பரங்கிப்பேட்டை தகவல் களஞ்சியம்

செவ்வாய், 26 மே, 2009 5 கருத்துரைகள்!

பரங்கிப்பேட்டை மாணவ சமுதாயம் முன்னுதாரணமாக கொள்ள வேண்டிய மாணவர்களை பற்றி எழுதி வருகிறோம்.
நமதூர் திரு ராதா கிருஷ்ணன் - திருமதி மருத்துவர் அங்கயற்கண்ணி இவர்களின் மகனான ஆனந்த் என்பவர் அவர்களில் ஒருவர் என்பதில் நாம் பெருமிதம் கொள்வோம்.
அண்ணா பல்கலைகழகத்தில் B.E. Geo Informatics & B.Tech (I.T) (Dual Degree) இந்த வருடம் முடித்து விட்டு I.A.S. இந்திய ஆட்சிப்பனிகளுக்கான அரசு குடிமைத்தேர்வு 2008 தேர்வினை எழுதினார்.

தரப்பட்டியலில் முந்தி I.R.S. (Indian Revenue Service) இந்திய வருவாய் பணியில் தேர்வு பெற்றுள்ளார்.

அரசு குடிமைத்தேர்வு என்பது (Civil Service Exams) நமது இந்திய அரசின் ஆட்சிப்பணிக்கான உயர் அளவிலான தேர்வாகும். சூழ்திறன் அமையப்பெற்ற மற்றும் மிகுந்த பயிற்சியும், முயற்சியும் உள்ள மாணவர்கள் மட்டுமே இதனை எளிதாக வென்றெடுக்கலாம்.

I.A.S. க்காக முயற்சி செய்து தரப்பட்டியலில் சற்று குறைந்ததால் I.R.S. கிடைத்திருந்தும் ( I.R.S.சே ஒரு சாதனை தான் ) இவர் மீண்டும் I.A.S. க்காக (Reappear) இந்த வருடம் தேர்வு எழுதுகிறார்.
தனது லட்ச்சியத்தில் வெற்றி பெற்று சாதித்த, இனியும் சாதிக்கப்போகும் இவர், I.A.S. ஆக நமது வாழ்த்துக்கள்.

இவரை பற்றி சில குறிப்புக்கள்

* பன்னிரெண்டாம் வகுப்புக்கு பிறகு நாட்டின் மிக உயர் தர கல்வி மையமான I.I.T. யில் பயில நுழைவு தேர்வு எழுதினார் என்பது குறிப்பிடத்தக்கது. அதை பற்றி கேட்டால் " that was not a serious attempt " என்று மெலிதாக சிரிக்கிறார்.

* ஆனந்த் அவர்களின் தந்தை ராதா கிருஷ்ணன் அவர்கள் ஒய்வு பெற்ற வங்கி மேலதிகாரி. தற்போது பொது சேவையில் அதிக அக்கறை காட்டி வருகிறார். இவரின் தாயார் நாம் அனைவரும் அறிந்த மருத்துவர் அங்கயற்கன்னி அவர்கள். நமதூரில், மருத்துவர் நூர் முஹம்மது தவிர நடு இரவிலும் மக்களின் அவசர மருத்துவ உதவிக்காக தன்னலம் கருதாது சேவை புரிபவர்.

* இவரின் சகோதரர்கள் இருவர் அஷ்விந்த், அரவிந்த். ஒருவர் M.B.B.S இன்னொருவர் B.D.S. படித்து வருகின்றனர்.

நல்லதொரு குடும்பம் பல்கலை கழகம்.
மேலும் வாசிக்க>>>> "பரங்கிப்பேட்டையில் ஒரு ஐ.ஏ.எஸ்"

0 கருத்துரைகள்!

தேசிய சப்-ஜூனியர் எறிபந்து சாம்பியன் போட்டி மத்தியப் பிரதேச மாநிலம் தேவாஸில் ஜூன் 12 முதல் 14-ம்தேதி வரை நடைபெற உள்ளது.

அதில் பங்கேற்கும் தமிழக சிறுவர், சிறுமியர் அணிகளுக்கான தேர்வுப் போட்டி சென்னையில் சோழிங்க நல்லூர் சாக்ரட் ஹார்ட் பள்ளியில் வரும் 30-ம்தேதி நடைபெற உள்ளது.

15 வயதுக்குள்பட்டவர்கள் தகுதியான சான்றிதழுடன் தேர்வில் கலந்து கொள்ளலாம்.

