ஜப்பான் நாட்டின் வடகிழக்கு பகுதியில் இன்று கடுமையான நிலநடுக்கம் ஏற்பட்டது. அதை தொடர்ந்து தொடர்ச்சியாக ஏற்பட்ட சுனாமியால் ஜப்பானின் கடற்கரை நகரங்கள் பெரும்பாலானவை உருக்குலைந்தன. ஏராளமான வீடுகளும் வாகனங்களும் சுனாமி வெள்ளத்தில் இடிபாடுகளாக அடித்துச்செல்லப்பட்டு கொண்டுள்ளன. பல லட்சம் கோடி ரூபாய்கள் அளவுக்கு சேதங்கள் ஏற்பட்டிருக்கலாம் என்று அங்கிருந்து வரும் செய்திகள் தெரிவிக்கின்றன.
ஜப்பான் தலைநகர் டோக்கியோவிலிருந்து 400 கி.மீ. தொலைவில் உள்ள ஒனஹாமா மாகாணத்தில் மியாகி என்ற இடத்துக்கு அருகே பசிபிக் கடலில் இந்த நிலநடுக்கம் ஏற்பட்டது. இந்த நிலநடுக்கம் கடலுக்கடியில் 30 கி.மீ ஆழத்தில் உருவானது. இதன் அளவு 8.9 புள்ளியாக ரிக்டரில் பதிவானது. இதனை அதுத்து ஜப்பானின் பெரும்பாலான கடரோலப் பகுதிகளுக்கு சுனாமி எச்சரிக்கை விடுக்கப்பட்டது. மக்கள் பாதுகாப்பான இடங்களுக்கு வேகவேகமாக கொண்டு செல்லப்பட்டுக் கொண்டிருந்த சில மணிநேரங்களில் சுமார் இருபத்தியைந்து அடி உயர பயங்கரமான சுனாமி அலைகள் அலை அலையாக தாக்கத்தொடங்கின.
முன்னதாக ஏற்பட்ட நிலநடுக்கம் காரணமாக சிதைந்து போயின்ருந்த வீடுகளை குப்பைகூலங்கலாக தள்ளிக்கொண்டு கடலில் சேர்த்தன ஆழி பேரலைகள். எண்ணை கிணறுகள், அணுமின் நிலையங்கள், விமான நிலையங்கள் போன்றவை உடனடியாக மூடப்பட்டுள்ளன. முக்கிய நகரில் உள்ள எண்ணை சுத்திகரிப்பு நிலையம் தீப்பிடித்து எரிகின்றது. ஜப்பானின் வட கிழக்கு பகுதி முழுவதும் மின் விநியோகம் அடியோடு துண்டிக்கப்பட்டுள்ளது. தொலை தொடர்பும் முற்றிலும் இயங்கவில்லை. பெரும் உயிர் சேதம் இருக்கும் என்று அஞ்சப்படுகிறது.
மீட்பு பணிகளில் வேகமாக ஈடுபட மக்களை ஜப்பான் பிரதமர் கேட்டுக்கொண்டுள்ளார். மீட்பு பணிகளுக்கென உடனடியாக 900 குழுக்கள் உருவாக்கப்பட்டுள்ளன என்று அவர் தெரிவித்துள்ளார்.
ரஷியா, ஆஸ்திரேலியா, தைவான் உள்ளிட்ட பசிபிக் கடலோர பகுதிகளுக்கு சுனாமி எச்சரிக்கை விடப்பட்டுள்ளன. இந்தோனேசியாவில் ஏற்பட்ட நிலநடுக்கத்தினால் அங்கு மக்கள் சுனாமி பீதியில் உறைந்து போய் உள்ளனர்.
இந்தியாவிற்கு சுனாமி எச்சரிக்கை எதுவும் விடுக்கப்படவில்லை.
.png)
கருத்துகள் இல்லை:
கருத்துரையிடுக