கோடைக்கால தீனியாத் போட்டிகள்

பரங்கிப்பேட்டை நகர ஜமாத்துல் உலமா பேரவை ஏற்பாடு செய்து சிறப்பாக நடத்திய ஐந்தாம் ஆண்டு கோடைக்கால தீனியாத் போட்டிகள் மற்றும் நிறைவு விழா கவுஸ் பள்ளி வளாகத்தில் இன்று மதியம் மூன்று மணி முதல் இஷா தொழுகை வரை சிறப்பாக நடைபெற்று முடிந்தது.
பல வயது பிள்ளைகளை வகுப்பு வாரியாக பிரித்து அவர்தம் திறமைகளை சிறப்பாக செம்மை படுத்தி அவர்களை மேடையில் சிறப்பாக வெளிப்படுத்த தயார்படுத்துவது எனும் மாபெரும் பணியை இத்தனை சிறப்பாக செம்மையாக புரிந்திருக்கும் ஜமாத்துல் உலமா பேரவையினருக்கு அல்லாஹ் அருள் புரிவானாக.

ஏராளமான பிள்ளைகளும் தாய்மார்களும் பெரியவர்களுமாக கலந்து கொண்டனர். மண்டபம் போன்ற அடைந்த இடத்தில் அல்லாமல் திறந்த வெளியில் நிகழ்ச்சியை ஏற்பாடு செய்து இருந்தது சிறப்பு.

மேடை மிக எளிமையான முறையில் இருந்தது ஆனால் அதில் அமர்ந்து இருந்தவர்களும் சரி அதில் ஏறி கிராத் ஒதினவர்களும், பாங்கு சொன்னவர்களும், பேசி அசத்திய வருங்கால ஆலிம்களும் தங்களது வெளிப்பாடுகளால் மிகவும் நம்பிக்கை ஊட்டினார்கள்.
இதற்க்கு முன் நடைபெற்ற போட்டிகளிலும் மேடையிலும் பல சிறப்புகள் இருந்தன.

ஒரு வாண்டு, இரண்டு செண்டி மீட்டர் உயரத்தில் கைலி சட்டை போட்டு தொப்பி கொண்டு அட்சர சுத்தமாக தஜ்வீதுடன் இறை வார்த்தைகளை ராகமாக இசைத்ததை காணும் எந்த உள்ளமும் உருகாமல் இருக்க முடியாது.

சிறுவர்கள் முழங்கிய பாங்கொலியும், சிறுமிகள் சிந்திய மழலை பேச்சுக்களும் அனைவரின் மனதையும் உணர்வால் அசைத்துப்பார்த்தன.

ஆறாம் வகுப்பு (தான் படிப்பார்கள் என்று நினைக்கிறேன்) ரஜினா பேகம் மற்றும் உம்முள் ஹபீபா நபி (ஸல்) அவர்களின் கண்ணியத்தையும் மாண்பையும் பற்றி தெள்ளத்தெளிவாக பாடமெடுத்ததை கேட்க்கும் போது நாளைய இஸ்லாமிய சமுதாயத்தினை பற்றி நம்பிக்கை துளிர்த்தது.

எந்த ஒரு சமகால பேச்சாளர்களுக்கும் சளைத்தவனில்லை நான் என்பது போல் முழங்கிய பாரிஸ் அஹமது எனும் நல்முத்தை பேச்சு முடிந்தவுடன் நாம் நம்மோடு அணைத்து வாழ்த்து சொல்ல நேர்ந்தது. இந்திய விடுதலையில் முஸ்லிம்களின் பங்கு என்ற தலைப்பில் அவர் பேசிய மேடை பேச்சில் அத்தனை தெளிவு, தீர்க்கம் முக பாவனை மாறுதல்கள், கையசைவுகள் அத்தனையும் பிரமாதம். கவனிக்கப்பட வேண்டிய ஓர் வருங்கால பேச்சாளர் பாரிஸ் அஹமது.

