பரங்கிப்பேட்டை தகவல் களஞ்சியம்

ஞாயிறு, 17 மே, 2009 0 கருத்துரைகள்!

பொதுமக்கள் புகார் எதிரொலியாக புதிய வடிவில் 5 ரூபாய் நாணயம் அறிமுகப்படுத்தப்படுகிறது.

தற்போது நாணயங்கள் 25 பைசா, 50 பைசா, 1 ரூபாய், 2 ரூபாய், 5 ரூபாய், 10 ரூபாய் என புழக்கத்தில் உள்ளன.

இவை அனைத்தும் நிதித்துறை மூலம் தயாரிக்கப்பட்டு, இந்திய ரிசர்வ் வங்கி மூலம் பொதுமக்களிடம் புழக்கத் தில் விடப்படுகிறது.

உலோக கலவையிலான புதிய வகை நாணயங்களை உருவாக்க நிதித்துறை அமைச்சகம் தான் சிபாரிசு செய்து வருகிறது.

அந்த வகையில் இந்திய ரிசர்வ் வங்கி உலோக வடிவிலான 5 ரூபாய் நாணயங்களை தயாரித்து கடந்த ஆண்டு (2008) அறிமுகப்படுத்தியது.

ஆனால், அது தற்போது புழக்கத்தில் உள்ள 50 பைசா நாணய அளவில் உள்ளது.

இது பொதுமக்களிடையே பெரும் குழப்பத்தை ஏற்படுத்தியுள்ளது.

50 பைசா என நினைத்து 5 ரூபாய் நாணயத்தை எடுத்து கொடுத்து விடுகின்றனர். இதனால் பொதுமக்களுக்கு கடும் நஷ்டம் ஏற்படுகிறது.

எனவே, புதிதாக அறிமுகப்படுத்தப்பட்டுள்ள 5 ரூபாய் நாணயத்தின் வடிவை மாற்ற வேண்டும் என்று இந்திய ரிசர்வ் வங்கியிடம் புகார்கள் குவிந்த வண்ணம் உள்ளன.

எனவே, புதிய வடிவில் 5 ரூபாய் நாணயத்தை வெளியிட இந்திய ரிசர்வ் வங்கி முடிவு செய்துள்ளது.

அந்த நாணயம் மஞ்சள் நிறத்தில் வடிவமைக்கப்படுகிறது.

தற்போதுள்ள வடிவத்தை விட வித்தியாசமாகவும் உருவாக்கப்படுகிறது.

இதேபோல, ஒரு ரூபாய் மற்றும் 2 ரூபாய் நாணயங்களும் மாற்றி வடிவமைக்கப்பட உள்ளன.

இந்த தகவலை ரிசர்வ் வங்கி உயர் அதிகாரிகள் தெரிவித்தனர்.

மேலும் வாசிக்க>>>> "புதிய வடிவில் 5 ரூபாய் நாணயம்"

0 கருத்துரைகள்!

தமிழ்நாடு மற்றும் புதுச்சேரி மாநிலத்தில் இருந்து பத்தாம் வகுப்பு பொதுத்தேர்வை 6541 பள்ளியில் இருந்து 8 லட்சத்து 42 ஆயிரத்து 350 மாணவ- மாணவிகள் பரீட்சை எழுதினார்கள்.

இவர்களில் 4 லட்சத்து 16 ஆயிரத்து 512 பேர் மாணவர்கள். 4 லட்சத்து 25 ஆயிரத்து 835 பேர் மாணவிகள்.

பத்தாம் வகுப்பு மெட்ரிக்குலேசன் பாடத்திட்டத்தின் கீழ் ஒரு லட்சத்து 16 ஆயிரத்து 287 மாணவ- மாணவிகள் தேர்வு எழுதினார்கள்.

சென்னையில் 16,369 பேர் பரீட்சை எழுதினார்கள்.

10-ம் வகுப்பு ஆங்கிலோ இந்தியன் பாடத் திட்டதின் கீழ் 4697 மாணவ-மாணவிகள் தேர்வு எழுதி உள்ளனர்.

ஓ.எஸ்.எல்.சி. பாடத்திட்டம் கீழ் 1361 மாணவ- மாணவிகள் தேர்வு எழுதினார்.

விடைத்தாள் திருத்தும் பணி முடிந்து மதிப்பெண் பதிவு செய்யும் பணி தீவிரமாக நடந்து வருகிறது.

ஓரிரு நாட்களில் இந்த பணியும் நிறைவடைகிறது.

பிளஸ்-2 தேர்வு முடிவு இந்த ஆண்டு தாமதமாக வெளியிடப்பட்டது.

பாராளுமன்ற தேர்தல் நடந்ததால் கடந்த ஆண்டை விட 5 நாட்கள் தாமதமாக முடிவு வெளியானது.

இதனால் எஸ்.எஸ்.எல்.சி. தேர்வு முடிவு தள்ளிப்போகிறது.

வருகிற 28-ந்தேதி தேர்வு முடிவு வெளியாக வாய்ப்பு உள்ளது.

