இறப்புச் செய்தி

பெரிய ஆசாரகாண தெரு மர்ஹும் Z. சாலியா மரைக்காயர் (ராஜா நானா) மனைவியும் M.S.சாகுல் ஹமீது, M.S.பக்கிர் மாலிமாரின் தாயாரும் A.R. ஜபார் அலியின் சகோதரியும் பதுருல் ஜமான் மாமியாருமான தங்காமா என்கிற சஹர்வான் பி மர்ஹும் ஆகிவிட்டார்கள் இன்ஷா அல்லாஹ் இன்று மாலை 4 மணிக்கு நல்லடக்கம் புதுப்பள்ளியில்.

இன்னாலில்லாஹி வ இன்னா இலைஹி ராஜிவூன்.

தகவல்: இஸ்லாமிய ஐக்கிய ஜமாஅத்

அல்-மதரஸத்துல் மஹ்மூதிய்யா அரபிக்கல்லூரி ஹாஃபிழ் பட்டமளிப்பு விழா!

பரங்கிப்பேட்டை மாநகரில் சுமார் 35 ஆண்டுகளாக செயல்படும் அல்-மதரஸத்துல் மஹ்மூதிய்யா அரபிக்கல்லூரியின் 3வது ஹாஃபிழ் பட்டமளிப்பு விழா கடந்த வெள்ளிக்கிழமை (24.07.2009) அன்று மீராப்பள்ளி, மதரஸா வளாகத்தில்

நடைபெற்றது.

ஜமாஅத் தலைவர் எம்.எஸ். முஹம்மது யூனுஸ் தலைமையில் நடைபெற்ற இவ்விழாவில் மதரஸா நிர்வாகி கலிமா கே. ஷேக் அப்துல் காதர் மரைக்காயர் முன்னிலை வகித்தார்

மதரஸா பேராசிரியர் எஸ். முஜிபுர் ரஹ்மான் ரஷாதி கிராஅத் ஓதினார்.

மதரஸா முதல்வர் ஏ.சித்தீக் அலீ பாகவீ வரவேற்புரையாற்றினார்.

தமிழ்நாடு மாநில ஜமாஅத்துல் உலமா சபை தலைவர் ஏ.இ.எம். அப்துர் ரஹ்மான் ஹழ்ரத், லால்பேட்டை மன்பவுல் அன்வார் மதரஸா முதல்வர் ஏ.நூருல் அமீன் ஹழ்ரத் உள்ளிட்டோர் சிறப்புரையாற்றினர்.

சென்னை காஷிஃபுல் ஹுதா மதரஸா முதல்வர் கே. முஹம்மது யஃகூப் ஹழ்ரத் ஹாஃபிழ் மாணவர்களுக்கு பட்டம் (ஸனது) வழங்கி துஆ செய்தார்கள்.

ஐந்து மாணவர்கள் பட்டம் பெற்றார்கள்.

மதரஸா நிர்வாகி ஏ. முஹம்மது ஆரிஃப் ஆண்டறிக்கை வாசித்தார். (இணைப்பை பார்வையிடுக).

மற்றொரு நிர்வாகி ஏ. பஷீர் அஹ்மத் நன்றியுரையாற்றினார்.

இவ்விழாவில் சென்னை, லால்பேட்டை, சிதம்பரம் மதரஸா பேராசிரியர்கள், பட்டம் பெற்ற மாணவர்களின் பெற்றோர்கள், உறவினர்கள், பரங்கிப்பேட்டை நகர ஆலிம்கள், பள்ளிவாசல் இமாம்கள், முத்தவல்லிகள், பொதுமக்கள் என ஏராளமானோர் கலந்து கொண்டனர்.

