பரங்கிப்பேட்டை தகவல் களஞ்சியம்

பரங்கிப்பேட்டை தகவல் களஞ்சியம்

வியாழன், 19 பிப்ரவரி, 2015 0 கருத்துரைகள்!


உலகின் பல நாடுகளிலும் பரங்கிப்பேட்டை மக்கள் நாட்டை, ஊரை, உறவை பிரிந்து வேலை நிமித்தமாக வாழ்ந்து வருகிறார்கள். அதிலும் குறிப்பாக ஐக்கிய அரபு அமீரகத்திலும் அதிகமாக பணியாற்றுகிறார்கள். வேலை பளு உள்ளிட்ட பல சூழ்நிலைகளின் காரணமாக ஒரே நாட்டில் வசித்து வந்தாலும் ஒருவரை ஒருவர் சந்திக்க முடியாத சூழல் உள்ளது.
 
அந்த இடைவெளியை போக்குவதற்காக அமீரக பரங்கிப்பேட்டை முஸ்லிம் பேரவை (PMA UAE) கடந்த வெள்ளிக்கிழமை (13/02/2015) துபாய் முஸ்ரிஃப் பூங்காவில் பரங்கிப்பேட்டை மக்கள் குடும்பத்துடன் சந்திக்கும் ஒன்றுகூடல் நிகழ்ச்சியை ஏற்பாடு செய்திருந்தது. அமீரகத்தின் பல்வேறு பகுதிகளிலிருந்தும் 40க்கும் மேற்பட்ட குடும்பங்கள் உட்பட சுமார் 110 நபர்கள் கலந்து கொண்டு சிறப்பித்தனர்.

பூங்காவில் அமைந்துள்ள பள்ளிவாசலில் ஜும்ஆ தொழுதனர். பின்னர் மதிய உணவு பரிமாறப்பட்டது. தொடர்ந்து பெரியவர்கள் சிரியவர்களுக்கு உரியடித்தல், ஓட்டப்பந்தயம், கிராஅத் போன்ற பல போட்டிகள் நடத்தப்பட்டன. பெண்களுக்கு திருக்குர்ஆன் கேள்வி பதில் போட்டி நடத்தப்பட்டது. நிகழ்ச்சியின் நிறைவாக வெற்றியாளர்களுக்கு M.E. நகுதா அவர்கள் முன்னிலையில் பரிசுகள் வழங்கப்பட்டன.

பசுமையான பல்வேறு நினைவுகளை ஒருவருக்கொருவர் பரிமாறிக் கொண்டு மகிழ்ச்சியுடனும், மீண்டும் இது போல ஒன்று கூட வேண்டும் என்ற உறுதியுடனும் திரும்பி சென்றனர்.
 
நிகழ்ச்சியை முஹம்மத் உவைஸ், ஹம்தி அப்பாஸ், இஹ்சான் அஹ்மத் ஆகியோருடன் PMA UAE நிர்வாகிகள் மற்றும் ஆலோசனை குழு உறுப்பினர்கள் சிறப்பான முறையில் ஏற்பாடுகள் செய்திருந்தனர்.










செய்தி உதவி & புகைப்படங்கள்: அன்வர் சாதாத்

மேலும் வாசிக்க>>>> "அமீரகத்தில் ஒன்றுகூடிய பரங்கிப்பேட்டை சிட்டிசன்கள் (படங்கள்)"

திங்கள், 2 பிப்ரவரி, 2015 0 கருத்துரைகள்!

குவைத்தில் பல்வேறு தளங்களில் கடந்த பத்தாண்டுகளாக தமிழ் மக்களுக்கு சிறப்பான முறையில் சேவையாற்றிக் கொண்டிருக்கும் முதன்மை அமைப்பான குவைத் தமிழ் இஸ்லாமியச் சங்கம் (K-Tic), தன் சேவைகளின் அடுத்தக்கட்ட தொடர்ச்சியாக 'ஆப்பிரிக்கா, சிரியா, லெபனான், ஏமன், ஜோர்டன், ஃபலஸ்தீன் மற்றும் குவைத்' உள்ளிட்ட நாடுகளில் ஏழ்மையில் வாடும் மக்களுக்கு உதவி செய்வதற்காக முதல் முறையாக ஆடைகள் சேகரிப்பு முகாமை சென்ற வெள்ளிக்கிழமை (30/01/2015) அன்று குவைத் தமிழ் பள்ளிவாசலில் ஏற்பாடு செய்திருந்தது. 

