பரங்கிப்பேட்டை தகவல் களஞ்சியம்

புதன், 27 பிப்ரவரி, 2008 3 கருத்துரைகள்!

தன்னுடைய இரு முக்கிய பணிகளை சுமந்துக் கொண்டு, எண்ணற்ற பணிகளுக்கிடையே... வலைப்பூவிற்கு பேரூராட்சி மன்றத் தலைவரும் இஸ்லாமிய ஜக்கிய ஜமாஅத்தின் தலைவருமான எம். எஸ். முஹமது யூனுஸ் அவர்கள் அளித்த பேட்டியை தொகுத்து முதல் பகுதியை உங்களுக்காக வழங்குகிறோம். பல வேலைகளுக்கு மத்தியில் எப்போதும் பிஸியாகவே இருந்தவரிடம் ஒரு நாள் முன்பே கேள்விகளை நீட்டியபோது, கேள்விகளை நேரிடையாகவே கேளுங்கள், எந்த கேள்விக்கும் நான் பதில் சொல்லத் தயார்! அது எனது கடமை!! என்று சொன்னது நமக்கு மகிழ்ச்சியை அளித்தது.
1. பரங்கிப்பேட்டை தற்போது ஓரளவு வளர்ச்சிப் பணிகளை நோக்கி சென்றாலும், வெளியூர் சென்று திரும்பும் பெண்களுக்கு குறிப்பாக கடலூர் சென்று படிக்கும் மாணவிகளுக்கு போதிய போக்குவரத்து வசதியில்லை. இவர்கள் குறிப்பாக மிகஅதிகமாக நெருக்கித் தள்ளும் என். டி. (N.T.) போன்ற பஸ்ஸில் சென்று வருவது வேதனை. இதற்காக ஏற்கனவே (மாணவிகளுக்காக) வேன் வாங்குவது என்ற திட்டம் நிறைவேற்றப்படாமல் உள்ளதே... ஏன்?
- கு. நிஜாமுத்தீன் மற்றும் ஊர் (கூகிள்) குழுமம்.
அதற்கான முயற்சியாக குறிப்பாக வெளியூர் சென்று படிக்கும் மாணவிகளுக்காக 1.25 இலட்சம் ரூபாய் வசூல் செய்து, மேற்கொண்டு 1.25 இலட்சம் ரூபாய் போட்டு வேன் ஒன்று வாங்கி விடலாம் என்று முடிவு செய்தோம். ஆனால் தற்போது மஹிந்திரா வேன் மார்க்கெட்டில் கிடைக்கவில்லை. 3.5 (அ) 4 இலட்சம் ரூபாய் செலவில் வேன் வாங்ககூடிய நிலை ஏற்பட்டுள்ளது. அதற்கான போதிய நிதி இல்லாததினாலும், எதிர்பார்க்கும் மாடல் கிடைக்காததினாலும் வேன் வாங்கும் திட்டம் கிடப்பில் உள்ளது. இதை நாங்கள் பொதுக்குழுவில் அறிவித்தோம். 1.25 இலட்சத்தில் 50 ஆயிரம் ரூபாய் நிதி கொடுத்த ஒருவர் மீண்டும் அதை திரும்ப பெற்றுக்கொண்டார். மீதப் பணத்தை யார் கொடுத்தார்களோ அவர்களிடம் கேட்டதற்கு, இதை வேறு நல்ல பணிக்கு பயன்படுத்திக் கொள்ள சொல்லிவிட்டார்கள். எனவே, புதிய வேன் வாங்கி அதை பராமரிக்க போதிய நிதி இல்லை, இருந்தாலும் பழைய வேன் வாங்க நிதி திரட்டி அதை செயல்படுத்த பரிசீலனை செய்து வருகிறோம்.


2. ஊரின் பல தெருக்களில் புதிய சாலைகள் போடப்படுவது மகிழ்ச்சியான செய்தி. ஆனால் பழைய சாலை மீதே புதிய சாலைகள் போடுவதால் சலைகள் உயர்ந்து கொண்டே போய் வீட்டு வாயில்கள் பள்ளங்களில் காணப்படுவதால் மழைநீர் வீடுகளில் புகுந்து விடுகிறது. எனவே, இனி போடஉள்ள சாலைகளிலாவது பழைய சாலைகளை அகற்றி விட்டு போடலாமே? - கு. நிஜாமுத்தீன் மற்றும் ஊர் (கூகிள்) குழுமம்