அதற்கு முன்னதாக வெளியிட தேர்வுத் துறை தீவிர பணியில் ஈடுபட்டு வருகிறது.

பிளஸ்-2 மாணவர்களுக்கு 25-ந்தேதி மதிப்பெண் பட்டியல் வழங்கப்படுகின்றன.

டேட்டா சென்டரில் மதிப்பெண் பட்டியல் பிரிண்ட் செய்யும் பணி மும்முரமாக நடந்து வருகிறது.

22-ந்தேதிக்குள் இந்த பணிகள் முடியும் அதன் பிறகு மாவட்ட வாரியாக மதிப்பெண் பட்டியல் பள்ளிகளுக்கு அனுப்பி வைக்கப்படுகிறது.

மேலும் வாசிக்க>>>> "எஸ்.எஸ்.எல்.சி.தேர்வு முடிவு 28-ந்தேதி வெளிவருகிறது"

0 கருத்துரைகள்!

ஆடை வடிவமைப்பு மற்றும் பயிற்சி மையத்தின் (ஏடிடிசி) சார்பில் ஆயத்த ஆடை மற்றும் ஆடை வடிவமைப்பு பயிற்சிகள் நடைபெறவுள்ளன.

இது குறித்து பயிற்சி மையத்தின் இணைப்பதிவாளர் டி.சி.பாலசுப்பிரமணியன் வெளியிட்டுள்ள அறிக்கை:

பத்தாம் வகுப்பு தேறிய ஆண், பெண் இருபாலரும் இதற்கு விண்ணப்பிக்கலாம். 3 மாதத்திலிருந்து 2 ஆண்டுகள் வரை கற்றுக் கொள்ளும் பயிற்சிகள் உள்ளன.

பயிற்சி பெற்ற அனைவருக்கும் வேலை வாய்ப்பு வழங்கப்பட வேண்டும்.

இப் பயிற்சியில் கலந்து கொள்ள விரும்புபவர்கள் ஜூன் 30-ம் தேதிக்குள் விண்ணப்பிக்க வேண்டும்.

மேலும் விவரங்களுக்கு:

  • டி.சி.பாலசுப்பிரமணியன்,
  • இணைப்பதிவாளர்,
  • எண் - 116பி (பழைய எண் 70ஏ), வெள்ளாளர் தெரு,
  • முகப்பேர் மேற்கு,
  • கோல்டன் ஃபிளாட்ஸ் பஸ் நிறுத்தம் அருகில்,
  • சென்னை - 37.
  • தொலைபேசி: 044 - 2625 4216.
  • செல்: 98417 88369.
மேலும் வாசிக்க>>>> "ஆயத்த ஆடை, வடிவமைப்பு பயிற்சி!"

0 கருத்துரைகள்!

பிளஸ்-2 தேர்வில் கடலூர் மாவட்டத்தில் மாணவர்களை விட மாணவிகள், அதிக அளவில் தேர்ச்சி பெற்று சாதனை படைத்து உள்ளனர்.

கடலூர் மாவட்ட பிளஸ்-2 தேர்வு முடிவுகளை மாவட்ட முதன்மைக் கல்வி அலுவலர் குப்புசாமி, வியாழக்கிழமை வெளியிட்டார்.


மாவட்டக் கல்வி அலுவலர்கள் ஜவகர், குருநாதன், மெட்ரிக் பள்ளிகளின் ஆய்வாளர் சீனிவாசன் ஆகியோர் உடன் இருந்தனர்.


மாவட்ட முதன்மைக் கல்வி அலுவலர் கூறியது:


கடலூர் மாவட்டத்தில் அரசு பள்ளிகள் 66, நலத்துறைப் பள்ளிகள் 9, நகராட்சிப் பள்ளி 1, அரசு உதவிபெறும் பள்ளிகள் 29, சுயநிதிப் பள்ளி 1, மெட்ரிக் பள்ளிகள் 42 உள்ளிட்ட 148 பள்ளிகளைச் சேர்ந்த 23,655 பேர் பிளஸ்-2 தேர்வு எழுதினர்.


அவர்களில் மாணவர்கள் 11,426. மாணவிகள் 12,229.


தேர்வு எழுதிய மாணவர்கள் 11,426-ல் 8,114 பேரும், மாணவிகள் 12,229 பேரில் 9548 பேரும் தேர்ச்சி பெற்று உள்ளனர். மாணவர்கள் 71.01 சதமும், மாணவிகள் 78.08 சதமும் தேர்ச்சி பெற்று உள்ளனர்.

விருத்தாசலம் கல்வி மாவட்டத்தில் மாணவர்கள் தேர்ச்சி விகிதம் 63.77.


கடலூர் கல்வி மாவட்டத்தில் மாணவர்கள் தேர்ச்சி விகிதம் 79.16 சதம்.


கடலூர் மாவட்டத்தில் இந்த ஆண்டு பிளஸ்-2 தேர்ச்சி விகிதம் 74.66 சதம்.


