கடலூர் மாவட்ட இஸ்லாமிய ஐக்கிய ஜமாஅத் தலைவருமான எம்.எஸ் முஹம்மது யூனுஸ், ஜக்கிய ஜமாஅத் தலைவர் கேப்டன் எம். ஹமீது அப்துல் காதர், மீராப்பள்ளி நிர்வாகிகளான எஸ். அலி அக்பர் மற்றும் ஜி.எம். நெய்னா மரைக்காயர் ஆகியோர் முன்னிலை வகித்தனர். அப்துஸ்மது ரஸாதி கிராஅத் ஓதி துவக்கி வைத்தர்.

அதனைத் தொடர்ந்து வரவேற்புரையுடன ஆண்டறிக்கை வாசிக்கபடப்டது. மாணவர்களுக்கு பட்டம் (ஸனது) மற்றும் பரிசுகள் வழங்கப்பட்டன.  முன்னதாக மாணவர்களை வாழ்த்தி ஆலிம் பெருமக்கள் உரையாற்றினார்கள். 

விழா நிகழ்வை எம். முஹம்மது ஷேக் ஆதம் மழாஹிரி தொகுத்து வழங்கினார். விழா நிறைவில் கலிமா பள்ளிவாசல் முத்தவல்லி பஷீர் அஹமது நன்றியுரை வழங்கினார். 

இந்நிகழச்சிக்கு வெளியூரிலிந்து மதரஸா மாணவர்களின் குடும்பத்தினர் கலந்துக் கொண்டனர். பெண்களுக்கு தனியிட வசதி செய்யப்பட்டடிருந்தது.

படங்கள்: ஷேக் ஆதம் மழாஹிரி

லால்பேட்டை ஜாமிஆ மன்பவுல் அன்வார் 71வது பட்டமளிப்பு விழா (படங்கள்)

லால்பேட்டை ஜாமிஆ மன்பவுல் அன்வார் அரபுக்கல்லூரியின் 152ம் ஆண்டு விழா 71வது பட்டமளிப்பு விழா இன்று காலை 9.30 மணியளவில் ஜாமிஆவின் தாருல் தப்ஸீர் கலைக்கூடத்தில் மிகச்சிறப்பாக நடைப்பெற்றது.

ஜாமிஆ தலைவர் ஹாஜி அப்துல் ஹமீது  தலைமை தாங்கினார் ஜாமிஆ செயலாளர் அப்துல் சமது  வரவேற்றார்.

வேலூர் பாக்கியாதுஸ் ஸாலிஹாத் அரபுக் கல்லூரி முன்னாள் முதல்வர் அல்லாமா ஜைனுல் ஆபீதீன் ஹள்ரத், சென்னை அடையார் மவுலவி சதீதுத்தீன் ஹள்ரத், ஆயங்குடி மவுலவி ஜாபர் அலி ஹள்ரத், ஜாமிஆ பேராசிரியர் அப்துஸ் ஸமது ஹள்ரத்,  ஆகியோர்  வாழ்த்துரை வழங்கினார்கள்.

தவ்ரத்துல் ஹதீஸ் மவ்லவி ஃபாஜில், மவ்லவி ஆலிம், ஹாஃபிழ்  ஆகியோருக்கு  ஜாமிஆ முதல்வர் மவுலவி நூருல் அமீன் ஹள்ரத் ”ஸனது” பட்டம் வழங்கி வாழ்த்தினார்கள். ஜாமிஆ பொருளாளர் சார்பில் காசிம் ஹள்ரத்  நன்றி கூரினார்.

இறுதியாக ஜாமிஆ மூத்த பேராசிரியர் மவுலவி அப்துர் ரப் ஹள்ரத் துஆ உடன் நிகழ்ச்சி நிறைவு பெற்றது அல்ஹம்துலில்லாஹ்.

நன்றி: லால்பேட்டை எக்ஸ்பிரஸ்

16வது ஆண்டு கல்வி பரிசளிப்பு விழா

பரங்கிப்பேட்டை பகுதியில் உள்ள அனைத்து சமுதாயத்தைச் சார்ந்த 10 மற்றும் 12ம் வகுப்பு பொதுத்தேர்வுகளில் அதிக மதிப்பெண்கள் பெற்ற மாணவ-மாணவிகளுக்கு தொடர்ந்து 16 ஆண்டுகளாக தங்கம், வெள்ளி பதக்கங்கள் மற்றும் சான்றிதழ்கள், பரிசுகளை வழங்கி கல்வியை ஊக்கப்படுத்தி வருகிறது பரங்கிப்பேட்டை இஸ்லாமிய ஐக்கிய ஜமாஅத். 