அப்படிப்பார்த்தால்... பரங்கிப்பேட்டையின் ஒட்டு மொத்த சாலைகளையும் தோண்டி எடுத்து புதிய சாலைகள் போட்டால்தான் இது சாத்தியம். ஏற்கனவே சில சிமெண்ட் சாலைகள் போட்டுவிட்ட நிலையில் புதிய (நீளமான) சாலைகளை கொத்திவிட்டு போடும் போது மழை காலங்களில் சிறு சிறு சாலைகளில் இருந்து வரும் நீர் இந்த சாலைகளில் தேங்கிவிடும். அதனால், ட்ரைனேஜ் வசதி இருந்தால் மட்டுமே இதை முழுமையாக சரி செய்யப்படும். 2.75 கி.மீ.க்கு மத்திய அரசு நிதியுதவியுடன் (பெரியமதகிலிருந்து) முக்கிய தெருக்களான ஹைஸ்கூல் ரோடு, பெரிய தெரு, சின்னக் கடை போன்ற தெருக்களில் ட்ரைனேஜ் வசதி அமைக்க முயற்சிகளை எடுத்து வருகிறோம். கூடிய விரைவில் இதற்கு ஒப்புதல் கிடைத்த பிறகு இப்பிரச்சனை ஓரளவுக்கு சரிசெய்யப்பட்டுவிடும்.

3. ரேஷன் கார்டு குறித்து தனிப்பட்ட முறையில் குடும்ப பெண்கள் தாசில்தார் அலுவலகத்திற்கு பலமுறை ஏறி இறங்கி அலைகழிக்கப்படுகிறார்கள். எனவே எளிதான வகையில் ரேஷன் கார்டு கிடைக்க பேரூராட்சி தலைவராக இருக்கும் நிலையில் வழி வகை செய்யலாமே? - கு. நிஜாமுத்தீன் மற்றும் ஊர் (கூகிள்) குழுமம்

ரேஷன் கார்டு எடுக்கும் முறை கடந்த ஒரு வருடத்திற்கு முன்பு வரை எளிய வகையில்தான் இருந்து வந்தது. அதாவது பேரூராட்சி தலைவரோ (அ) ஜமாஅத் தலைவரோ ஒரு பரிந்துரைக் கடிதம் கொடுத்தாலே அது உடனடியாக பரிசீலிக்கப்பட்டு ரேஷன் கார்டு வழங்கப்பட்டு வந்தது. ஆனால் தற்போது ஏகப்பட்ட மனுக்கள் குவிய ஆரம்பித்தததினால் அரசு தற்போது சில விதிகளை போட்டுள்ளது. இருப்பிடச் சான்று, வருவாய் சான்று மற்றும் வேறு ஏதாவது ஒரு சான்றுடன் (Proof) மனு செய்பவருக்கு மட்டுமே ரேஷன் கார்டு வழங்கப்படுகிறது. இதனால் கண்டிப்பாக குடும்பத் தலைவரோ (அ) தலைவியோ நேரில் மனு செய்யக்கூடிய நிலை ஏற்பட்டுள்ளது. இருந்தாலும் இது குறித்து எங்களை அனுகுகிறவர்களுக்கு சகோ. ஜீ.எம். கவுஸ் அவர்கள் மூலம் இருப்பிடச் சான்று மற்றும் வருவாய் சான்று எடுத்துத் தர வழிவகைகளை செய்துள்ளோம். மற்றபடி இதில் தனிப்பட்ட முறையில் பரிந்துரை செய்ய தற்போது எந்த வழியுமில்லாமல் அரசு சட்டம் அமைத்துவிட்டது.

4. அரசியலில், சமூகப்பணியில் உங்களின் அடுத்தக்கட்ட எண்ணம், விருப்பம் என்ன? - இப்னு ஹம்துன், (ரியாத்), பரங்கிப்பேட்டை

தற்போது அரசியலில் தான் பேரூராட்சித் தலைவராக செயல்பட்டு வருகிறேன். இனி அடுத்த பேரூராட்சித் தலைவரகவோ (அ) வேறு உயர் பதவிக்கோ எங்களின் செயல்களை வைத்து மக்கள் தேர்ந்தெடுக்க வாய்ப்புகள் உள்ளது. சமூகப் பணியைப் பொறுத்த வரை ஜமாஅத் மூலமாக நிறைய சமுகப் பணிகளை தொடர்ந்து செய்து வருகிறேன். இதை இனி எந்த காலத்திற்கும் தொடர்வோம் (அ) தொடரப்படனும் என்கிற எண்ணம் நமக்கு இல்லை. ஜமாஅத்தை பொறுத்தவரை, 3 முறை பதவி வகித்து விட்டேன். தற்போது இரண்டு பணிகளில் செயல்பட சிரமமாக இருப்பதினாலும் இவர் மட்டுமே ஜமாஅத் தலைவராக இருக்கவேண்டுமா என்கிற எண்ணம் மக்கள் மத்தியில் எழுந்துவிடக்கூடாது என்பதினாலும் தேர்தல் முறையில் அறிவிப்பு செய்து இனி புதிய தலைவரை தேர்ந்தெடுக்க பொதுக்குழுவில் முடிவு செய்துள்ளோம். இதன் மூலம் மக்கள் நலனுக்கு உழைப்பவர்கள் தலைவராகத் தேர்ந்தெடுக்கப்படுவார்.