கடந்த ஆண்டு தேர்ச்சி விகிதம் 71 சதம். கடந்த ஆண்டைவிட இந்த ஆண்டு 3.66 சதம் தேர்ச்சி அதிகரித்து உள்ளது என்றார் குப்புசாமி.
மேலும் வாசிக்க>>>> "பிளஸ்-2 தேர்வு : கடலூர் மாவட்டம் 75 சதவீதம் தேர்ச்சி!"

0 கருத்துரைகள்!

இறப்புச் செய்தியை தந்தி மூலம் கொடுப்பதற்கு இனி ரூ. 28 கட்டணம் செலுத்த வேண்டும்.

மத்திய தொலைத் தொடர்புத் துறை அமைச்சகத்தின் கீழ் இயங்கும் தந்தி பிரிவில் கட்டண உயர்வு சனிக்கிழமை அமலுக்கு வந்தது.


இதற்கான அறிவிப்பை பி.எஸ்.என்.எல். வெளியிட்டுள்ளது.

தந்திகள் இனி 'எக்ஸ்பிரஸ் தந்தி' என்ற பிரிவில் மட்டுமே ஏற்கப்படும்.

குறைந்தபட்ச கட்டணம் ரூ.25. இதில் அதிகபட்சம் 30 வார்த்தைகள் வரை வாசகங்கள் இருக்கலாம் என பி.எஸ்.என்.எல். தெரிவித்துள்ளது.

இதற்கு சேவை வரி ரூ.3 வரும். எனவே இனி ஒரு தந்தி கொடுப்பதற்கு ரூ.28 செலவிட வேண்டும்.

இதுவரை சாதாரண தந்திக்கு ரூ.3.50 மட்டுமே கட்டணமாக இருந்தது. 10 வார்த்தைகள் வரை அதில் தரலாம்.

இதுவே எக்ஸ்பிரஸ் தந்தியாக இருந்தால் இரண்டு மடங்கு கட்டணம். இதற்கு சேவை வரிகள் கூடுதலாக உண்டு.

இறப்புச் செய்திக்கான தந்தியாக இருந்தால் சாதாரண கட்டணத்திலேயே, எக்ஸ்பிரஸ் தந்திக்கான முன்னுரிமையில் அனுப்பப்படும்.

சனிக்கிழமையில் இருந்து அமலுக்கு வரும் புதிய திட்டத்தில் இறப்புச் செய்திகளுக்கும் எக்ஸ்பிரஸ் தந்திக்கான ரூ.25 (வரி சேர்த்து ரூ.28) செலுத்த வேண்டும்.

மத்தியில் தொலைத்தொடர்புத் துறை அமைச்சராக தயாநிதி மாறன் இருந்தபோது நாடு முழுக்க ரூ.1 கட்டணத்தில் தொலைபேசியில் பேசும் 'ஒன் இந்தியா' திட்டத்தைக் கொண்டு வந்தார்.

அத் துறையின் பொறுப்பை ஆ. ராசா ஏற்ற பிறகு பி.எஸ்.என்.எல். செல்போனில் 50 பைசாவுக்கு நாடு முழுக்க பேசும் திட்டத்தைக் கொண்டு வந்தார்.

அதே துறையின் கீழ் இயங்கும் தந்தி சேவையில், பல பகுதிகளில் தந்தி பிரிவே மூடப்பட்டுவிட்டது.

இப்போது சேவை இருக்கும் பகுதியிலும் கட்டணம் ஏறத்தாழ 7 மடங்கு உயர்த்தப்படுகிறது. 1983-ம் ஆண்டுக்குப் பிறகு தந்தி கட்டணம் உயர்த்தப்படவில்லை. ஏழைகளின் அவசர தகவல் பரிமாற்றத்துக்கு உதவுவதால் இந்தக் கட்டணத்தில் அரசு கை வைக்கவில்லை.

ஆட்சி முடியும் நேரத்தில், கட்டண உயர்வு அறிவிப்பை பி.எஸ்.என்.எல். அறிவித்துள்ளது.

தேர்தல் வாக்குப் பதிவுக்கு முன்பே இதுகுறித்து முடிவு எடுக்கப்பட்டுவிட்டது. அப்போதே அறிவித்திருந்தால் தேர்தலில் காங்கிரஸ் -திமுக கூட்டணிக்கு எதிரான பிரசாரத்தில் இதுவும் முக்கிய இடம் பெற்றிருக்கும்.

வாக்குப் பதிவு முடிந்து, தேர்தல் முடிவு வெளியாகும் நிலையில் எல்லோரின் கவனமும் முடிவை அறிவதில்தான் இருக்கும்.

எனவே, யாரும் கவனிக்காமல், அப்படியே கவனித்தாலும் பெரிய எதிர்ப்பு ஏதுமின்றி அமல்படுத்தும் வகையில் இப்போது இந்த அறிவிப்பு வெளியாகியுள்ளது என பி.எஸ்.என்.எல். அதிகாரிகள் தெரிவித்தனர்.
மேலும் வாசிக்க>>>> "இறப்பு செய்தி தந்திக்கு இனி ரூ.28"

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234