பரங்கிப்பேட்டை அருகே கடலில் மீனவர்கள் வலையில் சிக்கிய மூன்று டன் எடையுள்ள "கோமரா சுறா' மீனை கயிறு கட்டி 4 மணிநேரம் போராடி கரைக்கு இழுத்து வந்தனர். கடலூர் துறைமுகத்தைச் சேர்ந்த மீனவர்கள் நேற்று அதிகாலை சூறை மீனுக்காக பரங்கிப்பேட்டை அருகே கடலில் சுறுக்கு வலை விரித்தனர். சிறிது நேரத்திலேயே அவர்கள் எதிர்பாராத வகையில் பெரிய சுறா மீன் சிக்கியது. "லாஞ்ச்' மூலம் 4 மணி நேரம் போராடி கரைக்கு இழுத்து வந்தனர். கரையில் ஒரு மணி நேரத்திற்கும் மேலாக உயிரோடு இருந்தது. மூன்று டன் எடை கொண்ட சுறா மீன் சிக்கியதை அறிந்த அப்பகுதி மக்கள் கூட்டம் கூட்டமாக வந்து பார்த்தனர்.இதுகுறித்து, மீனவர் ஏழுமலை கூறுகையில், "இன்று காலை 60 பேர் சூறை மீன் பிடிக்க சென்றோம். பரங்கிப்பேட்டை லைட் அவுஸ் வடக்கு புறம் சுறுக்கு வலை விரித்தோம். அப்போது, 17 அடி நீளமும் 6 அடி அகலமும் மூன்று டன் எடையும் கொண்ட "கோமரா சுறா' வகை மீன் சிக்கியது. மிகவும் போராடி கயிறு கட்டி 4 மணி நேரமாக கடலில் இழுத்து வந்தோம். இதனால், வலை சிறிது சேதமானது. சாதா வலையை அறுத்து தப்பிச் சென்று விடும். சுறுக்கு வலை என்பதால் தப்பிக்க முடியாமல் சிக்கியது. இந்த வகை மீன் கருவாடு அல்லது கோழித் தீவனத்திற்கு தான் பயன்படும். இதை 6,000 ரூபாய்க்கு ஏலம் எடுத்துள்ளனர்' என்றார்.
Source: Dinamalar
.png)
sharks are endangered species hope you have released it back to the sea
பதிலளிநீக்கு