குறுகிய கால அவகாசம் தரப்பட்டாலும் சுமார் 1 டன் (ஆயிரம் கிலோ) ஆடைகளை மக்கள் அன்பளிப்பாக அள்ளி வழங்கினர். அவற்றை சேகரித்து குவைத்தில் இயங்கும் பூப்யான் வங்கி (Boubyan Bank) துணையுடன் ஒரே நாளில் 56,000 கிலோ (56 டன்) ஆடைகளை சேகரித்துகின்னஸ் சாதனை புரிந்த வளைகுடா அறிவியல் தொழில்நுட்ப பல்கலைக்கழகம்குவைத் (Gulf University for Science & Technology, Kuwait) நிர்வாகத்திடம் ஒப்படைக்கப்பட்டன.

ஆடைகளை அள்ளி வழங்கிய அனைத்து மக்களுக்கும் நன்றி தெரிவிப்பதுடன், எதிர்காலத்தில் இன்னும் அதிகமாக ஆடைகளை சேகரித்து அல்லல்படும் மக்களுக்கு அனுப்பி வைக்க ஏற்பாடு செய்வோம் என்று குவைத் தமிழ் இஸ்லாமியச் சங்க நிர்வாகிகள் தெரிவித்தனர்.

இதற்கு முன் பல்வேறு காலங்களில் இயற்கைச் சீற்றங்களால் பாதிக்கபட்ட திருப்பூர், முஸாஃபர் நகர், ஜம்மு & காஷ்மீர் உட்பட பல்வேறு இடங்களில் பாதிக்கப்பட்ட மக்களுக்கு இந்திய அரசு மற்றும் தனியார் தொண்டு நிறுவனங்கள் வாயிலாக உதவித் தொகைகளை இச்சங்கம் வழங்கியிருப்பது குறிப்பிடத்தக்கது.

ஆடைகள் வழங்கும் முகாமின் காணொளியை காண....  K Tic ஏற்பாடு செய்த ஆடைகள் சேகரிப்பு முகாம்

-------------------------------------
தகவல் தொடர்பு & ஊடகப் பிரிவு,
குவைத் தமிழ் இஸ்லாமியச் சங்கம் (K-Tic),
குவைத்.

துரித சேவை / வாட்ஸ்அப் / வைபர் /  டெலிகிராம் / அலைபேசி: (+965) 97 87 24 82
மின்னஞ்சல்: q8_tic@yahoo.com / ktic1427@gmail.com
இணையதளம்: www.k-tic.com
யாஹூ குழுமம்: http://groups.yahoo.com/group/K-Tic-group
முகநூல் (Facebook) பக்கம் : https://www.facebook.com/q8tic
முகநூல் (Facebook) குழுமம் : https://www.facebook.com/groups/q8tic
நேரலை (Ustream) : http://www.ustream.tv/channel/ktic-live
ஒலி/ஒளிப் பெட்டகம் (Youtube) : www.youtube.com/user/Ktic12









மேலும் வாசிக்க>>>> "குவைத்தில் நடைபெற்ற ஏழைகளுக்கான ஆடைகள் சேகரிப்பு முகாம்"

0 கருத்துரைகள்!

கியாஸ் சிலிண்டர் சப்ளை செய்யும்போது பணம் கொடுக்க தேவையில்லை. கட்டாயப்படுத்தினால் புகார் தெரிவிக்கலாம் என்று இந்தியன் ஆயில் நிறுவன அதிகாரி தெரிவித்துள்ளார்.
 
சமையல் கியாஸ் நேரடி மானியம் திட்டம் ஜனவரி 1 ஆம் தேதி முதல் அமல்படுத்தப்பட்டுள்ளது. இதன் மூலம் வாடிக்கையாளர்கள் முழு தொகை கொடுத்து சிலிண்டரை பெற வேண்டும். மானியம் பொதுமக்களின் வங்கி கணக்கில் நேரடியாக செலுத்தப்பட்டு வருகிறது. ஆனாலும், கியாஸ் விநியோகம் செய்யும் பணியில் ஈடுபடும் ஊழியர்கள், கட்டாயப்படுத்தி பணம் வசூலிப்பதாக தொடர்ந்து புகார்கள் எழுந்துள்ளது.
 
வீடுகளுக்கு சிலிண்டர் விநியோகம் செய்யும்போது ரூ.10 அல்லது ரூ.20 கொடுத்தால் டெலிவரிபாய் வாங்கி செல்வார்கள். ஆனால் தற்போது, ரூ.50 கொடுத்தால் தான் சிலிண்டர் வழங்குவோம் என்று டெலிவரிபாய் வாடிக்கையாளர்களை கட்டாயப்படுத்துகிறார்கள். தரை தளத்தில் உள்ள வீடுகளாக இருந்தால் ரூ.30ம், அடுக்குமாடி குடியிருப்புகளாக இருந்தால் ரூ.50ம் கட்டாயம் தர வேண்டும் என்று அந்த ஊழியர்கள் பிடிவாதமாக கேட்கிறார்கள். அப்படி அவர்கள் கேட்கும் பணத்தை தராவிட்டால் வாக்குவாதம் செய்துவிட்டு மீண்டும் சிலிண்டரை திரும்ப எடுத்து சென்று விடுகிறார்கள்.
 