அந்த வகையில் இந்த ஆண்டும் 10 மற்றும் 12-ம் வகுப்பு பொதுத்தேர்வுகளில் அதிக மதிப்பெண்கள் பெற்ற மாணவ-மாணவிகளுக்கு தங்கம், வெள்ளி பதக்கங்கள் மற்றும் சான்றிதழ்கள், பரிசுகளை வழங்கி அனைத்து சமுதாயத்தைச் சார்ந்த மாணவ-மாணவிகளையும் கவுரப்படுத்தவுள்ளது இஸ்லாமிய ஐக்கிய ஜமாஅத்.

இதற்காக பரிசு வழங்கும் விழா வரும் சனிக்கிழமை (13/06/2015) காலை 10:00 மணிக்கு மஹ்மூதியா ஷாதி மஹாலில் கீழ்க்கண்டவாறு நடைபெறவுள்ளது. 

தலைமை: கேப்டன் ஜனாப் M. ஹமீது அப்துல் காதர் அவர்கள், தலைவர், இஸ்லாமிய ஐக்கிய ஜமாஅத், பரங்கிப்பேட்டை

கிராஅத்: மௌலவி  ஹாஜி ஜனாப் M. H. கபீர் அஹமத் மதனி அவர்கள்

வரவேற்புரை: ஜனாப் H. ஷாஜஹான் அவர்கள், துணை செயலாளர்,  இஸ்லாமிய ஐக்கிய ஜமாஅத், பரங்கிப்பேட்டை

முன்னிலை:

ஹாஜி ஜனாப் கலிமா K. ஷேக் அப்துல் காதர் மரைக்காயர் அவர்கள், நிர்வாகி, ஜாமியா மஸ்ஜித், மீராப்பள்ளி, பரங்கிப்பேட்டை

ஹாஜி ஜனாப் H. M. ஹனீபா அவர்கள், நிர்வாகி, H M H பள்ளி, பரங்கிப்பேட்டை

ஹாஜி ஜனாப் M. H. முஹம்மது ஷாபி B.E., M.Sc. (Eng.) அவர்கள்

ஹாஜி ஜனாப் டாக்டர் S. நூர் முஹம்மது M.B.B.S., DSM அவர்கள், நிர்வாக இயக்குனர், செய்யது அலீம் மருத்துவ மையம், பரங்கிப்பேட்டை.

ஹாஜி ஜனாப். M.S. அலி அக்பர் அவர்கள், துணை தலைவர், தலைவர், இஸ்லாமிய ஐக்கிய ஜமாஅத்,பரங்கிப்பேட்டை

வாழ்த்துரை வழங்குபவர்: மௌலவி ஹாபிள் ஜனாப் M. S. அஹமது கபீர் காஷிபி அவர்கள், இமாம், ஜாமிஆ மஸ்ஜித், மீராப்பள்ளி, பரங்கிப்பேட்டை

மாணவ மாணவிகளுக்கு பரிசு வழங்குபவர்கள்:

பேராசிரியர் ஜனாப் H. அமீர் அலி M.A., B.Ed., அவர்கள், முன்னாள் தலைவர் வரலாற்று துறை, A V C கல்லூரி, மயிலாடுதுறை

ஜனாப் N. உபைதுல்லா சாஹிப் M.A., M.Ed., அவர்கள், முன்னாள் பள்ளி கல்வி துணை இயக்குனர், தமிழ் நாடு அரசு

பேராசிரியர் ஜனாப் M. பாவா மொஹிதீன் M.Com., M.Phil., அவர்கள், முன்னாள் கல்லூரி கல்வி இணை இயக்குனர், தமிழ்நாடு அரசு.

பேராசிரியர் ஜனாப் S. முஹம்மது கவுஸ் M.Sc., M.Phil., MBA, அவர்கள், முன்னாள் தலைவர் இயற்பியல் துறை, புது கல்லூரி, சென்னை

டாக்டர் ஜனாப் M. A. சுல்தான் அலி M.Sc., Phd., அவர்கள், முன்னாள் இணை பேராசிரியர், விலங்கியல் துறை, ஸ்ரீ வாசவி கல்லூரி,ஈரோடு

பேராசிரியர் ஜனாப் S. அப்துல் ஹமீது M.A. (தமிழ்), M.A. (மொழியியல்), B.Sc., B.Ed., அவர்கள், தலைவர் தமிழ் துறை, முஹம்மது சதக் கலை, அறிவியல் கல்லூரி,சென்னை.