மேலும் விவரங்களுக்கு மாநில சங்கத்தின் செயலாளர் டி. பாலவிநாயகம் (98410 25254), அல்லது ரெக்ஸ் ஆபிரஹாம் (98403 65077) தொடர்பு கொள்ளலாம்.

மேலும் வாசிக்க>>>> "சென்னையில் 30-ம்தேதி மாநில எறிபந்து அணி தேர்வுப் போட்டி!"

0 கருத்துரைகள்!

சென்னையில் செயின்ட் ஜோசப் அகாதெமி நடத்திவரும் விளையாட்டு விடுதிக்கு 2009-10 கல்வி ஆண்டுக்கு தட கள வீரர், வீராங்கனைகள் தேர்வு செய்யப்பட உள்ளனர்.

7-ம் வகுப்பு முதல் கல்லூரியில் படிப்பவர் வரை தேர்வுப் போட்டியில் பங்கேற்கலாம்.

செயின்ட் ஜோசப் பொறியியல் கல்லூரி மைதானத்தில் வரும் 27-ம்தேதி காலை 8 மணிக்கு தேர்வுப் போட்டி நடைபெறும்.

தேர்வு செய்யப்படுவோருக்கு கல்வி, தங்குமிடம், உணவு உள்ளிட்டவை இலவசமாக வழங்கப்படும்.

மேலும் விவரங்களுக்கு தலைமைப் பயிற்சியாளர் நாகராஜனை 99406 99728 தொடர்பு கொள்ளலாம்.

மேலும் வாசிக்க>>>> "தடகள விடுதிக்கு வீரர்கள் தேர்வு"

0 கருத்துரைகள்!

பிச்சாவரத்தில் கரை ஒதுங்கிய அரிய வகை ஜல்லி மீன்.
மீன் ஓட்டின் கீழ்பாகத்தின் தோற்றம்.


சிதம்பரம் அருகே கிள்ளை பிச்சாவரம் சின்னவாய்க்கால் தீவு கடற்கரையில் அரியவகை மீன்கள் ஞாயிற்றுக்கிழமை கரை ஒதுங்கின.

ஆமை ஓடு போன்ற மேல்பாகத்தை கொண்ட இந்த மீன்கள் ஜல்லி மீன் வகையைச் சேர்ந்தது என கிள்ளை பேரூராட்சித் தலைவர் எஸ்.ரவிச்சந்திரன் தெரிவித்தார்.

அந்த ஓட்டில் கோலம் போட்டது போன்ற அழகிய தோற்றம் இயற்கையாகவே அமைந்துள்ளது.

ஓட்டின் உள்புறமும் அழகிய சித்திரம் வரைந்தது போன்று உள்ளது.

"இந்த மீன்கள் கோடைக்காலத்தில் கடற்கரையில் அதிகம் ஒதுங்கும். இவை மருத்துவ குணம் வாய்ந்தவை'' என்று பரங்கிப்பேட்டை கடல்வாழ் உயிரின உயராய்வு மைய ஆய்வாளர்கள் தெரிவிக்கின்றனர்.

மேலும் வாசிக்க>>>> "பிச்சாவரத்தில் கரை ஒதுங்கிய அரிய வகை மீன்கள்"

1 கருத்துரைகள்!

எஸ்.எஸ்.எல்.சி. தேர்வில் பரங்கிப்பேட்டை சேவா மந்திர் பள்ளி மாணவி சந்தான லட்சுமி 500-க்கு 479 மதிப்பெண்கள் பெற்று பள்ளியில் முதலிடம் பிடித்தார்.

கடலூர் மாவட்டம் பரங்கிப்பேட்டை சேவா மந்திர் பள்ளியில் 277 மாணவிகள் எஸ்.எஸ்.எல்.சி. தேர்வு எழுதினார்கள்.

அதில் 263 பேர் தேர்ச்சி பெற்றுள்ளனர்.

இப்பள்ளி மாணவி சந்தான லட்சுமி 500-க்கு 479 மதிப்பெண்கள் பெற்று பள்ளியில் முதலிடத்தை பெற்றார்.

அதே பள்ளியை சேர்ந்த மாணவி ராஜ மோகனா அறிவியல் பாடத்தில் 100-க்கு 100 மதிப்பெண்களும், மாணவி அருள் செல்வி சமூக அறிவியல் பாடத்தில் 100-க்கு 100 மதிப் பெண்களையும் பெற்றனர்.

தமிழ் பாடத்தில் மாணவி சங்கீதா 97 மதிப்பெண்களும், ஆங்கிலத்தில் சந்தானலட்சுமி 96மதிப்பெண்களும், கணிதத்தில் செவ்வந்தி 99 மதிப்பெண்களும் பெற்றனர்.