இதுகுறித்து இந்தியன் ஆயில் நிறுவன அதிகாரி வெற்றி செல்வகுமார் கூறும்போது, ''கியாஸ் விநியோகம் செய்யும் பையன்களுக்கு ‘டிப்ஸ்’ எதுவும் கொடுக்க தேவையில்லை. அவர்களுக்கு விநியோகஸ்தர்கள் சம்பளம் வழங்குகிறார்கள். வாடிக்கையாளர்களே முன்வந்து கொடுப்பது அவர்களது விருப்பம். ஆனால், ரூ.30, 40, 50 என நிர்ணயம் செய்து கட்டாய வசூல் வேட்டையில் ஈடுபடுவது தவறு. அதனை அனுமதிக்க கூடாது.
 
கட்டாயப்படுத்தி பணம் கேட்டால் கியாஸ் ஏஜென்சியின் பெயர், ஏரியா, விவரங்களை போன் மூலமாகவோ, எழுத்து மூலமாகவோ தெரிவிக்கலாம். புகார் கொடுப்பவரும் தங்களது பெயர் விவரங்களை கூற வேண்டும். அப்போதுதான் தவறு செய்த ஊழியர் மீது நடவடிக்கை எடுக்க முடியும். மேலும் தேனாம்பேட்டையில் இதற்காக சேவை மையம் செயல்படுகிறது. காலை 9 மணி முதல் மாலை 5.30 மணி வரை செயல்படும நேரத்தில் பொது மக்கள் நேரிலும் வந்து எழுத்து மூலம் புகார் கொடுக்கலாம்.
 
இது தவிர 11800 425247247 என்ற இலவச டெலிபோன் மூலமாக வாடிக்கையாளர்கள் புகார் தெரிவிக்கலாம். புகாரின் அடிப்படையில் அந்த கியாஸ் ஏஜென்சி மீதும், ஊழியர்கள் மீதும் நடவடிக்கை எடுக்கப்படும். எனவே பொது மக்கள் சிலிண்டர் விநியோகத்தின் போது கூடுதலாக பணம் கேட்டால் உடனே தகவல் தெரிவிக்க வேண்டும்" என்றார்.
மேலும் வாசிக்க>>>> "சிலிண்டர் டெலிவரி பாய்க்கு பணம் தர வேண்டாம்"

சனி, 31 ஜனவரி, 2015 0 கருத்துரைகள்!


பரங்கிப்பேட்டை காதிரிய்யா பள்ளிவாசலின் திருக்குர்ஆன் மதரஸாவில் குர்ஆன் பாடம் துவங்கும் நிகழ்ச்சி நடைபெற்றது. 

பரங்கிப்பேட்டையின் புதிய ஜும்ஆ பள்ளியான ஹக்கா ஸாஹிப் தெரு காதிரிய்யா பள்ளிவாசலில் அல் மதரஸத்துல் காதிரிய்யா தீனியாத் மக்தப் மதரஸா செயல்பட்டு வருகிறது. இம்மதரஸாவில் 170 மாணவ, மாணவியர் கல்வி பயின்று வருகின்றனர். இவர்களில் 53 மாணவ, மாணவியர் ஆரம்ப நிலை பாடங்களை முடித்து விட்டு திருக்குர்ஆன் பாடத்தை தொடங்கும் நிகழ்ச்சி இன்று அப்பள்ளிவாசலில் நடைபெற்றது. 

இந்நிகழ்ச்சியில் சென்னை வடபழனி ஹக்கானி மஸ்ஜித் தலைமை இமாம் மவ்லவீ ஜி.எம். தர்வேஷ் ரஷாதி, தீனியாத் மக்தப் கண்காணிப்பாளர்கள் மவ்லவீ எஸ். முஹம்மது இஸ்மாயீல் காஷிஃபி மற்றும் மவ்லவீ ஏ. அமானுல்லாஹ் மழாஹிரி சிறப்பு விருந்தினர்களாக கலந்து கொண்டு சிறப்புரையாற்றினர். மதரஸா மாணவ மாணவியரின் நிகழ்ச்சிகளும் நடைபெற்றன. 