5. பரங்கிப்பேட்டையை நகராட்சியாகக்கும் திட்டம் எந்த அளவு செயற்பாட்டிலுள்ளது? - இப்னு ஹம்துன், (ரியாத்), பரங்கிப்பேட்டை

பரங்கிப்பேட்டையை நகராட்சியாக்குவற்காக அரசு விதிகளுக்கு உட்பட்டு மாவட்ட ஆட்சித் தலைவர் 3 முறை கூட்டம் நடத்தினார். இதற்காக அரசு தரப்பில் 2001-ல் எடுக்கப்பட்ட மக்கள் தொகை கணக்கெடுப்பில் 21,912 பேர் என்று தவறான தகவல் அளிக்கப்பட்டு விட்டது. நகராட்சியாக்குவதற்கு குறைந்தபட்சம் 30,000 பேர் இருக்கவேண்டும் அதற்கான போதிய வருவாயும் இருக்க வேண்டும். இது குறித்து மாவட்ட ஆட்சித் தலைவர் திரு. இராஜேந்திர ரத்னூ தலைமையில் கூடிய கூட்டத்தில் இத்திட்டத்தை வலியுறுத்தப்பட்டும் அதற்கான வழிவகைகள் இல்லாததினால் கிடப்பில் இருக்கிறது. இதற்காக அரியகோஷ்டி, புதுப்பேட்டை பஞ்சாயத்தையும் பரங்கிப்பேட்டையோடு சேர்த்துவிட்டால் இது நகராட்சியாகிவிடும் என்கிற கருத்தை வைத்தபோது, இந்த இரண்டு பஞ்சாயத்து தலைவர்களிடமும் மாவட்ட ஆட்சி தலைவர் கருத்து கேட்டபோது அவர்கள் இதற்கு ஒப்புக் கொள்ளவில்லை. இருந்தாலும் நாங்கள் மீண்டும் மாவட்டஆட்சித் தலைவரிடம், மக்கள்தொகை தவறாக கணக்கெடுக்கப்ட்டுள்ளது எனவே மீண்டும் சரியான முறையில் கணக்கெடுப்பு எடுத்தால் 30 ஆயிரம் நிச்சயம் வரும் என்று வேண்டுகோள் விடுத்ததின் பேரில் இதை அவர் தமிழக அரசுக்கு பரிந்துரை செய்துள்ளார். நகராட்சியாக ஆக்குவதற்குத்தான் நாங்களும் பல முயற்சிகளை தொடர்ந்து எடுத்து வருகிறோம்.

6. சிமெண்ட் ரோடு (சிமிட்டி சாலைகள்) பல தெருக்களிலும் அமைக்கப்பட்டு வரும் நிலையில் அதன் ஓர பகுதிகளில் யாரேனும் தவறி விழும் அபாயங்கள் காணப்படுகிறதே, என்ன தீர்வு செய்யப்டுகிறது? - இப்னு ஹம்துன், (ரியாத்), பரங்கிப்பேட்டை

சிமெண்ட் சாலைகள் சுனாமி திட்டத்தின் கீழ்தான் அதிகமாகப் போடப்பட்டுள்ளது. திட்டத்தின்படி ஓரங்களில் செம்மண் அடித்து நடைபாதையாக அமைக்க வேண்டும் என்பதுதான் விதி. ஆனால் காண்ட்ராக்டார்களின் தாமதத்தினால் அது முழுமையாக செய்யப்படாமல் போய்விட்டது. செம்மண் முழுமையாக போடுவதற்குள் சுனாமி நிவாரண அதிகாரிகள் சுனாமித் திட்ட கணக்குகளை முடித்து விட்ட காரணத்தால் பாதியிலேயே நின்று விட்டது. இது குறித்து நடவடிக்கை எடுத்துள்ளோம். கூடிய விரைவில் இது சரி செய்யப்பட்டு விடும் இன்ஷாஅல்லாஹ்.

7. வெற்றி பெற்ற மேல் நிலைப்பள்ளி மாணவர்கள், எஸ்.எஸ்.எல்.சி. மாணவர்களுக்கு பரிசளிப்பு திட்டத்தை ஐ.இ.டி.சி நடைமுறைப்படுத்தி வந்தது. ஜமாத்தும் அதற்கான உதவிகளை, பங்களிப்பை செய்து வந்தது. இடையில் நிறுத்தப்பட்டாமல் தெடர்ந்தால் என்ன? - இப்னு ஹம்துன், (ரியாத்), பரங்கிப்பேட்டை

இதுவரைக்கும் நாங்கள் நிறுத்தவில்லை. வெற்றி பெற்ற மாணவர்களுக்கு ஐ.இ.டி.சி. (I.E.D.C.) யுடன் சேர்ந்து 7 வருடங்களாக தொடர்ந்து செய்து கொண்டுதான் இருக்கிறோம். கடந்த வருடம்கூட 600 மாணவர்களுக்கு சிங்கப்பூர் அமைப்பிலிருந்து பெற்ற நிதியுதவியுடன் இலவச நோட்டுகள், யூனிஃபார்ம் உடைகள், கல்விக் கட்டணம் மாவட்ட ஆட்சித் தலைவர் முன்னிலையில் வழங்கப்பட்டது. அதே மேடையில் வெற்றிபெற்ற மாணவ-மாணவிகளுக்கு வெள்ளிப் பதக்கங்கள் வழங்கப்பட்டது.

