வேலை உறுதியளிப்பு திட்டத்தில் பயனாளிகளாக சேர விரும்புவோர் இன்று முதல் மீண்டும் விண்ணப்பங்களை அந்தந்த ஊராட்சி அலுவலகத்தில் வழங்கலாம். வேலை உறுதி திட்ட பயனாளிகளுக்கு தினசரி 80 ரூபாய் வரை சம்பளம் வழங்கப்பட்டு வருகிறது.
ஒரு குடும்பத்தில் எத்தனை பேர் பதிவு செய்திருந்தாலும் அத்தனை பேருக்கும் ஆண்டுக்கு நூறு நாள் வேலை வழங்கப்படும்.
இதுவரை நீர் ஆதாரங்களை மேம்படுத்தி தூரெடுக்கும் பணிகள் மட்டுமே இந்த திட்டத்தின் கீழ் நடந்து வந்தது.
தற்போது அடிப்படை வசதிகளை மேம்படுத்துதல்,சுகாதார மேம்பாட்டு பணிகளும் மேற்கொள்ளப்பட உள்ளன.
இப்பணிகளில் ஈடுபடும் போது நூறு ரூபாய் சம்பளம் கிடைக்க வாய்ப்பு உள்ளது.
இதுவரை தேர்தல் நடைமுறை விதிகள் அமலில் இருந்ததால் புதிதாக எந்த விண்ணப்பங்களும் பெறப்படவில்லை.
இன்று முதல் தேர்தல் நடைமுறை விதிகள் விலக்கப்பட்டதை தொடர்ந்து அனைத்து கிராம ஊராட்சிகளிலும் புதிதாக சேர விரும்பும் பயனாளிகளிடம் இருந்து விண்ணப்பங்களை பெற அறிவுறுத்தப்பட்டுள்ளது.
எனவே பயனாளிகள் கிராம ஊராட்சி நிர்வாகத்திடம் தங்களது விண்ணப்பங்களை கொடுக்கலாம்.
விண்ணப்பிக்கும் பயனாளிகளுக்கு உடனுக்குடன் அடையாள அட்டையும் வழங்க அறிவுறுத்தப்பட்டுள்ளது.
.png)
கருத்துகள் இல்லை:
கருத்துரையிடுக