தேனீக்கள் கொட்டியது...

பரங்கிப்பேட்டை கலிமா நகரில் விஷதேனீக்கள் தாக்கியதில் பொதுமக்கள் பாதிக்கப்பட்டனர். இதனையறிந்த பரங்கிப்பேட்டை தீயனைப்புதுறையினர் விரைந்துவந்து விஷதேனீக்களை அழித்தனர்.

தேனீக்கள் கொட்டியதில் இரண்டுக்கும் மேற்ப்பட்டோர் பாதிக்கப்பட்டு சிகிச்சைக்காக அரசு மருத்துவமனையில் அனுமதிக்கப்பட்டுள்ளனர்.

விஷ வண்டு

கடலூரில்லிருந்து சிதம்பரம் செல்லும் வழியில் உள்ள பெரியகுமட்டி கிராமம் அருகே வயல்வழியில் இருக்கும் பனைமரத்தில் சில இடங்களில் விஷவண்டுக்கள் கூடுக்கட்டி இருந்தன இவை அந்தவழியாக செல்பவர்களுக்கு தொந்தரவுக்கொடுத்து வந்தன இதனைஅறிந்த பரங்கிப்பேட்டை தீயணைப்பு வீரர்கள் விரைந்துச்சென்று விஷ வண்டுக்களை அழித்து பொதுமக்களை வண்டுக்களின் கடியில்யிருந்து காப்பாற்றினர்.

ஜகா வாங்கியது ஜல்...!

கடந்த சில தினங்களுக்கு முன் தொடங்கிய வட கிழக்குப் பருவ மழை புயலாக மாறி ''ஜல்'' என்றபெயரில் ஊர் உலா வந்தது நாம் அறிந்ததே, காலம் கடந்து தொடங்கிய பருவமழையால் தமிழகத்தில் பல்வேறு இடங்களில் மழைபொழிந்தாலும், சில இடங்களில் மழையின் சுவ்டே தெரியவில்லை என்பது குறிப்பிடதக்கது.மழையை எதிர்பார்த்திருந்த விவசாயிகளுக்கு சமீபத்திய மழை மகிழ்சியை கொடுத்தாலும்,வரும்காலங்களில் விவசாயத்திற்க்கு தண்ணிர் தேவை அதிகமாகவே இருக்கும் எனநம்பலாம்.கடந்தகாலத்தில் புயலாக ஊருக்குவந்த ''நிஷா-லைலா''க்களால் பாதிப்பு அதிகமிருந்தாலும், விவசாயத்திற்க்கு தேவையான தண்ணீர் கிடைத்தது ஆனால் இந்தவருடம் தண்ணீரின் தேவை விவசாயிகளுக்கு கண்ணீரைதான் வரவைக்கும்.

பரங்கிப்பேட்டையை பொருத்தவரையில் நேற்று விடாமல் தூறிய மழை 10 மி.மீட்டரோடு தன் பணியை நிறுத்திக்கொண்டு வெயிலுக்கு வெள்ளைக் கொடி காட்டியது. இந்நிலையில் கடலூர் உட்பட 11 மாவட்டங்களின் கல்வி நிறுவனங்களுக்கு மழைக்காரணமாக தமிழகரசு விடுமுறை அறிவித்துள்ளது குறிப்பிடத்தக்கது.