ஜனாப் H. அஜீஜுதீன் B.Sc., B.Ed., அவர்கள், முன்னாள் தலைமை ஆசிரியர், அரசினர் ஆண்கள் மேல்நிலை பள்ளி,

ஜனாப் N. பஷீர் அஹமது B.Sc., B.Ed., அவர்கள், முன்னாள் தலைமை ஆசிரியர், அரசினர் ஆண்கள் மேல்நிலை பள்ளி,

ஹாஜி ஜனாப் I. இஸ்மாயில் மரைக்காயர் B.Sc., M.Ed., அவர்கள், முன்னாள் துணை தலைமை ஆசிரியர், அரசினர் ஆண்கள் மேல்நிலைபள்ளி, பரங்கிப்பேட்டை.

நன்றியுரை: ஜனாப் A.M.மியாஜி அவர்கள், துணை செயலாளர்,  இஸ்லாமிய ஐக்கிய ஜமாத். மஹ்மூதுபந்தர்.

அனைரும் கலந்துக் கொண்டு விழாவினை சிறப்பிக்குமாறு இஸ்லாமிய ஐக்கிய ஜமாஅத் வேண்டுகோள் விடுத்துள்ளது.

பரங்கிப்பேட்டையில் மக்தப் ஆண்டுத் தேர்வு (படங்கள்)

பரங்கிப்பேட்டை ஒருங்கிணைந்த மக்தப் மதரஸா (குர்ஆன் பயிற்ச்சி) திட்டத்தில் அனைத்து பள்ளிவாசல்களிலும் இயங்கி வருகிறது. இது மும்பை உள்ளிட்ட தமிழகம் முழுவதும் ஒரே பாடத்திட்டத்தின் கீழ் இயங்கி வருகிறது.

அன்வாருஸ் ஸூப்பா எனப்படும் இந்த பயிற்ச்சி திட்டத்தில் மக்தப் 2 முதல் 5ம் பிரிவின் கீழ் மாணவ - மாணவிகளுக்கான ஆண்டு தேர்வு இன்று மீராப்பள்ளியில் நடைப்பெற்றது. சுமார் 450 மாணவ - மாணவிகள் கலந்துக் கொண்டதாக பொறுப்பாளர்கள் தெரிவித்தனர்.

படங்கள்: நூருல்லாஹ் பாகவீ 

கோலாகலமாக துவங்கியது SSA கால்பந்து திருவிழா....!

பரங்கிபேட்டையின் புகழ்பெற்ற SSA (மாவீரர் சுல்தான் சலாஹுத்தீன் அய்யூபி) நினைவு கோப்பைக்கான கால்பந்து திருவிழா வெள்ளிக்கிழமை அன்று கோலாகலமாக துவங்கியது. 

3 நாட்கள் நடைபெறும் இந்த போட்டியில் சென்னை, புதுவை, கடலூர், பரங்கிபேட்டை, சிதம்பரம், காரைக்கால், அத்திக்கடை, பூதமங்கலம், கூத்தாநல்லூர், நாகூர், பொதக்குடி, நெய்வேலி, உளுந்தூர்பேட்டை, கள்ளக்குறிச்சி மற்றும் அதிராம்பட்டினம் போன்ற ஊர் அணிகளும்,  சத்தியபாமா பொறியியல் கல்லூரி அணியும் கலந்து கொள்கின்றன.

துவக்க நிகழ்ச்சியில் உட்பட பலர் கலந்துகொண்டு சிறப்பித்தனர். போட்டியை சிறப்பாக ஏற்பாடு செய்து நடத்தி வருகின்றனர் SSA மேலாளர் G.M. நெய்னா தலைமையில் SSA விழா குழுவினர்.

படங்கள்: ஸ்மார்ட் தமீம்

நாளை பரங்கிப்பேட்டை தனியார் பள்ளி முற்றுகை

கூடுதல் கல்விக் கட்டணங்களை வசூலிக்கும் பரங்கிப்பேட்டையில் உள்ள தனியார் பள்ளிகள் மீது நடவடிக்கை எடுக்க வலியுறுத்தி நாளை (திங்கள் கிழமை ஜூன் 1, 2015) பரங்கிப்பேட்டை ஒன்றிய இந்திய கம்யூனிஸ்ட் கட்சி (மார்க்சிஸ்ட்) சார்பில் தனியார் பள்ளி முற்றுகை போராட்டம் நடைபெற உள்ளது.