பேரூராட்சி மன்ற தலைவர் ஹாஜி எம். எஸ். முஹம்மது யூனுஸ், தவ்லத் நிஸா மகளிர் மதரஸா நிர்வாகி எஸ்.ஓ. செய்யது ஆரிஃப் மற்றும் மௌலவிகள் ஹச். அப்துஸ் ஸமது ரஷாதி, யு. நூருல்லாஹ் பாகவீ,  முஹம்மது யூசுஃப் காஷிஃபி, எஸ். கௌஸ் முஹ்யத்தீன் மன்பயீ, எம்.எஸ். அஹ்மத் கபீர் காஷிஃபி, துணை காஜி ஏ. லியாகத் அலி மன்பயீ உட்பட உலமாக்கள், முக்கிய பிரமுகர்கள், பெண்கள் என பலரும் கலந்து கொண்டு மாணவர்களை உச்சாகப்படுத்தினர். 

படங்கள்: ஷேக் ஆதம் மழாஹிரி
மேலும் வாசிக்க>>>> "திருக்குர்ஆன் பாடம் துவங்கும் நிகழ்ச்சி"

புதன், 28 ஜனவரி, 2015 0 கருத்துரைகள்!

வீதிக்கு வீதி மதுக் கடைகளைத் திறந்து வைத்தவர்கள் இந்தப் புகைப்படத்தைத் தவறாமல் பார்க்க வேண்டும்!
வீதிக்கு வீதி மதுக் கடைகளைத் திறந்து வைத்தவர்கள் இந்தப் புகைப்படங்களைத் தவறாமல் பார்க்க வேண்டும்!
 
கரூர் பேருந்து நிலையம் அருகே நல்ல குடிபோதையில் வந்த பள்ளிக் கூட மாணவர் ஒருவர், போதையின் தாக்கம் தாங்க முடியாமல் மயங்கி விழுந்தது பொதுமக்கள் அனைவரையும் அதிர வைத்தது.

கருரை அடுத்த வெங்கமேடு பகுதியை சார்ந்த ஒரு ஆட்டோ டிரைவரின் மகன் ராஜேஷ் (பெயர் மாற்றப்பட்டுள்ளது - வயது 17). கரூரில் உள்ள அரசு உதவி பெறும் தனியார் பள்ளியில் +2 பயின்று வருகிறார். இதே பள்ளியில் +1 பயிலும் இவரது ந்ண்பர்கள் இருவருடன் சேர்ந்து மது அருந்தியுள்ளார். போதையின் உச்சத்திற்க்கு வந்த மாணவர்கள் சாலையை கடந்து பேருந்து நிலையத்திற்க்கு செல்ல முயன்றுள்ளனர். நண்பர்கள் இருவரும் கடந்து சென்ற நிலையில் போதையின் உச்சத்தில் இருந்த ராஜேஷ் திடீரென மயங்கி பேருந்து நிலைய நுழைவாயில் அருகே விழுந்தார். இதைக் கண்ட பொதுமக்கள் அதிர்ச்சி அடைந்தனர்.

பள்ளி சீருடையிலேயே பட்டப்பகலில் மது அருந்தி பாதை தவறி செல்லும் மாணவனை கண்ட பொதுமக்க்ள் மயங்கி கிடந்த மாணவனை எழுப்ப முயன்றனர். இதனிடையே அவனது நண்பர்கள் பெற்றோருக்கு தகவல் அளித்ததன் பேரில் அவரது பெற்றோர் மாணவனை அழைத்து சென்றனர். பள்ளி சீருடையில் பட்டப்பகலில் மது போதையில் மயங்கி விழுந்த விவகாரம் கரூரில் பெற்றோர்களை கதிகலங்க செய்துள்ளது. இந்த மாணவனின் புகைப்படத்தை சமூகத்தை சீரழிக்கும் மதுவையும், அதன் கடைகளையும் ஊருக்கு ஊர், வீதிக்கு வீதி அறிமுகம் செய்து திறந்து வைத்தவர்கள் பார்த்தால் நலமாக இருக்கும்!

வீதிக்கு வீதி மதுக் கடைகளைத் திறந்து வைத்தவர்கள் இந்தப் புகைப்படத்தைத் தவறாமல் பார்க்க வேண்டும்!
நாளை நமதூரிலும் இந்த நிலை வர வேண்டுமா?
 
பரங்கிப்பேட்டை பேருந்து நிறுத்தத்தில் உள்ள டாஸ்மாக் சாராய கடையை அகற்ற பல்வேறு போராட்டங்கள் நடைபெற்று வருகின்றன. அதன் தொடர்ச்சியாக முதலமைச்சரின் தனிப்பிரிவுக்கு நமது MYPNO ஆசிரியர் அ.பா. கலீல் அஹ்மத் பாகவீ வைத்த கோரிக்கை....

"பரங்கிபேட்டை பஸ்நிலையம் அருகில் இருக்கும் டாஸ்மாக் கடை பொதுமக்களுக்கு பல வகையிலும் இடையூறாக உள்ளது. 

