ரஷிய கல்விக் கண்காட்சி மே 23, 24 ஆகிய தேதிகளில் நடைபெற உள்ளது.இது தொடர்பாக ரஷிய கலாச்சார மையம் வெளியிட்ட செய்திக் குறிப்பு:
ரஷிய அறிவியல் மற்றும் கலாச்சார மையம், வெளிநாட்டு கல்வி நிறுவனம் ஆகியவற்றின் சார்பில் சென்னை ஆழ்வார்பேட்டையில் உள்ள ரஷ்ய கலாச்சார மையத்தில் ரஷ்யாவில் உள்ள கல்வி பற்றிய கண்காட்சி மே 23, 24 ஆகிய தேதிகளில் நடைபெற உள்ளது.
இதில் ரஷியாவைச் சேர்ந்த சுமார் 10 மருத்துவ, தொழில்நுட்ப கல்வி நிறுவனங்கள் பங்கேற்று மாணவர்களுக்கு ஆலோசனை வழங்குகின்றன.
ரஷியாவில் பெரும்பாலான பல்கலைக்கழகங்களில் ஆங்கில வழிக் கல்வியும் அளிக்கப்படுவதால் மாணவர்களுக்குச் சிரமம் இருக்காது.
மேலும், கண்காட்சிக்கு வரும் மாணவர்களில் தகுதி உள்ளவர்களுக்கு கல்லூரிகளில் சேர உடனடி சேர்க்கையும் வழங்கப்படும்.
கல்விக் கண்காட்சி காலை 10 மணி முதல் மாலை 6 மணி வரை நடைபெறும்.
அனுமதி இலவசம்.
.png)
கருத்துகள் இல்லை:
கருத்துரையிடுக