8. கடந்த சில ஆண்டுகளாக பொதுமேடைகளின் மூலம் தங்களால் வலியுறுத்தப்பட்டு வரும் கோரிக்கையான, 'கிராம நிர்வாக அலுவலர், வருவாய் ஆய்வாளர் அலுவலகங்கள் பரங்கிப்பேட்டை நகரினுள் அமைக்கப்பட வேண்டும்' என்ற கோரிக்கைக்கு வலுவூட்டும் வகையில் பேரூராட்சி மூலம் தீர்மானம் நிறைவேற்றப்பட்டு அரசின் கவனத்திற்;க்கு கொண்டு செல்லப்பட்டுள்ளதா? - ஹம்துன் A. அப்பாஸ், அல் ஹஸா, சவூதி அரேபியா

இது ஏற்கனவே திரு. ககன்தீப்சிங் பேடி மாவட்ட ஆட்சி தலைவராக இருக்கும்போதே ஜமாஅத் சார்பாக கோரிக்கை வைத்தோம். தற்போது புதிதாக கட்டப்பட்டுள்ள அரசினர் பெண்கள் மேல்நிலைப் பள்ளி விரைவில் அமைச்சரால் திறக்கப்ப் உள்ளது. அது திறக்கப்பட்ட உடன் தற்போது வண்டிக்காரத் தெருவில் இருக்கும் பள்ளிக் கட்டிடத்தில் கிராம நிர்வாக அலுவலகம், வருவாய் ஆய்வாளர் அலுவலகம், உதவி கல்வி இயக்குனர் அலுவலகம் ஆகியவற்றையும் கச்சேரிதெருவில் உள்ள தொடக்கப் பள்ளியையும் நூலகத்தையும் அங்கு மாற்ற முடிவு செய்து மாவட்ட ஆட்சித் தலைவரிடம் தெரிவித்துள்ளோம். இதை அவர் ஏற்றுக் கொண்டுள்ளார். நேரில் இடத்தை ஆய்வு செய்த பிறகு விரைவில் இந்த அலுவலகங்கள் இங்கு மாற்றப்ப பட்டுவிடும்.
9. சின்னக்கடை மீன் மார்க்கெட்டை புதியதாக கட்டும் எண்ணம் பேரூராட்சியின் செயல் திட்டத்தில் உள்ளதா? - ஹம்துன் A. அப்பாஸ், அல் ஹஸா, சவூதி அரேபியா

சுனாமி அவசரக்கால உதவித்திட்டத்தின் கீழ் சின்னக் கடை மீன் மார்க்கெட்டிற்காக ஏற்கனவே திட்டம் வகுக்கப்பட்டு பிறகு தள்ளபடி செய்யப்பட்டு விட்டது. தற்போது மீண்டும் சுனாமி நிதியில் மீதமுள்ள பணத்தில் பேரூராட்சிகளின் இயக்குனரகம்த்திற்கு 32 இலட்சம் ரூபாய் மதிப்பீட்டில் மாவட்ட ஆட்சித் தலைவர் முன்னிலையில் புதிய திட்டக் கொள்கையை அனுப்பி வைத்துள்ளோம். அதன்படி கோட்டாத்தங்கரை தெரு பக்கவாட்டில் 9 கடைகளும் அதன் வழியே கேட் போடப்பட்டு இறைச்சி கடை மார்க்கெட் மற்றும் மீன் மார்க்கெட் அமைக்கப்படும். அதுபோல சஞ்சீவிராயர் கோயில் தெருவில் 9 இலட்சம் ரூபாய் செலவில் ஆண் பெண்களுக்கு நவீன கழிவறை அமைக்கும் திட்ட மதிப்பீட்டினையும் அனுப்பி வைத்துள்ளோம். அகரம் ரயிலடி பக்கக்கால்வாயும் இதில் அடங்கும்.