இதுபோன்று கூடுதல் கட்டணம் வகூலிக்கும் அனைத்து பள்ளிகளையும் முற்றுகையிட்டால் இதற்கொரு முடிவு கட்ட முடியும்.

கோடைக்கால பயிற்சி முகாம் பரிசளிப்பு விழா

தொடர்ந்து பதினொறாவது ஆண்டாக பரங்கிப்பேட்டை நகர ஜமாஅத்துல் உலமா பேரவை சார்பில் நடைபெறும் கோடைக்கால நல்லொழுக்க (தீனிய்யாத்) பயிற்சி வகுப்புகளில் வெற்றி பெற்றவர்களுக்கும், பல்வேறு போட்டிகளில் வென்றவர்களுக்கும் பரிசுகள் வழங்கும் நிகழ்ச்சியும், சிறார்களின் இஸ்லாமிய பல்சுவை நிகழ்ச்சியும் மஹ்மூதிய்யா ஷாதி மஹாலில் சிறப்பாக நடைபெற்றது. 

ஜாமிஆ மஸ்ஜித் மீராப்பள்ளி நிர்வாகி கலிமா K. ஷேக் அப்துல் காதர் தலைமையில் நடைபெற்ற இந்நிகழ்ச்சியில் பரங்கிப்பேட்டை பேரூராட்சி மன்ற தலைவர் Dr. M.S. முஹம்மது யூனுஸ், இஸ்லாமிய ஐக்கிய ஜமாஅத் தலைவர் கேப்டன் M. ஹமீத் அப்துல் காதர், மீராப்பள்ளி நிர்வாகிகள் I. இஸ்மாயில் மரைக்காயர், M.S அலி அக்பர், H.M.H. ஹனீஃபா ஆகியோர் முன்னிலை வகிக்க, தவ்லத் நிஸா அரபிக்கல்லூரி நிர்வாகி S.O சையத் ஆரிஃப் வாழ்த்துரை வழங்கினார்.

இவ்வருடமும் பரங்கிப்பேட்டை நகர ஜமாஅத்துல் உலமா பேரவையுடன் ஜாமிஆ மஸ்ஜித் மீராப்பள்ளி அன்வாருஸ் ஸுஃப்பா மக்தப் சென்டரும் இணைந்து ஏற்பாடு செய்திருந்ததனர். ஏராளமானோர் கலந்து கொண்டனர்.

நிகழ்வின் சில புகைப்படங்கள் தங்களின் பார்வைக்கு...

படங்கள்: ஷேக் ஆதம்

போக்குவரத்திற்கு தயாராகும் பக்கிங்ஹாம் கால்வாய்

சென்னை - ஆந்திரத்தை இணைக்கும் பக்கிங்ஹாம் கால்வாயில் படகுப் போக்குவரத்துத் திட்டத்தை செயல்படுத்த அரசு முடிவு செய்துள்ளாதாகவும், அதை மேற்கொள்வதற்கான திட்டப் பணிகள் அடுத்த ஆண்டு தொடங்கும் என்று மத்திய நெடுஞ்சாலை & போக்குவரத்துத் துறை அமைச்சர் நிதின் கட்கரி, இந்தியத் தொழில் நிறுவன கூட்டமைப்பின் (சி.ஐ.ஐ) சார்பில் தில்லியில் செவ்வாய்க்கிழமை (07.04.2015) நடைபெற்ற நிகழ்ச்சியொன்றில் தெரிவித்தார்

பக்கிங்ஹாம் கால்வாய் தென்னிந்தியாவின் மிக நீளமான நன்னீர் கால்வாய். சோழமண்டலக் கடற்கரைக்கு இணையாக ஓடும் கால்வாய். 

இக்கால்வாய் ஆந்திரப்பிரதேசத்தின் விஜயவாடாவில் இருந்து தமிழகத்தின் கடலூர் மாவட்டம் பரங்கிப்பேட்டை வரை செல்கிறது. 1806 ஆம் ஆண்டு வெட்டத் தொடங்கி பல கட்டங்களில் பல்வேறு ஏரிகளையும் ஆறுகளையும் இணைத்து உப்பு நீர் ஓடும் இக்கால்வாயின் நீளம் 420 கிலோ மீட்டர்கள்.

