பரங்கிப்பேட்டை பாத்திமா நகரில் அப்துல் பாரி அவர்களின் சகோதரி மைமூன் பீவி வீட்டில் இன்று பகல் சுமார் 1.30 மணி அளவில், சமையலில் ஈடுப்பட்டிருந்த போது எரிந்து கொண்டிருந்த கொட்டாங்குச்சி, வெடித்து சிதறியதில் மேற்கூரைக்கு தீ பரவி பணம், ரேஷன் கார்டு, துணிகள், டீ.வி. மிக்ஸி , பீரோ உள்ளிட்ட அனைத்து பொருட்களும் முழுமையாக தீக்கிரையானது., உடனடியாக பொதுமக்கள், தீயணைப்பு துறையினர் ஒன்று திரண்டு தீ அணைக்கும் பணியில் ஈடுப்பட்டதால், தீ மேலும் பரவாமல் தவிர்க்கப்பட்டது. இஸ்லாமிய ஐக்கிய ஜமாஅத் - பேரூராட்சி மன்ற தலைவர் M.S.முஹம்மது யூனுஸ், தீ விபத்து ஏற்பட்ட இடத்தினை பார்வையிட்டு ஆறுதல் கூறி, அரசின் நிவாரணத் தொகை கிடைக்க ஏற்பாடு செய்வதாக தெரிவித்தார். கிராம நிர்வாக அதிகாரியும் தீ விபத்து ஏற்பட்ட இடத்தினை பார்வையிட்டு சேத விவரங்களை கேட்டறிந்தார்.
படங்கள்: இஸ்மாயில்
.png)
கருத்துகள் இல்லை:
கருத்துரையிடுக