10. சாமியார்பேட்டையில் அமைந்துள்ள குழந்தைகள் விளையாட்டு பூங்காவை விட இன்னும் சிறப்பான பூங்கா, கடல் வாழ்உயிரின ஆராய்ச்சி உயரரய்வு மையத்தின் உதவியுடன் அமைக்கும் திட்டம் நமது பேரூராட்சிக்கு உண்டா? - ஹம்துன் A. அப்பாஸ், அல் ஹஸா, சவூதி அரேபியா

இதற்காக திட்டத்தின் கீழ் திப்பு சுல்தான் போர் நினைவகத்தில் ஒரு பூங்கா ஏற்கனவே கட்டி முடிக்கப்பட்டு விட்டது. அதற்கு எதிரிலேயே மீனவர் பயிற்சி மையமும் கட்டப்பட்டுள்ளது. அதை ஒட்டி உணவகம், குடில்கள், படகு குழாம் கட்டப்பட்டு இவற்றுடன் புதிய படகுகள் (பிச்சாவரம் வரை செல்ல) விடவும் இதைத் தொடர்ந்து அங்கேயே சிறுவர் பூங்கா ஒன்றினையையும் நிறுவுவதற்கான வேலையும் ஆக மொத்தம் 50 இலட்சம் ரூபாய் செலவில் வேலைகள் நடைபெற்று வருகிறது. இன்னும் 6 மாதங்களில் இப்பணிகள் அனைத்தும் முடிந்த பிறகு, முழுக்க முழுக்க சாமியார்பேட்டை பீச்சுக்கு செல்வதை தவிர்க்கப்பட்டு, பரங்கிப்பேட்டையிலேயே அனைத்து வசதிகளுடன் எழில் நிறைந்த பீச்சை ரசிப்பதற்கும் விளையாடுவதற்கும் இடமாக மாறிவிடும். இதையொட்டி வெளிநாட்டினர் தங்க ஏதுவாக 20 காட்டேஜ குடில்கள் கட்டுவதற்கு மாவட்ட ஆட்சித் தலைவர் அனுமதியளித்துள்ளார். இந்தப் பணியும் விரைவில் ஆரம்பிக்கப்படும். அதுமட்டுமில்லாமல், முஸ்லிம் சகோதரர்கள் நிறைந்த பகுதியில் பாவா மரைக்ககாயர் பூங்காவினையும் இந்து சகாதரர்கள் நிறைந்த பகுதியில் அகரம் வீரப்பா பூங்காவினையும் தலா 4 இலட்சம் ரூபாய் செலவில் விளையாட்டு வசதிகளுடன் பணிகள் முடிக்கப்பட்டுவிடடது. இதுவும் விரைவில் திறக்கப்பட்டுவிடும்.

மேலும் வாசிக்க>>>> "பேரூராட்சி தலைவரும் இஸ்லாமிய ஜக்கிய ஜமாஅத்தின் தலைவருமான எம். எஸ். முஹமது யூனுஸ் அவர்கள் MYPNO வலைப்பூவிற்கு பிரத்யேகமாக அளித்த பேட்டியின் முதல் பகுதி"

1 கருத்துரைகள்!

அரசுப் பொதுத் தேர்வினைக் எதிர்கொள்வது குறித்தும், அடுத்து என்ன படிக்கலாம் என்பதைப் பற்றியும் பத்தாம் வகுப்பு மற்றும் ப்ளஸ் 2 மாணவர்களுடன் ஒரு கலந்துரையர்ல் நிகழ்ச்சிக்கு கல்விக்குழு நேற்று ஏற்பாடு செய்து மக்தூம் அப்பா பள்ளியில் நடத்தியது. கல்விக்குழுத் தலைவர் ஹமீத் மரைக்காயர் தலைமையில் நடைப்பெற்ற இந்நிகழ்ச்சியில் சிறப்பு பங்கேற்பாளர்களாக அ.பா. கலீல் அஹமது பாக்கவி மற்றும் இப்னு ஹம்துன் அவர்களும் கலந்துக் கொண்டு மாணவர்களடன் கலந்துரையாடல் நிகழ்த்தினர். மாணவர்களின் கேள்விகளுக்கு ஹமீத் பதிலளித்தார். கல்வியின் அவசியத்தை இப்னு ஹம்துன் வலியுறுத்தி பேசினார். கலீல் அஹமத் பாகவியின் உரை எல்லோராலும் ரசிக்கும்படியாகவும் மாணவர்களை சிந்திக்க தூண்டியதாகவும் அமையப்பபெற்றது இந்நிகழ்ச்சியின் சிறப்பம்சமாக இருந்தது.
மேலும் வாசிக்க>>>> "SSLC & ப்ளஸ் 2 மாணவர்களுடன் கல்விக்குழு நடத்திய கலந்துரையாடல் நிகழ்ச்சி!"

திங்கள், 25 பிப்ரவரி, 2008 0 கருத்துரைகள்!