அதன் சுற்றுப்புறத்தில் கோவில், மசூதி, காவல் நிலையம், நீதிமன்றம், சிறைச்சாலை, குடியிருப்புகள் மற்றும் கடைகள் என பல்வேறு தரப்பு மக்களும் வந்துச் செல்லும் இடமாக உள்ளது. 

குடிகாரர்களின் பிரச்சினையால் பேருந்துக்கு காத்துக் கிடக்கும் பெண்கள், குழந்தைகள், நோயாளிகள் உட்பட பொதுமக்கள் மிகுந்த மன உளைச்சலுக்கும், துன்பத்திற்கும் ஆளாகின்றனர்.

எனவே, பரங்கிப்பேட்டையில் சாராய கடைகள் இல்லாத நகரமாக மாற்றி அமைக்க மாண்புமிகு முதலமைச்சர் அவர்கள் நடவடிக்கை எடுக்க வேண்டும்."

அதற்கு பொறுப்பான(!) முறையில் பதில் அளித்த கடலூர் மாவட்ட டாஸ்மாக் மேலாளர்...
Inline image 1
TASMAC shops at Parangipettai were located as per Govt norms. 
There is no Temple and Educational institutes near TASMAC shops. 
Letter No RV6/2416/2014 dated 30.12.2014. 
District Manager, TASMAC, Cuddalore

அப்படி என்றால்... "அங்குள்ள பள்ளிவாசல் வழிப்பாட்டுத்தளம் கிடையாது. பொதுமக்களுக்கு எத்தனை இடையூறுகள் ஏற்பட்டாலும் கவலையில்லை" என்ற மெத்தனப் போக்கு இந்த பதிலில் உள்ளது.

எப்படி அந்த கடையை அகற்றுவது? பதில் சொல்லுங்களேன்....
மேலும் வாசிக்க>>>> "நாளை நமதூரிலும் இந்த நிலை வர வேண்டுமா?"

செவ்வாய், 27 ஜனவரி, 2015 0 கருத்துரைகள்!

வண்டிக்காரத் தெருவில் உள்ள பழைய அரசு பெண்கள் மேல்நிலைப் பள்ளி கட்டிடங்கள் கடந்த பல ஆண்டுகளாக பயன்படுத்தப்படாமல், செடிகள் முளைத்து சேதமடைந்து வருகிறது.
 
சுனாமியின்போது பரங்கிப்பேட்டை பகுதி கடுமையாக பாதிக்கப்பட்டதால் அரசு மற்றும் தொண்டு நிறுவனங்கள் பல்வேறு உதவிகளை செய்தன. கடந்த ஏழு ஆண்டுகளுக்கு முன்பு, இங்கு பாதிக்கப்பட்ட பகுதியை பார்வையிட வந்த ராஜஸ்தான் அரசு அதிகாரிகள், பரங்கிப்பேட்டை கச்சேரி தெருவில் புதிதாக அரசு மருத்துவமனை மற்றும் பள்ளி கட்டிடம் கட்டிக் கொடுத்தனர். புதுச்சத்திரம் சாலையில் ராஜஸ்தான் அரசு கட்டிக்கொடுத்த புதிய கட்டிடத்திற்கு அரசு ஆண்கள் மேல்நிலை பள்ளி மாற்றப்பட்டது. இதனையடுத்து வண்டிக்கார தெருவில் இயங்கிய அரசு பெண்கள் பள்ளி, அரசு ஆண்கள் மேல்நிலைப் பள்ளி இயங்கிய இடத்திற்கு மாற்றப்பட்டது. அதனால், வண்டிக்கார தெருவில் இயங்கிய அரசு பெண்கள் பள்ளி கட்டிடங்கள் பயன்படுத்தப்படாமல் உள்ளன.
 
இதுகுறித்த புகாரின்பேரில், அப்போதைய கடலூர் மாவட்ட ஆட்சித் தலைவர் ராஜேந்திர ரத்னு வண்டிக்கார தெருவில் உள்ள அரசு பெண்கள் பள்ளியை நேரில் பார்வையிட்டார். பயன்படுத்தாமல் உள்ள ஐந்து கட்டிடங்களில், வருவாய் அலுவலகம், சம்மந்தத்தில் உள்ள உதவி தொடக்கக் கல்வி அலுவலகம் மற்றும் வாடகை கட்டடங்களில் இயங்கி வந்த மின்சார அலுவலகம், நூலகம் உள்ளிட்ட அலுவலங்கள் ஒரே இடத்தில் கொண்டுவர நடவடிக்கை எடுக்க அதிகாரிகளுக்கு உத்தரவிட்டார். மாவட்ட ஆட்சித்தலைவர் மாறுதலாகி சென்ற பிறகு, அதிகாரிகள் அந்த திட்டத்தை கண்டுகொள்ள வில்லை. தற்போது அங்கு நூலகம் மட்டும் ஒரு பகுதியில் இயங்கி வருகின்றது.
 