சிதம்பரம் பகுதியில் தொடரும் தீ விபத்துகள்

சிதம்பரம், காட்டுமன்னார்கோவில் தாலுகாக்களில் கடந்த ஒருமாதமாக தொடர் தீ விபத்துகள் ஏற்பட்டு வருகின்றன. இவ்விரு தாலுகாக்களில் கோட்டைமேடு, கீழசெங்கல்மேடு, இளமங்கலம், வானமாதேவி, சி.சாத்தமங்கலம், கீரப்பாளையம், சிதம்பரம் சின்னமார்க்கெட், வடக்கு மெயின்ரோடு, உள்ளிட்ட பகுதிகளில் தொடர்ந்து தீ விபத்துகள் ஏற்பட்டுள்ளன. இதில் 200-க்கும் மேற்பட்ட வீடுகள் மற்றும் கடைகள் எரிந்து சாம்பலாகியுள்ளன. மூதாட்டி ஒருவரும், இளம்பெண் ஒருவரும் தீயில் சிக்கி இறந்துள்ளனர். ஆடு, மாடு உள்ளிட்ட கால்நடைகளும் இறந்துள்ளன என்று தினமணி நாளேடு செய்தி வெளியிட்டுள்ளது.

மேலும் இதுப்போன்றே இம்மாத துவக்கத்தில் பரங்கிப்பேட்டை நெல்லுக்கடை தெருவில் வெல்டிங் கடை ஒன்றிலும் தீ விபத்து ஏற்பட்டது. இந்நிலையில் நேற்று மதியம் மாதக்கோயில் பகுதியிலிருந்த சவுக்கு தோப்பில் திடீர் தீ விபத்து ஏற்பட்டது, தகவல் அறிந்த பரங்கிப்பேட்டை தீயணைப்புத்துறையினர் விரைந்து சென்று தீயை அணைத்தனர் அதற்குள் 5 ஏக்கர் நிலப்பரப்பில் இருந்த முந்திரி, சவுக்கு மரங்கள் எரிந்து நாசமானது. இதன் மதிப்பு சுமார் ரூ.5 லட்சம் ஆகும் என்று தினகரன் நாளேடு செய்தி வெளியிட்டுள்ளது.

மாவட்டத்தில் தீ தடுப்பு நடவடிக்கைகள் குறித்து, காவல்துறை, தீயணைப்புத் துறை அதிகாரிகளுடன் மாவட்ட ஆட்சியர் நேற்று ஆலோசனை நடத்தினார், பின்னர் இது குறித்து அவர் வெளியிட்டுள்ள செய்திக்குறிப்பில், இச்சம்பவங்களில் எவ்வித குற்ற நோக்கமும் இல்லை என்றும், முன்னெச்சரிக்கை நடவடிக்கைகள் குறித்தும் குறிப்பிட்டுள்ளார் என தினமணி நாளேடு தெரிவிக்கிறது

இறப்புச் செய்தி

வாத்தியாபள்ளிதெரு எ.தல்பாதர் மரைக்காயர் (ஹல்வா கடை) மனைவி ஹான்சாமா என்கிற காதர் நாச்சியார் இன்று வெள்ளிக்கிழமை (24-7-09) மர்ஹும் ஆகிவிட்டார்கள். இன்ஷா அல்லாஹ் இரவு 8 மணிக்கு நல்லடக்கம் மீராப்பள்ளியில்

இன்னாலில்லாஹி வ இன்னா இலைஹி ராஜிவூன்.

தகவல்: இஸ்லாமிய ஐக்கிய ஜமாஅத்

இறப்புச் செய்தி

தில்லி சாஹிப் தர்காவில் குப்பத்தார் என்கிற பஷீர் அஹமது அவர்கள் மர்ஹும் ஆகி விட்டார்கள். இன்ஷா அல்லாஹ் 12 மணிக்கு நல்லடக்கம் கிலுர்நபி பள்ளியில்.

இன்னா லில்லாஹி வ இன்னா இலைஹி ராஜிவூன்.