CWO சார்பாக பரங்கிப்பேட்டையில் இலவச ஹோமியோபதி மருத்துவ முகாம் நடைபெற்றது.கிரஸண்ட் நல்வாழ்வு சங்கமும், புவனகிரி ஆயிஷா ஹோமியோ கிளினிக்கும் இணைந்து பரங்கிப்பேட்டையில் இரண்டாவது முறையாக இலவச ஹோமியோ மருத்துவ முகாம் (24-02-08) நடைபெற்றது. பல்வேறு நோய்களுக்கு இலவச சிகிச்சையும் மருந்தும் வழங்கப்பட்டது. இந்த முகாமின் மூலம் சுமார் 50 பேர் பயனடைந்தனர். இச்சிறப்பு முகாம் மீராப்பள்ளி தெருவில் உள்ள கிரஸண்ட் அலுவலகத்தில் நடைபெற்றது.
மேலும் வாசிக்க>>>> "CWO சார்பாக பரங்கிப்பேட்டையில் இலவச ஹோமியோபதி மருத்துவ முகாம்"

புதன், 20 பிப்ரவரி, 2008 0 கருத்துரைகள்!

பரங்கிப்பேட்டை டில்லி சாஹிப் தர்கா வளாகத்தில் ஐக்கிய தவ்ஹீத் ஜமாஅத் (ITJ) சார்பாக மார்க்க விளக்க தெரு முனை பிரச்சாரம் நடைப்பெற்றது. கூட்டத்தில் மவ்லவி. S.I. அப்துல் காதிர் மதனி "சமூக தீமைகள்" என்ற தலைப்பிலும், ஆலிமா ஹமீதுன்னிசா "ஸபர் மாதம் ஓர் ஆய்வு" என்ற தலைப்பிலும் உரையாற்றினார்கள். இக்கூட்டத்தில் திரளாக பெண்களும் ஆண்களும் கலந்துக்கொண்டு பயனடைந்தனர்.
மதரஸா மாணவ மாணவிகளுக்கு பரிசளிப்பு நிகழ்ச்சி நடைப்பெற்றது. இந்நிகழ்ச்சியில் ஐக்கிய தவ்ஹீத் ஜமாஅத் பரங்கிப்பேட்டை நகர துனைத்தலைவர் ஐ. ஹபீப் முஹம்மது பரிசளித்து சிறப்புரையாற்றினார்.
மேலும் வாசிக்க>>>> "ITJ சார்பாக பரங்கிப்பேட்டையில் மார்க்க விளக்க தெரு முனை பிரச்சாரம்!"

சனி, 16 பிப்ரவரி, 2008 1 கருத்துரைகள்!

Image source: MobileCam (poorQuality)
'சமரசம் உலாவும் இடமே' என்று சமத்துவத்திற்கு உதாரணமாக எல்லா காலத்திலும்-இனத்திலும் எடுத்துக் காட்டப்படுவது மயானங்கள் தான். எல்லோருக்குமே, யார் எவர் என்ற பாகுபாடின்றி ஆறடி மண்ணே அங்கு இருப்பிடமாகிறது.
நமதூர் பரங்கிப்பேட்டையின் மீராப்பள்ளி மயான பூமி சீரமைப்பிற்காக அண்ணா மறுமலர்சி திட்டத்தின்படி சுமார் 1.75 இலட்சம் ஒதுக்கப்பட்டது மகிழ்ச்சியான செய்தி. ஒரு பள்ளிவாசல் மயான சீரமைப்பிற்கு நிதி ஒதுக்கப்பட்டது இதுவே முதலமுறை. (இதற்கு முன்னர் கோவில்கள், தேவாலயங்களுக்கே ஒதுக்கப்பட்டிருந்தது). நிதி ஒதுக்கியது மட்டுமல்லாமல் மளமளவென சீரமைப்பு வேலையும் தொடங்கப்பட்டுவிட்டது.


புதிய சிமெண்ட் பாதை அமைக்கப்பட்டு, மின் விளக்கு கம்பங்கள் ஆங்காங்கே நிறுவப்பட்டு, சுற்று சுவர்களும் மேடு பள்ள சீரமைப்புகளும் முழுவேகத்தில் நடைபெறுகின்றன. இந்த வேகத்தில் நிழல் தந்த மரங்களும் வேரோடு சாய்க்கப்பட்டது வருத்தத்திற்குரியது தான். ஆனால் மயான சீரமைப்புக்கு மரங்களையும் சாய்க்கப்பட்டேயாக வேண்டும் என்றிருக்கும் நிலையில் ஆட்சேபத்திற்கு வழியில்லை தான். அதே சமயம், ஆங்காங்கே சில 'குடும்ப' கோரிகள் என்ற பெயரில் மய்யித்துக்களிடையே ஏற்றத் தாழ்வு கற்பிக்கும் - அதுவும் சிதைந்து போன நிலையில் காணப்படுகின்றது. அவற்றையும் நிரவி சமன் செய்தால் நன்றாக இருக்குமே என்பது பொதுமக்களின் எதிர்பார்ப்பாக இருக்கிறது
மேலும் வாசிக்க>>>> "'சமரசம் உலாவும் மயானத்தில்' இடஒதுக்கீடு?"

0 கருத்துரைகள்!