இது குறித்த செய்திகள் நமது MYPNOல் பல முறை இடம் பெற்றுள்ளன.


இதன் தொடர்ச்சியாக முதலமைச்சரின் தனிப்பிரிவுக்கு நமது MYPNOன் ஆசிரியர் அ.பா. கலீல் அஹ்மத் பாகவீ  கோரிக்கை வைத்ததன் பதிலாக கீழ்க்கண்ட செய்தி அரசிடமிருந்து கிடைக்கப் பெற்றது.


 
மேலும் வாசிக்க>>>> "வண்டிக்காரத்தெரு பெண்கள் பள்ளி கட்டிடம் குறித்து..."

சனி, 24 ஜனவரி, 2015 0 கருத்துரைகள்!

குவைத்தில் நடைபெற்ற 10ம் ஆண்டு நபிகள் நாயகம் (ஸல்) விழா!
தமிழக ஆலிம்கள், அரசியல் கட்சி தலைவர்கள் பங்கேற்பு!!
ஏறக்குறைய 5,000 சகோதர, சகோதரிகள் பங்கேற்றனர்!!!
குவைத்தில் இயங்கி வரும் தமிழ் அமைப்பான குவைத் தமிழ் இஸ்லாமிய சங்கம் (கே-டிக்)ஏற்பாடு செய்த 10ம் ஆண்டு ஐம்பெரும் மீலாது விழா நிகழ்ச்சிகள் அச்சங்கத்தின் தலைவர்மவ்லவீ எம்.எஸ். முஹம்மது மீராஷா பாகவீ அவர்களின் தலைமையில் ஜனவரி 1, 2015 அன்று குவைத்தில் உள்ள ஃகைத்தான் தமிழ் பள்ளிவாசலில் தொடங்கியது. வெள்ளிக்கிழமை (02.01.2015) அன்று குவைத் சிட்டி பகுதியில் உள்ள பெரிய பள்ளிவாசலான மஸ்ஜிதுல் கபீர்பெரிய கூடாரத்தில் நடைபெற்றது.  சனிக்கிழமை (03.01.2015) அன்று ஃபஹாஹீல் பகுதியில் உள்ள பள்ளிவாசலில் நிறைவு விழா நடைபெற்றது.  அனைத்து நிகழ்ச்சிகளையும் செயலாளர் மல்வலீ அ.பா. கலீல் அஹ்மது பாகவீ ஒருங்கிணைப்பு செய்தார்.
இந்நிகழ்ச்சிகளில் தமிழ்நாடு மாநில ஜமாஅத்துல் உலமா சபை தலைவர் மவ்லவீ ஏ.இ.எம். அப்துர் ரஹ்மான் மிஸ்பாஹிதமிழக அரபிக்கல்லூரிகள் கூட்மைப்பின் தலைவர் மவ்லவீஓ.எம். அப்துல் காதிர் பாகவீவிடுதலைச் சிறுத்தைகள் கட்சித் தலைவர் தொல். திருமாவளவன் மற்றும் துணைப் பொதுச்செயலாளர் ஆளூர் ஷா நவாஸ் ஆகியோர் சிறப்பு விருந்தினர்களாக கலந்து கொண்டு உரையாற்றினர்.
அவ்விழாவில் குவைத் தமிழ் இஸ்லாமிய சங்கத்தின் சார்பில் அப்துர் ரஹ்மான் மிஸ்பாஹி அவர்களுக்கு ‘நபிமொழிக் களஞ்சியம்’, அப்துல் காதர் பாகவீ அவர்களுக்கு ‘சொற்பொழிவுத் திலகம்’, திருமாவளவன் அவர்களுக்கு ‘நல்லிணக்க நட்சத்திரம்’ மற்றும் ஆளுர் ஷா நவாஸ் அவர்களுக்கு ‘ஆவணப்பட ஆளுநர்’ விருதுகள் வழங்கி சிறப்பிக்கப்பட்டன.
இந்நிகழ்ச்சியில் குவைத் இஸ்லாமிய சங்கத்தின் 10ம் ஆண்டு சிறப்பு மலர்மா மனிதர் முஹம்மது (ஸல்) அவர்களின் வரலாற்று அட்டவணை மற்றும் 2015ம் ஆண்டு வருட நாட்காட்டி ஆகியவை வெளியிடப்பட்டன. ‘வாழ்நாள் சமூக சேவையாளர்’ விருதினை டெல்லி பாஷா (எ) அப்துல் காதர் பெற்றுக்கொண்டார்.
மாநாட்டு உரையில் தொல். திருமாவளவன், ‘இந்து மதம் தீண்டத்தகாதோர் என்று எங்களை தள்ளி வைக்கிறது; கோயில்களில் வழிபாடு நடத்த அனுமதிக்க மறுக்கிறது; சமூகத்தில் எங்களை புறக்கணிக்கிறது; எங்கள் உரிமைகளை மறுக்கிறது; ஆனால், இஸ்லாம் எங்களை கட்டித் தழுவுகிறது;மசூதிக்குள் எங்களை அனுமதிக்கிறது; ஒன்றாகச் சேர்ந்து வழிபாடு நடத்த ஆர்வமூட்டுகிறது;முஸ்லிமாக பிறந்த ஒவ்வொருக்கும் உள்ள அனைத்து உரிமைகளையும் எங்களுக்கும் வழங்குகிறது;ஆகவே, இஸ்லாம் என்னை ஈர்க்கிறது; ஆனால், இந்து மதம் என்னை ஈர்க்கவில்லை; இஸ்லாம் ஒரு மதம் அல்ல மாறாக அது ஒரு மார்க்கம் - வாழ்க்கைப் பாதை என்று குறிப்பிட்டார்.
மூன்று நாட்கள் நான்கு இடங்களில் தொடராக நடைபெற்ற நிகழ்ச்சிகளில் குவைத்தில் வசித்து வரும் சுமார் 5,000 (ஜயாயிரம்) நபர்கள் வரை கலந்து கொண்டனர். அனைவருக்கும் வெளியீடுகள் அனைத்தும், இரவு உணவுகளும் வழங்கப்பட்டன. குவைத் சிட்டி நிகழ்ச்சியில் கலந்து கொண்ட ஒருவரை குலுக்கல் முறையில் தேர்வு செய்யப்பட்டு தமிழகத்தில் ஒரு வீட்டு மனை இலவசமாக வழங்கப்பட்டது.
-------------------------------------------------------------------------------------------------------
தகவல் தொடர்பு & ஊடகப் பிரிவு,
குவைத் தமிழ் இஸ்லாமியச் சங்கம் (K-Tic),
குவைத்.