முத்தாய்ப்பாக அமைந்தது ஹவுஸ் பள்ளி தெருவை சேர்ந்த ஜக்கரியா நானா அவர்களின் உரை. இத்தனை காலம் இவர்களை யார் எங்கே ஒளித்து வைத்தார்கள் என்று ஏங்க வைக்கும் உரை. கம்பீரமான வார்த்தைகளால் கல்விக்கு இஸ்லாம், நபி (ஸல்), தந்திருக்கும் முக்கியத்துவத்தை பற்றியும் முஸ்லிம்கள் கல்வியை ஆண்ட வரையில் எப்படி இருந்தார்கள் என்றும் வரலாற்று குறிப்புக்களையும் நவீன மாற்றங்களையும் அழகிய கலவையாக கலந்து அவர் தந்த அந்த பேருரை அவர்தம் ஞானத்தின் பரிமாணங்களை வெளிக்கொண்டு காட்டியது. இது போன்ற தெளிவான உரையை பரங்கிப்பேட்டையில் கேட்டு ரொம்ப நாட்க்களாகி விட்டன. ஜக்கிரியா நானா அவர்களை இந்த சமுதாயம் சரியாக பயன் படுத்திக்கொள்ளவில்லை எனும் ஆதங்கம் தோன்றியது.
கடைசியாக பரிசுகள் வழங்கப்பட்டன. அல்ஹம்துலில்லாஹ்.
கற்றவர்கள் கற்றவர்கள் தான் என்பதை பரங்கிப்பேட்டை நகர ஜமாத்துல் உலமா பேரவை இந்த அற்புத நிகழ்ச்சியின் மூலம் மீண்டும் நிரூபித்து உள்ளது. வாழ்த்துக்கள்.

இலங்கையில் விடுதலைப்புலிகள் சுற்றி வளைப்பு கடலூரில் தீவிர கண்காணிப்பு!

இலங்கையில் ராணுவத்துக்கும் விடுதலைப்புலிகளுக்கும் இடையே போர் உச்சகட்டத்தை அடைந்துள்ளது.

விடுதலைப்புலிகளின் முக்கிய தலைவர் இந்தப்போரில் கொல்லப்பட்டுள்ளனர்.

போர் தீவிரமடைந்துள்ளதால் கடல் வழியாக விடுதலைப்புலிகள் தமிழகத்துக்கு ஊடுருவும் வாய்ப்பு உள்ளது.

எனவே கடலோர பகுதிகளில் தீவிர கண்காணிப்பில் கடலோர காவல்படையினரும், கியூ பிராஞ்ச் போலீசாரும் ஈடுபட்டுள்ளனர்.

கடலூர் மாவட்டத்திலும், கடலோர பகுதிகள் தீவிரமாக கண்காணிக்கப்பட்டு வருகிறது.

கடற்கரை கிராமங்களையும் கண்காணித்து வருகிறார்கள்.

கடலூர் மாவட்டத்தில் குள்ளஞ்சாவடி, குறிஞ்சிப்பாடி, பரங்கிப்பேட்டை உள்ளிட்ட இடங்களில் இலங்கை அகதிகள் முகாம் உள்ளது.

அங்கு போலீசார் தீவிர சோதனை நடத்தினர்.

சோதனை சாவடிகளிலும் பாதுகாப்பு பலப்படுத்தப்பட்டுள்ளது.

வெளிநாடுகளில் உயர் கல்வி படிக்க வாய்ப்பு

வெளிநாடுகளில் கல்வி பயில்வது அதிகரித்துள்ள நிலையில், ஆஸ்திரேலியா, ஜப்பான், ஜெர்மனி ஆகிய நாடுகளில் உள்ள கல்வி நிறுவனங்களை இந்தியர்கள் அதிகமாக நாடுகின்றனர்.

அத்தகைய நாடுகளின் கல்வி வசதி குறித்து சிறிய குறிப்புகள்...

ஆஸ்திரேலியா:

பல்வேறு நாடுகளைச் சேர்ந்தவர்கள் உயர்கல்வி பெறுவதற்கு ஆஸ்திரேலியா செல்கின்றனர்.