Image source: MobileCam (poorQuality)
இஸ்லாமிய இலக்கியக் கழகம் சார்பில் சிதம்பரத்தில் நேற்று மாலை கருத்தரங்கு கூட்டம் நடைபெற்றது. இதில் பரங்கிப்பேட்டையிலிருந்து 30-க்கும் மேற்பட்ட சகோதரர்களும், ஐக்கிய ஜமாஅத் மற்றும் கல்விக்குழு சார்பிலும் பலர் கலந்துக் கொண்டனர். விழா துவக்க உரையில் பரங்கிப்பேட்டை பேரூராட்சி மன்றத் தலைவர் எம். எஸ். முஹமது யூனுஸ் வாழ்த்துரையாற்றினார்.
இக்கருத்தரங்கில் கவிக்கோ அப்துல் ரகுமான், கேப்டன் அமீர் அலி மற்றும் எஸ். எம். இதயதுல்லாஹ் ஆகியோர் சிறப்புரையாற்றனார்கள். இட ஒதுக்கீடு பெற்றபின்னரும் அதை முழுமையாக அனுபவிக்காத குறைகளையும் மத்திய-மாநில அரசுகளின் சலுகைகள் உதவிகள் நிறைய இருந்தும், அதை பயன்படுத்திக் கொள்ளாத நிலையையும் சச்சார் குழு அறிக்கை விபரங்களையும் தனக்கே உரிய கவிதை நடையில் கவிக்கோ தெரிவித்தர்.
பள்ளிவாசல்கள் தோரும் மழலையர் பள்ளிகளை துவங்க முன்வருவோர்க்கு நிதி உதவிகள் அளிக்க தயாராக இருப்பதாக இதயதுல்லாஹ் கூறினார். மேலும் இஸ்லாமிய சமூகம் பயன்பெற வேண்டிய அரசின் பல்வேறு திட்டங்களையும் உதவிகளையும் அவற்றை பெற வேண்டிய வழிமுறைகளையும் தெளிவாக எடுத்துரைத்தார்.
மேலும் வாசிக்க>>>> "எத்தனை சலுகைகள்! மானியங்கள்!! உதவித்தொகைகள்!! ஆனால் பயனடையாத சிறுமான்மை சமூகம்! - கவிக்கோ வேதனை!!"

சனி, 9 பிப்ரவரி, 2008 1 கருத்துரைகள்!

பரங்கிப்பேட்டை ஒன்றிய தி.மு.க. வின் சார்பில் அரசின் சாதனை விளக்கப் பொதுக்கூட்டம் நடைபெற்றது. இதில் அமைச்சர் பன்னீர் செல்வம் கலந்து கொண்டு உரையாற்றினார். மேலும் சிறப்புப் பேச்சாளராக வெற்றிக்கொண்டான் உரை நிகழ்த்தினார். இதில் முத்துப்பெருமாள், பேரூராட்சி தலைவர் முஹமது யூனுஸ், பாண்டியன், முனவர் உசேன் மற்றும் கட்சியின் ஒன்றிய நிர்வாகிகள், செயளர்கள், கிளை நிர்வாகிகள் உட்பட பலர் கலந்துக் கொண்டனர்.
மேலும் வாசிக்க>>>> "பரங்கிப்பேட்டையில் தி.மு.க.வின் பொதுக்கூட்டம்."

செவ்வாய், 5 பிப்ரவரி, 2008 0 கருத்துரைகள்!

ஊனமுற்றவர்களுக்கு சுயதொழில் செய்ய நிதியுதவி




பேரூராட்சி சுனாமி அவவர கால திட்டத்தின் கீழ் உடல் ஊனமுற்றவர்களுக்கு சுயதொழில் செய்ய நிதியுதவி வழங்கும் விழா பேரூராட்சி அலுவலகத்தில் நடந்தது. இதில் ஊனமுற்ற 10 நபருக்கு தலா 10 ஆயிரம் உதவி தொகையை பேரூராட்சி தலைவர் முஹமது யூனுஸ் அவர்கள் வழங்கினார்.


இதில் பேரூராட்சி து. தலைவர் செழியன் மற்றும் உறுப்பினர்கள் பங்கேற்றனர்.
மேலும் வாசிக்க>>>> "ஊனமுற்றவர்களுக்கு சுயதொழில் செய்ய நிதியுதவி"

0 கருத்துரைகள்!


பரங்கிப்பேட்டை லயன்ஸ் கிளப் சார்பில் ஊரின் அனைத்து தெருக்கள்-சாலையோரங்களில் மரக்கன்றுகள் நடும் திட்டத் நேற்று துவங்கப்பட்டது. இதன்படி 2000 மரக்கன்றுகள் நட திட்டமிட்டு பணிகள் ஆரம்பித்துள்ளது. இதில் பேரூராட்சி தலைவர் முஹமது யூனுஸ் அவர்கள் கலந்துகொண்டு இத்திட்டத்தினை தொடங்கி வைத்தார். இதில் லயன்ஸ் கிளப் நிர்வாகிகள் கவுஸ் ஹமீது, முஹமது இப்ராஹிம், அஷ்ரப் அலி, செய்யது ஆரிப், ஹமீது சுல்தான் மற்றும் பலர் கலந்துக்கொண்டனர்.
மேலும் வாசிக்க>>>> "லயன்ஸ் கிளப் சார்பாக பரங்கிப்பேட்டையில் 2000 மரக்கன்றுகள் நடும் திட்டம் துவங்கியது."

