பரங்கிப்பேட்டை சந்தை..!

"அப்படியே பத்து ரூபா, எட்டு ரூபா, ஏழு ரூபா, ஏழு ரூபா, ஏழு ரூபா" என உரத்து ஒலிக்கும் வாழைப்பழ ஏல வியாபாரியின் குரல் காதில் ஒலிக்க கடந்து சென்றோம் உள் பகுதியினை நோக்கி, வழக்கத்தினை விட சற்று கூடுதலான மக்களுடன் நமதூர் வாரச் சந்தை பரபரப்பாக இயங்கி கொண்டிருந்தது. விற்பனைக்கு கொண்டு வரப்பட்ட  பொருட்கள் இங்கே படங்

களாக  வெளிநாடு வாசகர்களுக்காக...!

தக்க வைத்துக் கொள்ளுங்கள் : H.M ஹனிபா

பரங்கிப்பேட்டை: மாவீரர் சுல்தான் சலாஹுத்தீன் அய்யூபி நினைவு கால்ப்பந்தாட்ட போட்டிகளை பரங்கிப்பேட்டை நகரில் முதன் நடத்தி அதில் வெற்றியும் கண்டுள்ளனர் அதனை ஏற்பாடு செய்தவர்கள். . பரங்கிப்பேட்டை இளைஞர்களின் விளையாட்டு ஆர்வத்தை ஊக்கப்படுத்தம் வகையிலும் இளம் கால்ப்பந்து விளையாட்டாளர்களின் கால்ப்பந்து திறனை அறிந்துக் கொள்ளும் வகையிலும் இப்போட்டிகள் ஒரு நல்ல முன்மாதிரியை ஏற்படுத்தியுள்ளது.

பரங்கிப்பேட்டை அணி நான்காவது இடத்தை பெற்றாலும் பரங்கிப்பேட்டை அணிக்கு இது முதல் அனுபவம் என்பதால் அனுபவமிக்க அணிகளுடன் ஈடுக்கொடுத்து திறமையாக விளையாடி அனைவரது பாராட்டுக்களையும் பெற்றுள்ளது.. பரங்கிப்பேட்டையின் இந்த  இளம் வீரர்களுக்கு விளையாட்டு பயிற்ச்சி மற்றும் உடற்ப்பயிற்ச்சியை முறையாக வழங்கினால் அவர்கள் மாநில அளவில் விளையாட தகுதிப்பெறுவார்கள் என்கிற ஒத்த கருத்து எழுந்துள்ளது.

கால்பந்து விளையாட்டு என்பதற்கு மட்டும் இல்லாமல் கிரிக்கெட் போன்ற விளையாட்டுகளுக்கும் பரங்கிப்பேட்டை இளைஞர்கள் அதிகம் பயன்படுத்துவது வாத்தியர்ப்பள்ளி திடலைத்தான். இதை பரிசு வழங்கும் நிகழ்ச்சிக்கு சிறப்பு அழைப்பாளாராக வந்திருந்த H.M ஹனிபா இதன் முக்கியத்துவத்தை உணர்த்தும் வகையில்  "தக்க வைத்துக் கொள்ளுங்கள்" என்று ஒரு வரியில் கூறினார். அந்த வகையில், அனைத்து விளையாட்டிற்க்கும் உகந்த திடலாக இருக்கும் இத்திடலை குறைந்த பட்சம் கம்பி வேளிகலாவது அமைத்து பாதுகாக்கவில்லையெனில் ஆக்கிரமிப்புகளை தவிர்க்க இயலாது என்கிற கோரிக்கைகள் வலுத்து வருகின்றது.

பரங்கிப்பேட்டைக்கு பெயர் தேடித்தந்த பூப்பந்தாட்டம், டென்னிஸ் விளையாட்டு வரிசையில் இன்று கால்பந்து விளையாட்டு மிக நன்றாகவே கால் பதித்துள்ளது.

வெள்ளாற்றில் மீன்பிடிக்க சென்ற பரங்கிப்பேட்டை மீனவர் மாயம்!

பரங்கிப்பேட்டை : வெள்ளாற்றில் மீன் பிடிக்க சென்ற தனது மகனை காணவில்லை என தந்தை பரங்கிப்பேட்டை காவல் நிலையத்தில் புகார் செய்துள்ளார். பரங்கிப்பேட்டை ஆரியநாட்டு கிழக்குத் தெருவை சேர்ந்தவர் விஜயன், 26; இவர் கடந்த 7ம் தேதி படகில் பரங்கிப்பேட்டை வெள்ளாற்றில் மீன் பிடிக்க சென்றார். மீன் பிடிக்க சென்றவர் இதுவரை வீட்டிற்கு திரும்பிவரவில்லை. நேற்று முன்தினம் அவர் எடுத்துச்சென்ற படகு மட்டும் அன்னங்கோயில் அருகே கரை ஒதுங்கியுள்ளது.
இந்நிலையில், இதுகுறித்து விஜயனின் தந்தை சுப்ராயன் கொடுத்த புகாரின்பேரில் பரங்கிப்பேட்டை காவல் துறையினர் வழக்கு பதிந்து, விஜயன் மீன் பிடிக்கும்போது எதிர்பாரதவிதமாக வெள்ளாற்றில் மூழ்கி இறந்தாரா அல்லது முன்விரோதம் காரணமாக யாராவது அவரை கடத்தி சென்றார்களா என்பது குறித்து விசாரித்து வருகின்றனர்.