MYPNO ஆசிரியருக்கு சான்றிதழ்!

கடந்த மூன்று ஆண்டு காலமாக சவூதி அரேபியா கிழக்கு மாகாண அமைப்பின் தலைவராக பொறுப்பாற்றிய MYPNO.COM ஆசிரியர் S.வஜ்ஹுதீன், அவ்வமைப்பின் மாதாந்திர கூட்டத்தில் கவுரவிக்கப்பட்டார்

சவூதி அரேபியா கிழக்கு மாகாண அமைப்பின், மாதாந்திர கூட்டம் கடந்த வெள்ளியன்று M.E.கவுஸ் மாலிமார் வசிப்பிடத்தில் நடைபெற்றது. கூட்டத்தில் புதிய நிர்வாக பட்டியல் குறித்த கேள்விகளுக்கு விளக்கம் அளிக்கப்பட்டது.  MYPNO.COM ஆசிரியரும், கிழக்கு மாகாண அமைப்பின்  தலைவராக கடந்த மூன்று ஆண்டு காலமாக பணியாற்றிய S.வஜ்ஹுதீனுக்கு S.K.காஜா முஹைய்யதீன் அமைப்பின் சார்பாக சான்றிதழ் வழங்கினார்.

பரங்கிப்பேட்டை இஸ்லாமிய ஐக்கிய ஜமாஅத்-தின் தலைவரை தேர்ந்தெடுப்பதற்காக அமைக்கப்பட்டதேர்தல் குழு பல வெளிநாட்டு அமைப்புகளின் மற்றும் உள்ளூர் மக்களின் கோரிக்கைக்கு இணங்க தேர்தலை தவிர்த்து தேர்வு குழு மூலம் ஜமாஅத் பொறுப்பாளர்களை நியமித்ததற்கு  நன்றி தெரிவித்து தீர்மானம் நிறைவேற்றப்பட்டது. புதிய பொறுப்பாளர்களுக்கு வாழ்த்து தெரிவித்தும் தீர்மானம் நிறைவேற்றப்பட்டது.

அமீரக பரங்கிப்பேட்டை முஸ்லிம் அமைப்பு (PMAUAE) தொடக்கம்!

ஐக்கிய அமீரக வாழ் பரங்கிப்பேட்டை மக்கள், தங்களின் பொதுச்சேவைக்கான பணிகளை ஒருங்கிணைக்க வேண்டி அமைப்பு ஒன்றினை துவக்கிட வேண்டி கலந்தாலேசிப்பதற்காக நடைபெற்ற சிறப்புக்கூட்டம்  துபாய் கரமா பகுதியில் நடைபெற்றது.

கூட்டத்தினை ஜமால் மரைக்காயர் இறைவசனங்களை ஓதி தொடங்கி வைத்தார். பரங்கிப்பேட்டைக்கான அமீரகம் தழுவிய அமைப்பு உருவாக்குவது குறித்து விவாதிக்கப்பட்டு "அமீரக பரங்கிப் பேட்டை முஸ்லிம் அமைப்பு" (PMAUAE) என்கிற அமைப்பு தொடங்கப்பட்டது.

மேலும் இவ்வமைப்புக்கான நிர்வாகக்குழுவை தேர்ந்தெடுக்கும் விதமாக ஒரு தேர்வுக்குழு அமைக்கப்பட்டு  கீழ் கண்ட சகோதரர்களை தேர்வுகுழு உறுபினர்களாக பொதுக்குழுவாக கூடிய அன்பர்களால் ஒருமனதாக தேர்வு செய்யப்பட்டது.

1. ஹுசைனுல்லாபுதீன்
2. செய்யது ஜியாவுதீன்
3. காதர் அலி
4. முஹம்மது உவைஸ்
5. அபுல் ஹசன்
6.  ஜமால் மரைக்காயர்
7. ஷாகுல் ஹமீது (Aramax)
8.  கவிமதி
9. தாஹா மரைக்காயர்
10. இபுராஹிம் ஷாகுல் ஹமீது (பாஷா)
11. முஹம்மது ஹாரூன்  

மேலும் வரும் 24.05.2013 வெள்ளிக் கிழமை மேற்கண்ட தேர்வுக்குழுவினர் கூடி அமைப்பின் சட்ட திட்ட வரைவுகள் குறித்தும், நிவாகிகள் தேர்வு செய்வது குறித்தும் விவாதித்து அவற்றை வருகிற 07.06.2013 வெள்ளி கிழமை அன்று கூட இருக்கிற பொதுக்குழுவில் சமர்பிக்க முடிவு செய்யப்பட்டது.

பொதுக்குழுவில் கலந்துக்கொள்ளும் அனைத்து சகோதரர்களின் ஆலோசனைகள் படி இவற்றை விவாதித்து புதிய முறையில் அமைப்பின் தலைவர்,செயலளார்,பொருளாளர் மற்றும் இதர நிர்வாகிகளை தேர்வு செய்ய முடிவு செய்யப்பட்டது

தகவல் & படம்: எம்.கே.கவுஸ்

சிங்கப்பூரில் திருமண நிகழ்ச்சியில் பரங்கிப்பேட்டை மக்கள் சந்திப்பு!

சிங்கப்பூர்: பரங்கிப்பேட்டை ஜுன்னத்மியான் தெரு மர்ஹும் என்.முஹம்மது கெளஸ் நகுதா, எம்.ஏ.முஹம்மது சாலிஹ் பேரனும், என்.நூருல் அமீன் மகனுமாகிய என்.முஹம்மது சாலிஹ் திருமணம் நேற்று மாலை சிங்கப்பூர் மலபார் பள்ளிவாசலில் நடைபெற்றது. இத்திருமண நிகழ்வில் ஏராளமான பரங்கிப்பேட்டை மக்கள் கலந்துக் கொண்டனர்.

படங்கள்: தாரிக் /  கே.ஏ.ஹஸன்