ரயில்வே பாதையில் நடந்து சென்ற ஏழை வியாபாரி ரயில் மோதி பலி!

பரங்கிப்பேட்டை:  பரங்கிப்பேட்டை கடலூர் ரயில்வே பாதையில்  புதுசத்திரம் அருகே இன்று காலை பரங்கிப்பேட்டை  சார்ந்த ஒருவர் ரயில்வே பாதையில் நடந்து சென்றபோது வேகமாக கடந்து சென்ற ரயிலில் அடிப்பட்டு மிகவும் மோசமான விபத்தில் சிக்கி உயிரிழந்தார்.

 

இவர் பரங்கிப்பேட்டை பெரிய ஆசரக்கான தெருவை சேர்ந்த நன்னாபாய் உடைய மகன் ஷேக் மதார் (55) என்றும் இவர்  ஒமதண்ணீர் விற்பபனை செய்பவர் என்றும்தெரிய வந்தது. இவரது சிதைந்த உடல் மற்றும் பாகங்களை தண்டவாளத்திலிருந்து  பரங்கிப்பேட்டை இளைஞர்கள் அப்புறப்படுத்தினர். பின்னர் இவரது உடல் பிரேத பரிசோதனைக்காக கடலூர் அரசு மருத்துவமனைக்கு எடுத்து செல்லப்பட்டது.

 

படம்: முத்துராஜா

மரத்துக்குள் மரம்

பரங்கிப்பேட்டை: பரங்கிப்பேட்டை - முட்லூர் சாலையில் ஒரு அரச மரமும் பனை மரமும் ஒன்றோடு ஒன்று பின்னிப் பிணைந்து ஒரே மரமாய் காட்சியளிக்கிறது.

தெளலத்துன்னிஸா மகளிர் அரபிக்கல்லூரியில் மாணவியர் சேர்க்கை தொடங்கியது!

பரங்கிப்பேட்டை: பரங்கிப்பேட்டை அண்ணா நகரில் கடந்த 9 ஆண்டுகளாக இயங்கி வரும், அல்ஹாஸ் அறக்கட்டளையின் ஆதரவுடன் நடத்தப்பட்டு வரும், தெளலத்துன்னிஸா மகளிர் அரபிக்கல்லூரியில் முபல்லிகா பட்டத்திற்கான மாணவிகள் சேர்க்கை  நடைபெற்று வருகின்றதாகவும், 10-ம் வகுப்பு, 12-ம் வகுப்பு, மற்றும் பட்டப்படிப்பு படித்த மாணவிகள்  மார்க்க கல்வி பயில வேன் வசதி செய்யப்பட்டிருப்பதாகவும். அல்ஹாஸ் அறக்கட்டளை வெளியிட்டுள்ள செய்திக்குறிப்பு தெரிவிக்கிறது.

மேலும் இக்கல்லூரியில் பரங்கிப்பேட்டையை சேர்ந்த 48 மாணவிகளும், விடுதியில் தங்கி படித்த 41 வெளியூர் மாணவிகளும் முபல்லிகா பட்டம் பெற்றிருப்பதாகவும்  ஜமாஅத்துல் உலமா பேரவை சார்பாக நடைபெற இருக்கும், கோடைக்கால தீனியாத் பயிற்சி, இவ்வாண்டு தெளலத்துன்னிசா கல்லூரியில் நடைபெற இருப்பதாகவும், இதற்காக முன்பதிவு செய்து கொள்ளுமாறும், வேன் வசதி ஏற்பாடு செய்யப்பட்டிருப்பதாகவும் அச்செய்திக்குறிப்பு தெரிவிக்கிறது