திங்கள், 4 பிப்ரவரி, 2008 1 கருத்துரைகள்!


இராஜஸ்தான் நிதியுதவியுடன் புதிதாக கட்டப்ட்ட அரசு மருத்துவமனை மற்றும் அரசு பெண்கள் மேல்நிலைப் பள்ளி இன்னும் திறக்கப்படாத நிலையிலேயே உள்ளது. இப்புதிய கட்டிடங்கள் கட்டப்பட்டு மாதங்கள் பல ஆகியும் பூட்டிய நிலையிலேயே உள்ளது. அடுத்த மாதம், அடுத்த வாரம் என்றே நாட்கள் ஓடிவிட்ட நிலையில் இதுவரை எந்த புதிய தகவலும் திறப்பு விழா பற்றி கிடைக்கவில்லை. கடைசியாக பேரூராட்சி வட்டாரம் வாயிலாக கிடைத்த தகவலின்படி, ஒரு முக்கிய அமைச்சரின் தேதி கிடைக்காததினால்தான் இவ்வளவு நாட்கள் ஆகிவிட்டது, விரைவில் மாவட்ட ஆட்சி தலைவர் மற்றும் அந்த முக்கிய அமைச்சர் வர இருக்கிறார்கள், அதற்காக முழு மூச்சுடன் பேரூராட்சி தலைவர் செயல்நிலையில் இருப்பதாகவும் அறியப்பட்டது.
புதிய மருத்துவமனை திறக்கப்படவுள்ள இந்நிலையில், மருத்துவமனைக்கு வேண்டிய போதிய மருத்துவர்கள் நியமிக்க வேண்டும் முக்கியமாக இரவு நேர மருத்துவர் ஒருவரை உடனே பணியில் அமர்த்த வேண்டும் என்றும் பொதுமக்கள் மற்றும் பல்வேறு அமைப்புகளின் கோரிக்கையாக உள்ளது.
மேலும் வாசிக்க>>>> "எதற்கு இந்த காத்திருப்பு?"

வெள்ளி, 1 பிப்ரவரி, 2008 0 கருத்துரைகள்!


பரங்கிப்பேட்டை சஞ்சீவிராயன் தெருமுனையில் இன்று (30-01-2008) புதன் மாலை 6 மணிக்கு இந்திய கம்யூனிஸ்ட் கட்சி பல்வேறு கோரிக்கைகளை முன்னிருத்தி கண்டன ஆர்ப்பாட்டம் நடத்தியது. அரசு மருத்துவமனையில் இரவுநேர சிகிச்சைக்காக இரவுபணிநேர மருத்துவரை பணி அமர்த்தாதைக் கண்டித்தும்; பரங்கிப்பேட்டை பெண்கள் மேல்நிலைப் பள்ளி, புதிய அரசு மருத்துவமனை கட்டி முடிக்கப்பட்டு இதுவரை திறக்கப்படாமல் இருப்பதைக் கண்டித்தும்; பரங்கிப்பேட்டை பேரூராட்சில் 16, 17, 18 வார்டுகளில் தமிழக அரசு வழங்கும் இலவச கேஸ் இணைப்பிற்கு ஏழை-எளிய மக்களிடம் லஞ்சம் வாங்குவதைக் கண்டித்தும் இக்கண்டன ஆர்ப்பாட்டம் நடைபெற்றது.
மேலும் வாசிக்க>>>> "பரங்கிப்பேட்டையில் CPI சார்பாக கண்டன ஆர்ப்பாட்டம்!"

  • காவல் - 243224
  • மருத்துவமனை(G.H.) - 253996
  • ஆம்புலன்ஸ் - 253800
  • தீ - 243303
  • மின் வாரியம் - 253786
  • துணை மின்நிலையம் - 247220
  • தொலைபேசி BSNL - 243298
  • பேரூராட்சி - 243249
  • பேரூராட்சி - 243249
  • பஞ்சாயத்து யூனியன் - 243227
  • கேஸ் சர்வீஸ் - 243387
  • ஜமாஅத் - 253800
  • அஞ்சல் நிலையம் - 243203
  • சின்னகடை P.O. - 243230
  • இரயில்வே - 243228

  • Dr அங்கயற்கண்ணி - 253922
  • Dr அமுதா (SMC) . - 243392
  • Dr நகுதா Maricar - 243673
  • Dr பார்த்தசாரதி - 243396
  • Dr பிரேம்குமார் - 253580
  • Dr ஷகீலா பேகம் - 243234