துரித சேவை / வாட்ஸ்அப் / வைபர் /  டெலிகிராம் / அலைபேசி: (+965) 97 87 24 82
மின்னஞ்சல்: q8_tic@yahoo.com / ktic1427@gmail.com
இணையதளம்: www.k-tic.com
யாஹூ குழுமம்: http://groups.yahoo.com/group/K-Tic-group
முகநூல் (Facebook) பக்கம் : https://www.facebook.com/q8tic
முகநூல் (Facebook) குழுமம் : https://www.facebook.com/groups/q8tic
நேரலை (Ustream) : http://www.ustream.tv/channel/ktic-live
ஒலி/ஒளிப் பெட்டகம் (Youtube) : www.youtube.com/user/Ktic12





குவைத்தில் இயங்கி வரும் தமிழ் அமைப்பான குவைத் தமிழ் இஸ்லாமிய சங்கம் (கே-டிக்)ஏற்பாடு செய்த 10ம் ஆண்டு ஐம்பெரும் மீலாது விழா நிகழ்ச்சிகள் அச்சங்கத்தின் தலைவர்மவ்லவீ எம்.எஸ். முஹம்மது மீராஷா பாகவீ அவர்களின் தலைமையில் ஜனவரி 1, 2015 அன்று குவைத்தில் உள்ள ஃகைத்தான் தமிழ் பள்ளிவாசலில் தொடங்கியது. வெள்ளிக்கிழமை (02.01.2015) அன்று குவைத் சிட்டி பகுதியில் உள்ள பெரிய பள்ளிவாசலான மஸ்ஜிதுல் கபீர்பெரிய கூடாரத்தில் நடைபெற்றது.  சனிக்கிழமை (03.01.2015) அன்று ஃபஹாஹீல் பகுதியில் உள்ள பள்ளிவாசலில் நிறைவு விழா நடைபெற்றது.  அனைத்து நிகழ்ச்சிகளையும் செயலாளர் மல்வலீ அ.பா. கலீல் அஹ்மது பாகவீ ஒருங்கிணைப்பு செய்தார்.
இந்நிகழ்ச்சிகளில் தமிழ்நாடு மாநில ஜமாஅத்துல் உலமா சபை தலைவர் மவ்லவீ ஏ.இ.எம். அப்துர் ரஹ்மான் மிஸ்பாஹிதமிழக அரபிக்கல்லூரிகள் கூட்மைப்பின் தலைவர் மவ்லவீஓ.எம். அப்துல் காதிர் பாகவீவிடுதலைச் சிறுத்தைகள் கட்சித் தலைவர் தொல். திருமாவளவன் மற்றும் துணைப் பொதுச்செயலாளர் ஆளூர் ஷா நவாஸ் ஆகியோர் சிறப்பு விருந்தினர்களாக கலந்து கொண்டு உரையாற்றினர்.
அவ்விழாவில் குவைத் தமிழ் இஸ்லாமிய சங்கத்தின் சார்பில் அப்துர் ரஹ்மான் மிஸ்பாஹி அவர்களுக்கு ‘நபிமொழிக் களஞ்சியம்’, அப்துல் காதர் பாகவீ அவர்களுக்கு ‘சொற்பொழிவுத் திலகம்’, திருமாவளவன் அவர்களுக்கு ‘நல்லிணக்க நட்சத்திரம்’ மற்றும் ஆளுர் ஷா நவாஸ் அவர்களுக்கு ‘ஆவணப்பட ஆளுநர்’ விருதுகள் வழங்கி சிறப்பிக்கப்பட்டன.
