பரங்கிப்பேட்டை : பரங்கிப்பேட்டை பேரூராட்சி பகுதிகளில் பிளாஸ்டிக் பொருட்களை பயன்படுத்த தடை விதித்து பேரூராட்சி கூட்டத்தில் தீர்மானம் நிறைவேற்றப்பட்டது. பரங்கிப்பேட்டை பேரூராட்சி கூட்டம் தலைவர் முஹமது யூனுஸ் தலைமையில் நடந்தது. துணைத் தலைவர் செழியன், செயல் அலுவலர் ஜீஜாபாய் முன்னிலை வகித்தார்.இக்கூட்டத்தில், பரங்கிப்பேட்டை பகுதிகளில் அரசு உத்தரவுபடி பிளாஸ்டிக் பொருட்களை பயன்படுத்த தடை விதிப்பது. பிளாஸ்டிக்கால் ஏற்படும் தீமைகள் குறித்து கடைக்காரர்கள் மற்றும் பொதுமக்களிடம் விழிப்புணர்வு ஏற்படுத்துவது. பொதுநிதி மற்றும் பிற்படுத்தப்பட்டோர் மானிய நிதி 40 லட்சம் ரூபாயில் 18 வார்டுகளில் சாலைகள், வடிகால், கல்வெர்ட் அமைக்க முடிவு செய்யப்பட்டது.
கருத்துகள் இல்லை:
கருத்துரையிடுக