தேர்ச்சி பெற்ற அனைத்து மாணவிகளையும் பள்ளியின் முதல்வர் லீலாவதி மற்றும் பள்ளி நிர்வாகத்தினர், ஆசிரியைகள் பாராட்டி வாழ்த்து கூறினர்.

சமீபத்தில் நடந்த பிளஸ்-2 தேர்வில் இப்பள்ளி 100 சதவீத தேர்ச்சி பெற்றுள்ளது என்பது குறிப்பிடத்தக்கது.

மேலும் வாசிக்க>>>> "எஸ்.எஸ்.எல்.சி.தேர்வு: பரங்கிப்பேட்டை சேவாமந்திர் பள்ளி மாணவி சந்தானலட்சுமி சாதனை!"

0 கருத்துரைகள்!

எஸ்.எஸ்.எல்.சி. தேர்வில் கடலூர் மாவட்டத்தில் 33 ஆயிரத்து 711 பேர் எழுதினார்கள்.

22 ஆயிரத்து 758 பேர் தேர்வு பெற்றனர்.

இது 71.69 சதவீதம். கடந்த ஆண்டைவிட 0.45 கூடுதல் ஆகும்.

கடலூர் கல்வி மாவட்டத்தில் கடலூர் புனித அன்னாள் மேல்நிலைபள்ளி மாணவி கலைவாணி 492 மதிப்பெண் பெற்று முதலிடம் பெற்றார்.

அதே பள்ளியைச் சேர்ந்த இந்துமதி 491 மதிப்பெண் பெற்று 2-ம் இடத்தையும், காட்டுமன்னார் கோவில் பி.ஜி.ஆர். மேல்நிலைப்பள்ளி மாணவர் முத்து 489 மதிப்பெண் பெற்று 3-ம் இடத்தையும் பிடித்தார்கள்.

கடலூர் மாவட்டத்தில் அரசு பள்ளிகளில் திருப்பாபுலியூர் அரசு பெண்கள் மேல்நிலைப்பள்ளி மாணவி தனலட்சுமி 487 மதிப்பெண் பெற்று முதலிடம் பிடித்தார்.

கடலூர் முதுநகர் பெண்கள் மேல்நிலைப்பள்ளி மாணவி ஸ்ரீநிதி 485 மதிப்பெண் பெற்று 2-ம் இடம் பிடித்தார்.

பண்ருட்டி புதுப்பேட்டை அரசு மகளிர் மேல்நிலைப்பள்ளி மாணவி கோமதி 484 மதிப்பெண் பெற்று 3-ம் இடத்தை பிடித்தார்.

கடலூர் மாவட்டத்தில் மெட்ரிக் தேர்வில் 806 பேர் எழுதினார்கள்.

இதில் 787 பேர் தேர்ச்சி பெற்றனர்.

மாவட்ட அளவில் கடலூர் லட்சுமி சோரடியா பள்ளி மாணவர் கணேஷ்குமார் 483 மதிப்பெண் பெற்று முதலிடத்தை பெற்றார்.

சிதம்பரம் வீனஸ் மெட்ரிக் பள்ளி மாணவி ஸ்ரீமதி, அதே பள்ளியை சேர்ந்த முனீஸ்வரன், சிதம்பரம் காமராஜர் மெட்ரிக் பள்ளி மாணவி ஜீவிதா, நெய்வேலி செயின்ட் பால் பள்ளி மாணவர் பாலமுருகன், அதே பள்ளியை சேர்ந்த பிரவின்குமார், நெய்வேலி ஜவகர் மெட்ரிக் பள்ளி மாணவி அனுபாரதி ஆகிய 6 பேரும் தலா 481 மதிப்பெண் பெற்று 2-ம் இடம் பிடித்தார்கள்.

நெய்வேலி செயின்ட் ஜோசப் குளூனி பள்ளி மாணவி ஜனனி, அனுஷா, செரின் சல்மா, கடலூர் ஏ.ஆர்.எல்.எம். மெட்ரிக் பள்ளி மாணவி சாந்தி ஆகிய 4 பேரும் தலா 480 மதிப்பெண் பெற்று மாவட்ட அளவில் 3-ம் இடம் பிடித்தார்கள்.

இந்த தகவலை மாவட்ட முதன்மை கல்வி அதிகாரி குப்புசாமி தெரிவித்தார்.

மேலும் வாசிக்க>>>> "எஸ்.எஸ்.எல்.சி. தேர்வு கடலூர் மாவட்டத்தில் 71 சதவீதம் பேர் தேர்ச்சி"

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234