இந்நிகழ்ச்சியில் குவைத் இஸ்லாமிய சங்கத்தின் 10ம் ஆண்டு சிறப்பு மலர்மா மனிதர் முஹம்மது (ஸல்) அவர்களின் வரலாற்று அட்டவணை மற்றும் 2015ம் ஆண்டு வருட நாட்காட்டி ஆகியவை வெளியிடப்பட்டன. ‘வாழ்நாள் சமூக சேவையாளர்’ விருதினை டெல்லி பாஷா (எ) அப்துல் காதர் பெற்றுக்கொண்டார்.
மாநாட்டு உரையில் தொல். திருமாவளவன், ‘இந்து மதம் தீண்டத்தகாதோர் என்று எங்களை தள்ளி வைக்கிறது; கோயில்களில் வழிபாடு நடத்த அனுமதிக்க மறுக்கிறது; சமூகத்தில் எங்களை புறக்கணிக்கிறது; எங்கள் உரிமைகளை மறுக்கிறது; ஆனால், இஸ்லாம் எங்களை கட்டித் தழுவுகிறது;மசூதிக்குள் எங்களை அனுமதிக்கிறது; ஒன்றாகச் சேர்ந்து வழிபாடு நடத்த ஆர்வமூட்டுகிறது;முஸ்லிமாக பிறந்த ஒவ்வொருக்கும் உள்ள அனைத்து உரிமைகளையும் எங்களுக்கும் வழங்குகிறது;ஆகவே, இஸ்லாம் என்னை ஈர்க்கிறது; ஆனால், இந்து மதம் என்னை ஈர்க்கவில்லை; இஸ்லாம் ஒரு மதம் அல்ல மாறாக அது ஒரு மார்க்கம் - வாழ்க்கைப் பாதை என்று குறிப்பிட்டார்.
மூன்று நாட்கள் நான்கு இடங்களில் தொடராக நடைபெற்ற நிகழ்ச்சிகளில் குவைத்தில் வசித்து வரும் சுமார் 5,000 (ஜயாயிரம்) நபர்கள் வரை கலந்து கொண்டனர். அனைவருக்கும் வெளியீடுகள் அனைத்தும், இரவு உணவுகளும் வழங்கப்பட்டன. குவைத் சிட்டி நிகழ்ச்சியில் கலந்து கொண்ட ஒருவரை குலுக்கல் முறையில் தேர்வு செய்யப்பட்டு தமிழகத்தில் ஒரு வீட்டு மனை இலவசமாக வழங்கப்பட்டது.
-------------------------------------------------------------------------------------------------------
தகவல் தொடர்பு & ஊடகப் பிரிவு,
குவைத் தமிழ் இஸ்லாமியச் சங்கம் (K-Tic),
குவைத்.

துரித சேவை / வாட்ஸ்அப் / வைபர் /  டெலிகிராம் / அலைபேசி: (+965) 97 87 24 82
மின்னஞ்சல்: q8_tic@yahoo.com / ktic1427@gmail.com
இணையதளம்: www.k-tic.com
யாஹூ குழுமம்: http://groups.yahoo.com/group/K-Tic-group
முகநூல் (Facebook) பக்கம் : https://www.facebook.com/q8tic
முகநூல் (Facebook) குழுமம் : https://www.facebook.com/groups/q8tic
நேரலை (Ustream) : http://www.ustream.tv/channel/ktic-live
ஒலி/ஒளிப் பெட்டகம் (Youtube) : www.youtube.com/user/Ktic12





மேலும் வாசிக்க>>>> "குவைத்தில் நடைபெற்ற 10ம் ஆண்டு நபிகள் நாயகம் (ஸல்) விழா!"

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234