2003-ம் ஆண்டில் 3 லட்சத்துக்கு மேற்பட்ட வெளிநாட்டு மாணவர்கள் ஆஸ்திரேலியப் பல்கலைக்கழகங்களில் மேற்படிப்புக்காக சேர்ந்தனர்.

அதே ஆண்டில் 14,400 இந்திய மாணவர்கள் சேர்ந்தனர்.

அவர்களில் 2,000 பேர் என்ஜினீயரிங் படிப்பில் சேர்ந்தனர்.

கம்ப்யூட்டர் என்ஜினீயரிங், டெலிகம்யூனிகேஷன் என்ஜினீயரிங் ஆகியவற்றில் அதிக மாணவர்கள் சேருகின்றனர்.

என்ஜினீயரிங் படிப்பில் பல்வேறு துறைகளில் ஆஸ்திரேலியப் பல்கலைக்கழகங்கள் கல்வி அளிக்கின்றன.

www.studyinaustralia.gov.au. என்ற இணைய முகவரியில் இப்படிப்புகள் குறித்த விவரங்களை அறியலாம்.

ஆஸ்திரேலியாவில் மேற்படிப்புக்குச் செல்லும் இந்திய மாணவர்களுக்கு வங்கிகள் கடன் உதவி அளிக்கின்றன.

மேலும் விவரங்கள் கிடைக்குமிடம்:
Australian Education International,
Australian High Commission,
1/50-G, Shantipath, Chanakayapuri,
New Delhi-110021. Tel. 011 26888223 ext 172.
E-mail: anu.jain@dfat.gov.au

ஜெர்மனி:

ஜெர்மனி பல்கலைக்கழகங்களில் படித்த என்ஜினியர்களுக்கு எல்லா நாடுகளிலும் நல்ல வரவேற்பு உள்ளது.

சர்வதேசத் தரத்திலான பல்கலைக்கழகங்கள் ஜெர்மனியில் உள்ளன.

படிப்பு மற்றும் ஆராய்ச்சிக்காக பல நாடுகளைச் சேர்ந்த மாணவர்கள் ஜெர்மனிக்குச் செல்கின்றனர்.

அங்கு ஆங்கிலத்திலேயே கல்வி அளிக்கப்படுகிறது.

ஜெர்மனி மொழியையும் ஓரளவு கற்றுக் கொண்டால் ஜெர்மனி மக்களிடம் பழக வசதியாக இருக்கும்.

ஏப்ரல் மற்றும் அக்டோபரில் வெளிநாட்டு மாணவர்கள் ஜெர்மனியில் சேர்க்கப்படுகின்றனர்.

பெரும்பாலான வகுப்புகள் அக்டோபரிலேயே தொடங்குகின்றன.

பள்ளியில் 13 ஆண்டுகள் படித்தவர்களே ஜெர்மனி பல்கலைக்கழகத்தில் சேர முடியும்.

எனவே இந்தியாவில் 10 வது மற்றும் பிளஸ் டூ படித்த மாணவர்கள், ஜெர்மனியில் மேலும் ஓராண்டு 'பிரிட்ஜிங் கோர்ஸ்' படித்த பிறகே அங்குள்ள பல்கலைக்கழகத்தில் சேர முடியும்.

ஜெர்மனியில் பெரும்பாலான பல்கலைக்கழகங்கள் கல்விக் கட்டணம் வசூலிப்பதில்லை.

மாணவர்கள் ஸ்காலர்ஷிப் மூலமாகவே படிக்கிறார்கள்.

எனவே மாணவர்கள் தங்குமிடம், உணவு, மருத்துவ இன்சூரன்ஸ், போக்குவரத்து ஆகியவற்றுக்கு மட்டும் செலவு செய்ய வேண்டும்.

அங்கு வாழ்வதற்கு ஒரு மாதத்துக்கு ரூ.35,000 தேவைப்படும்.

