காய்கறிகள் வரத்து அதிகரிப்பால் இந்தவாரச் சந்தையில் விலை வீழ்ச்சி!

 பரங்கிப்பேட்டை: பரங்கிப்பேட்டை மற்றும் அதன் சுற்று வட்டாரத்தில் கூட்டப்படும் வாரச்சந்தை மிகவும் பெரிதும் மட்டுமின்றி பிரபலமானது. பரங்கிப்பேட்டையில் பிரதி வியாழன்களில் கூட்டப்படும் பிரசித்தி பெற்ற வாரச்சந்தைக்கு, பரங்கிப்பேட்டை மற்றும் அதனை சுற்றியுள்ள கிராமப் பகுதிகளிருந்து மட்டுமல்லாமல் முட்லூர், கிள்ளை, புதுச்சத்திரம் போன்ற பகுதிகளிலிருந்தும் பொதுமக்கள் பொருட்களை வாங்கி செல்கின்றனர். காய்கறிகள் மட்டுமின்றி, பழ வகைகள், மளிகை பொருட்கள், பாத்திரங்கள், மண் பாண்டங்கள், செடி வகைகள் மற்றும் இன்ன பிற பொருட்கள் இங்கு கிடைக்கின்றது.

இந்த வாரச்சந்தையில், பெரும்பாலான காய்கறிகள் விலை குறைந்து காணப்பட்டது. தக்காளி மற்றும் வெங்காயம் ஒரு கிலோ ரூ. 10-க்கும் குறைவாகவே விற்கப்பட்டது. மட்டுமின்றி, பெரும்பாலான காய்கறி வகைகள் கிலோ 10 ரூபாய்க்கே விற்கப்பட்டது.

நேற்றைய சந்தையில் பணை நுங்கு, வெள்ளரிப் பழம், மாம்பழங்கள் புதிய வரவாக மட்டுமின்றி குறைந்த விலையிலும் விற்கப்பட்டது.