இக்கால்வாய் ஆங்கில ஆட்சியின் போது அமைக்கப்பட்டது. 19, 20ஆம் நூற்றாண்டுகளில் ஒரு முதன்மையான நீர்வழியாக இது விளங்கியது. இக்கால்வாய் கடற்கரையில் இருந்து சென்னைக்கு பொருட்களைக் கொண்டு செல்ல முதன்மையாகப் பயன்படுத்தப்பட்டது. 

சுதந்திரத்திற்குப் பிறகு கவனிப்பார் இல்லாமல் அழியத் தொடங்கியது. 2004 ஏற்பட்ட சுனாமியின் பொது பல லட்சம் உயிர்களை இது ஒரு வடிகாலாக இருந்து காப்பாற்றியது. 

தற்போது யாருக்கும், எதற்கும் உபயோகம் இல்லாமல் ஆக்கிரமிப்பு செய்யப்பட்டு உள்ளது. 

எனவே, மீண்டும் பக்கிங்ஹாம் கால்வாய் நீர்வழிப்பாதை திட்டம் மேம்படுத்தப்பட்டால் போக்குவரத்தில் தமிழகம் மிகச்சிறப்பான இடத்தை பெறும். இலட்சக்கணக்கான மக்கள் பயனடைவார்கள். 

நமது அரசு செய்யுமா? 

என்ற கோரிக்கையை தமிழ்நாடு முதலமைச்சரின் தனிப் பிரிவுக்கு 23/12/2014 அன்று கோரிக்கை வைத்தேன் (எண்: 2014/812990/CR). 06.01.2015 அன்று பதில் வந்தது.

வந்த பதில்: 

The scheme for utilising the Buckingham canal as on inland water ways is under the consideration of the National Inland Waterway Authority and the same would be implemented in due course. Petitioner informed vide EIC WRD PWD Chepauk ch-5 lr.no.S7/CMP/CR/2014 dt 05.01.15.

மீராப்பள்ளியில் தொடங்கியது நல்லொழுக்க பயிற்சி வகுப்புகள்! (படங்கள்)

பரங்கிப்பேட்டை நகர ஜமாஅத்துல் உலமா பேரவை சார்பில் கோடைக்கால நல்லொழுக்க (தீனிய்யாத்) பயிற்சி வகுப்புகள் திங்கள் கிழமை (27.04.2015) தொடங்கின. பதினொறாவது ஆண்டாக தொடர்ந்து நடைபெறும் இப்பயிற்சி பயிலரங்கத்தில் முதல் நாள் அன்று 200க்கும் மேற்பட்ட பள்ளி மாணவ-மாணவியர் கலந்து கொண்டனர்.

ஆண் பிள்ளைகளுக்கும், 9 வயதுக்குட்பட்ட பெண் பிள்ளைகளுக்கும் ஜாமிஆ மஸ்ஜித் மீராப்பள்ளியில் வகுப்புகள் நடத்தப்படுவதாகவும், குறைந்த கட்டணத்தின் வாகன வசதி ஏற்பாடு செய்யப்பட்டுள்ளதாகவும், திறமையான ஆலிம்கள் மூலம் வகுப்புகள் நடைபெறும் என்றும் ஜமாஅத்துல உலமா சபையினர் தெரிவித்தனர்.

இப்பயிற்சி வகுப்புகள் முடிவடைந்ததும் தேர்வுகளும், போட்டிகளும் நடைபெற இருக்கின்றன. வெற்றி பெறும் மற்றும் கலந்துக் கொள்ளும் மாணவ-மாணவிகளுக்கு பரிசுகளும், சான்றிதழ்களும் வழங்ப்பட உள்ளன. இப்பயிற்சி வகுப்பில் திருக்குர்ஆனை முறைப்படி தஜ்வீதுடன் ஓதுவது, இஸ்லாமிய கொள்ளை விளக்கம், தொழுகை, ஹதீஸ் கலை, துஆக்கள் மனனம் போன்றவையுடன் உலமாக்களில் சொற்பொழிவுகளும் நடைபெற இருக்கின்றன.

இவ்வருடமும் பரங்கிப்பேட்டை நகர ஜமாஅத்துல் உலமா பேரவையுடன் ஜாமிஆ மஸ்ஜித் மீராப்பள்ளி அன்வாருஸ் ஸுஃப்பா மக்தப் சென்டரும் இணைந்து இப்பயிற்சி பயிலரங்கத்தை ஏற்பாடு செய்துள்ளனர்.  

படங்கள்:  ஜஃபர் அலீ மன்பயீ & ஷேக் ஆதம் மழாஹிரி