மு.க.ஸ்டாலின் பிறந்த நாள்: பரங்கிப்பேட்டை தி.மு.க-வினர் கொண்டாட்டம்!

பரங்கிப்பேட்டை: தமிழக முன்னாள் துணை முதல்வரும், தி.மு.கழக மாநிலப் பொருளாளருமான மு.க.ஸ்டாலின் 60-வது பிறந்த நாள் மாநிலமெங்கும் இன்று தி.மு.க-வினரால் கொண்டாடப்பட்டு வருகின்றது.

பரங்கிப்பேட்டை அரசு மருத்துவமனையில் அனுமதிக்கப்பட்டுள்ள நோயாளிகளுக்கு, நகர செயலாளர் ஜெ.பாண்டியன் தலைமையில், பரங்கிப்பேட்டை பேரூராட்சி மன்ற தலைவர் எம்.எஸ்.முஹம்மது யூனுஸ், கடலூர் மாவட்ட தி.மு.க பிரதிநிதி ஏ.ஆர்.முனவர் உசேன், நகர இளைஞரணி அமைப்பாளர் எம்.கே.பைசல் யூசுப் அலி ஆகியோர் முன்னிலையில் பால் பழம், ரொட்டி ஆகியவை வழங்கப்பட்டது.

பரங்கிப்பேட்டை வழக்குரைஞர் அணி சார்பாக நீதிமன்ற வளாகத்தில் இருந்த பொதுமக்களுக்கு இனிப்பு வழங்கப்பட்டது. வழக்கறிஞர்கள் சக்திவேல், ஜெயபால், தியாகராஜன் இதற்கான ஏற்பாடுகளை செய்திருந்தனர்

தெத்துக்கடை பகுதியில் சாதாத்கான், தி.மு.க. கொடியேற்றி வைத்தார். இந்நிகழ்ச்சிகளில், நகர அவைத்தலைவர் தங்கவேல் பேரூராட்சி மன்ற துணைத்தலைவர் நடராஜன், ஒன்றிய பிரதிநிதி கோமு நகர தி.மு.க.நிர்வாகி வேலவன், பேரூராட்சி மன்ற உறுப்பினர்கள் எம்.ஜி.எம்.காஜா கமால், யூ.ஹபீப் ரஹ்மான், பொற்செல்வி, முன்னாள் பேரூராட்சி மன்ற துணைத்தலைவர் செழியன், ஜாபர் அலி, நாசர் பக்ருதீன், சரவணன், ஆறுமுகம் செட்டியார் உள்ளிட்ட தி.மு.க.வினர் கலந்துக்கொண்டனர்

இடஒதுக்கீடு கொடுக்காவிட்டால் நாங்களே எடுத்துக் கொள்வோம்!

கடலூர்: தமிழ்நாடு தவ்ஹீத் ஜமாஅத் சார்பில் மாவட்டந்தோறும் நேற்று வாழ்வுரிமைப் போராட்டம் நடைபெற்றது. கடலூரில் நேற்று நடைபெற்ற இப்போராட்டத்தில் பரங்கிப்பேட்டை, நெல்லிக்குப்பம், கடலூர் முதுநகர், லால்பேட்டை, காட்டுமன்னார்குடி, சிதம்பரம், உள்ளிட்ட பகுதிகளில் இருந்து ஆயிரக்கணக்கானோர் பங்கேற்றனர்.

தமிழ்நாடு தவ்ஹீத் ஜமாஅத் மாநில செயலாளர் தவ்பீக் கண்டன உரையாற்றியபோது, 'முஸ்லிம்களுக்கு இடஒதுக்கீடு கேட்டு போராட்டம் நடத்தும் எங்களுக்கு நீதி கிடைக்கவில்லையென்றால், நாடே திரும்பி பார்க்கும் அளவிற்கு மாநில தலைநகரில் மிகப்பெரிய போராட்டத்தை நடத்துவோம் என்று குறிப்பிட்ட அவர், எங்களின் நிலையை முஸ்லிம் நீதிபதிகள் கூறவில்லை மாறாக அரசு நியமித்த சச்சார் கமிட்டிதான் எங்களின் மிகவும் பின்தங்கிய நிலையை எடுத்துரைக்கிறது. எங்களுக்கு இடஒதுக்கீடு கொடுக்காவிட்டால் நாங்களே எடுத்துக் கொள்வோம் என்றார்.

போராட்டத்தில் பங்கேற்ற, பரங்கிப்பேட்டை TNTJ சார்பில் ஏற்பாடு செய்யப்பட்டிருந்த சிலர் மருத்துவர், காவல் துறை அதிகாரி, மாவட்ட ஆட்சித் தலைவர் போன்று வேடமணிந்து இந்நிலை வேண்டும் என்றும் இறைச்சிக்கடைக்காரர், சலவை செய்பவர் போன்று வேடமணிந்து இதுதான் எங்களின் நிலையென்றும் சொல்லியிருந்தது மக்களை திரும்பிப் பார்க்க வைத்தது.

படங்கள்: TNTJ

ஹெலிகாப்டர் வெடித்தது...! பூகம்பம் ஏற்பட்டது...!! பரங்கிப்பேட்டையில் பரபரப்பு!!!

இன்று பகல் 12.45 மணியளவில் கடலூர் மாவட்டம் முழுவதும் ஒரு பலத்த சத்தம் கேட்டது. இது அருகில் எங்கேயோ பூமி அதிர்வோ என நினைத்து மக்கள் பதறும் வேளையில், கடலூர் மாவட்டத்தில் பூகம்பம் ஏற்பட்டுள்ளதாக தகவல்கள் எல்லா திசையிலும் பரவத் தொடங்கியது. சிலர் பரங்கிப்பேட்டை அருகே ஹெலிகாப்டர் வெடித்து சிதறிவிட்டது என பல தகவல்கள் புரளியாய் பரவத் தொடங்கியதில் பரபரப்பு பற்றிக் கொண்டது.

இந்நிலையில், சம்பவம் குறித்து மாவட்ட ஆட்சித் தலைவர் ராஜேந்திர ரத்னு கூறுகையில்: பரங்கிப்பேட்டைக்கு இந்திய போர் விமானம் பயிற்சிக்கு வந்துள்ளது. இது தாழ்வாக பறந்த காரணத்தினால் இந்த சப்தம் ஏற்பட்டிருக்கலாம். மற்றபடி பூகம்பம் எதுவும் நடக்கவில்லை என்றார்.

ஆனாலும் சிதம்பரம் வயலூர் அருகில் ஹெலிகாப்டர் வெடித்து சிதறியதாக உறுதி செய்யப்படாத தகவல் தெரிவிக்கிறது.