பரங்கிப்பேட்டை / முடசல் ஓடை வரை பஸ் இயக்க பொதுமக்கள் சார்பில் கோரிக்கை

சிதம்பரத்தில் இருந்து நக்கரவந்தன்குடி, கோழிப்பள்ளம் வழியாக பரங்கிப்பேட்டை / முடசல் ஓடை வரை அரசு பஸ் இயக்க பொதுமக்கள் கோரிக்கை விடுத்துள்ளனர்.

இது குறித்து முடசல் ஓடை பகுதி பொதுமக்கள் கலெக்டருக்கு அனுப்பியுள்ள கோரிக்கை மனு:

சிதம்பரத்தில் இருந்து நக்கரவந்தன்குடி, கோழிப்பள்ளம், உத்தம சோழமங்கலம், ராதா விளாகம் வழியாக கிள்ளை பிச்சாவரம் வரை கடந்த எம்.ஜி.ஆர்., ஆட்சியில் அரசு பஸ் இயக்கப்பட்டது.

சுற்றுப்பகுதியைச் சேர்ந்த 20க்கும் மேற்பட்ட கிராம மக்கள், பள்ளி மாணவர்கள் பயனடைந்தனர்.

சாலை சரியில்லாததால் கடந்த சில ஆண்டுகளாக ராதாவிளாகத்துடன் அரசு பஸ் சிதம்பரத்திற்கு திரும்பி விடுகிறது.

இதனால் உத்தமசோழமங்கலம், ராதாவிளாகம் உள்ளிட்ட கிராமங்களை சேர்ந்த 50க்கும் மேற்பட்ட மாணவ, மாணவிகள் கிள்ளை அரசு உயர்நிலைப் பள்ளிக்கு வந்து செல்வதற்கு சிரமப்பட்டு வருகின்றனர்.

அப்பகுதி மக்கள் முக்கிய அலுவலகங்களுக்கு பரங்கிப்பேட்டைக்கு செல்வதற்கு 20 கி.மீ., தூரம் சுற்றி செல்லும் நிலை ஏற்பட்டுள்ளது.

எனவே கடந்த சில காலமாக பிச்சாவரத்திற்கு இயக்கிய அரசு பஸ்சை முடசல் ஓடை வரை இயக்க வேண்டும்.

Source: தினமலர்