கீழ்க்காணும் முகவரியில் மேலும் தகவல் பெறலாம்:
Max Muller Bhavan,
13, Khader Nawaz Khan Road, Chennai-600006.
phone- 91-44-2 833 1442/50 Fax 91-44-28331450.
E-Mail: daadch@vsnl.in - Internet: www.daad.de/ibz/chennai.

ஜப்பான்:

ஜப்பானில் மருத்துவம் மற்றும் பல் மருத்துவப் படிப்புகள் வழங்கப்படுகின்றன. 6 ஆண்டுகள் படிக்க வேண்டும்.

என்ஜினியரிங் படிப்புகள் 5 ஆண்டுகள் படிக்க வேண்டும்.

இப்படிப்புகளுக்கு ஜப்பான் அரசின் ஸ்காலர்ஷிப்பும், சில தனியார் நிறுவனங்களின் ஸ்காலர்ஷிப்பும் வழங்கப்படுகிறது.

சென்னையில் உள்ள ஜப்பான் கான்சுலேட் ஜெனரல் அலுவலகத்தில் மேலும் விவரங்களைப் பெறலாம்.

முகவரி:
12/1 Cenatoph Road, 1st Street, Teynampet,
Chennai - 600018. India. Tel. 044-24323860.
Fax- 044-24323859, Email-cgjpchen@eth.net

ரஷியா:

ரஷியாவில் மாஸ்கோ, செயின்ட் பீட்டர்ஸ்பர்க், வோல்கோகிராட் உள்பட சில பல்கலைக்கழகங்களில் மருத்துவம் மற்றும் பொறியியல் படிக்க வாய்ப்புள்ளது.

இங்கு படிக்கும் மாணவர்கள் பல நாடுகளிலும் மதிக்கப்படுகின்றனர்.

ஹையர் செகன்டரி படிப்பில் 40 சதவீத மதிப்பெண் எடுத்தவர்கள் பி.இ. படிப்பில் சேரலாம்.

இது 4 ஆண்டு படிப்பாகும். அதற்கு முன்பாக ஓராண்டுக்கு ரஷிய மொழியைப் படிக்க வேண்டும்.

படிப்பு மற்றும் இடத்துக்கு ஏற்ப கல்விக் கட்டணம் மாறுபடும். ரஷிய மொழியில் படித்தால் கட்டணம் குறைவு.

ஆங்கிலத்தில் படித்தால் கட்டணம் அதிகம்.

சென்னையில் உள்ள ரஷியக் கலாசார மையத்தில் மேலும் விவரங்களை அறியலாம்.

முகவரி:
74, கஸ்தூரி ரங்கன் சாலை, ஆழ்வார்பேட்டை,
சென்னை-600 018,
போன்: 044-24986860/ 8215, 52177188.
பேக்ஸ்: 044-24986860.
email: info@studyabroadedu.com

சிங்கப்பூர்:

வசதியான பெருநகரச் சூழலில் உயர்படிப்பு படிக்க ஏற்ற இடம் சிங்கப்பூர்.

பல்வேறு நாடுகளைச் சேர்ந்த ஆயிரக்கணக்கான மாணவர்கள் அங்கு படிக்கிறார்கள்.

அங்கு மூன்று பல்கலைக்கழகங்கள் உள்ளன.

இங்கிலாந்தைச் சேர்ந்த நியூ செளத் வேல்ஸ் பல்கலைக்கழகம், சிங்கப்பூரில் 2007-ம் ஆண்டில் சிங்கப்பூரில் தனது கிளையைத் தொடங்கவுள்ளது.

சர்வதேச அளவில் புகழ்பெற்ற பல்கலைக்கழகங்கள், சிங்கப்பூரில் உள்ள பல்கலைக்கழகங்களோடு கூட்டு ஒப்பந்தங்களை வைத்துள்ளன.

சுற்றுலா படிப்பில் சேர விரும்புவோருக்காக சென்டோசா தீவில் புதிய கல்லூரி இந்த ஆண்டு தொடங்கப்படுகிறது.

www.singaporeedu.gov.sg. என்ற இணைய தள முகவரியில் விவரங்களைக் காணலாம்.