நாங்கள் வேண்டுமென்று புறக்கனிக்கவில்லை

இம்மாதம் நடைபெறவுள்ள பரங்கிப்பேட்டை இஸ்லாமிய ஐக்கிய ஜமஅத்தின் தலைவர் பதவிக்கான தேர்தலில் வெளிநாட்டுவாழ் பரங்கிப்பேட்டையர்களுக்கு ஓட்டு போடும் உரிமையை மறுத்துவிட்ட தேர்தல் குழு, இது இந்திய அரசியல் அமைப்புச் சட்டத்திற்கு எதிரானது என்கிற காரணத்தையும் சொல்லியிருக்கிறது. ஆனால் இது வெளிநாட்டவர்களிடையே அதிருப்தியை ஏற்படுத்தியுள்ளது.

இந்த ஆன்லைன் ஓட்டு (எப்படி) பொருந்தி வராது என்கிற காரணத்தை மறுபரிசீலனை செய்ய வேண்டும் என்கிற கருத்துக்கள் அதிகமாக NRI களிடையே எழுந்த நிலையில், தேர்தல் அதிகாரிகளில் ஒருவரான I. இஸ்மாயில் மரைக்காயரை தொடர்பு கொண்டு கேட்டோம்.

"NRIகளை வேண்டுமென்று நாங்கள் புறக்கனிக்கவில்லை. இதில் சில சிக்கல்கள் இருந்து வருகிறது. குறிப்பிட்டு சொன்னால், இத்தேர்தலில் 4-5 ஓட்டு வித்தியாசத்தில் ஒரு வேட்பாளர் வெற்றி பெற நேரிடுமேயானால், அதை எதிர்த்து யாராவது நீதிமன்றத்தை நாடினால், அது பல வகையில் சிக்கல்களை ஏற்படுத்தும். பிறகு இத்தேர்தல் நடந்தேறியதற்கான அவசியம் இல்லாமல் போய்விடும். எனவே இந்த ஆன்லைன் ஓட்டு முறையை இத்தேர்தல் குழு இதற்கு பொருந்தி வராது என்கிற முடிவை எடுத்துள்ளது" என்று கூறினார்.