"மண்ணறை வாழ்க்கை" - சொற்பொழிவு

தமிழ்நாடு தவ்ஹீத் ஜமாஅத் சார்பில் பெண்கள் பயான் நேற்றிரவு காஜியார் தெருவில் நடைப்பெற்றது. கூட்டத்தில் TNTJ  மாவட்ட பேச்சாளர் ஷாபி மன்பஈ "மண்ணறை வாழ்க்கை" என்ற தலைப்பில் உரையாற்றினார். இதில் ஏராளமான பெண்கள் கலந்து கொண்டனர். 

படம்: TNTJ

பரங்கிப்பேட்டை நல்வாழ்வு சங்க (கிழக்கு மாகாண ) கூட்டம்

பரங்கிப்பேட்டை நல்வாழ்வு சங்க (கிழக்கு மாகாண ) கூட்டம் தம்மாம் நகரில் மூத்த நிர்வாகி கவுஸ் மாலிமார் இருப்பிடத்தில் நேற்று நடைப்பெற்றது. கூட்டத்திற்கு தலைவர் வஜ்ஹுதின் தலைமை தாங்கினார். உப தலைவர் கலீமுல்லாஹ் முன்னிலையில் நடைப்பெற்ற இக்கூட்டத்தில் அமைப்பின் செயல்பாடுகள், மற்றும் உறுப்பினர்களின் பங்களிப்பு குறித்து கூட்டத்தில் விவாதிக்கப்பட்டது.

படம் : நௌஷாத் அலி

உஷ்..மலைபாம்பு

மலைப்பாம்பு உட்பட 4 பாம்புகளை தோள் பைக்குள் மறைத்து விமானத்தில் கொண்டு வந்தவரை தரையிறங்கியதும் அபுதாபி விமான நிலைய அதிகாரிகள் கைது செய்தனர். இதை அறிந்து, விமானத்தில் பயணித்த பயணிகள் அச்சத்தில் உறைந்தனர்.

இந்தோனேசியா & ஐக்கிய அரேபு எமிரேட்டுக்கு இடையே சென்ற இத்திஹாத் விமானத்தில் பாம்புகளை ஒருவர் கடத்திச் சென்றுள்ளார். அபுதாபி விமான நிலைய அதிகாரிகள் அவர் வைத்திருந்த தோள் பையை சோதனை செய்ததில். அதில் மலைப்பாம்பு உட்பட 4 பாம்புகள் இருந்தன. மேலும் அவர் வைத்திருந்த பெட்டியில் 2 கிளிகள் மற்றும் 1 அணில் இருந்ததும் கண்டுபிடிக்கப்பட்டது.

விமானத்தில் அவற்றில் ஏதாவது வெளியேறி இருந்தால் என்ன ஆகியிருக்கும் என்று உடன் பயணித்த பயணிகள் அதிர்ச்சியில் உறைந்தனர். எப்படி இதை பரிசோதிக்காமல் விமானத்தில் ஏற அனுமதித்தனர் என்று வியப்பு தெரிவித்தனர்.