தகவல்: இஸ்லாமிய ஐக்கிய ஜமாத்

இன்றைய சூரிய கிரகண காட்சிகள்

Source: தினமலர்

இன்றைய சூரிய கிரகண காட்சிகள்

Source: தினமலர்

பரங்கிப்பேட்டை - சிதம்பரம் 13 கி.மீ. பயண தூரத்தில்

சிதம்பரம்-கடலூர் தேசிய நெடுஞ்சாலையில் தீத்தாம்பாளையம் - சி.முட்லூரை இணைக்கும் விதமாக புதிய பாலம் முடியும் கட்டி தருவாயில் உள்ளது. மிச்சமிருக்கும் இதர சில பணிகள் ஓரிரு மாதத்தில் முடிவடைந்து போக்குவரத்திற்காக திறந்து விட இருக்கும் நிலையில், பஸ் - லாரி போன்ற கனரக வாகனங்கள் தவிர்த்து இரு சக்கர வாகனங்கள், கார்-வேன் போன்றவைகள் பெரும்பாலும் பாலத்தின் பக்கவாட்டுவழியாக எளிதாக புவனகிரி செல்லாமல் சிதம்பரம் சென்றடைகின்றனர்.

மேலதிக விவரங்களுக்கு : www.mypno.com

மாற்றம் வரும் வரை தனித்துதான் செயல்படுவோம் - த.த.ஜ (TNTJ)

தமிழ்நாடு தவ்ஹீத் ஜமாஅத், பரங்கிப்பேட்டை கிளை சார்பில் தோணித்துறை அருகில் அஜீஸ்மியான் இல்லத்தில் நடைபெற்ற கலந்தாய்வு கூட்டத்தில் பி.ஜெய்னுல்லாபுதீன் கலந்துகொண்டு கேள்விகளுக்கு பதில் கூறினார்.

ஊரின் ஒற்றுமையை மையப்படுத்தி இஸ்லாமிய ஐக்கிய ஜமாஅத் என்று ஒன்று சிறப்பாக செயல்பட்டு வரும்போது, இப்படி எல்லாவற்றிற்கும் தனித்துதான் செயல்படுவோம் என்று நீங்களே ஏன் தனியாக செல்கிறீர்கள் என்று கேட்கப்பட்ட வினாவிற்கு அவர் அளித்த பதிலை அறிய www.mypno.com

கடலில் காற்று வீசுவதால் பரங்கிப்பேட்டையில் மீன் விலை திடீர் உயர்வு

பரங்கிப்பேட்டை:

கடலில் பலமான காற்று அடிப்பதால் மீனவர்கள் அதிக அளவில் மீன் பிடிக்க முடியவில்லை.

இதனால் நேற்று பரங்கிப்பேட்டையில் மீன் விலை திடீரென உயர்ந்தது.

பரங்கிப்பேட்டை கடற்கரையோர மீனவ கிராமங்களை சேர்ந்த மீனவர்கள் கடலில் பிடிக்கும் மீன்களை அன்னன்கோயிலில் ஏலம் விட்டு விற்பனை செய்து வருகின்றனர்.

மீன்பிடி தடை காலத்திற்கு பிறகு மத்தி, சூரை மீன் வகைகள் அதிகளவு கிடைத்தது.

இதனால் இங்கிருந்து கேரளா, ஆந்திரா உள்ளிட்ட மாநிலங்களுக்கு தினமும் சுமார் 20க்கு மேற்பட்ட லாரிகளில் ஏற்றுமதி செய்ததால் மீனவர்களுக்கு அதிக வருமானம் கிடைத்தது.

இந்நிலையில் சில நாட்களாக கடல் பகுதியில் பலத்த காற்று வீசி வருகிறது.

நேற்று கடலில் காற்றின் தாக்கம் அதிகம் இருந்ததால் மீனவர்கள் வலையை விரித்து மீன் பிடிக்க முடியாமல் கரைக்கு திரும்பினர்.

இதனால் வெளிமாநிலங்களுக்கு அதிகளவு ஏற்றுமதி செய்யப்படும் மத்தி, சூரை மீன்கள் வரத்து குறைந்ததால் 500 ரூபாயிற்கு விற்கும் ஒரு பாக்ஸ் மீன் நேற்று ஆயிரத்து 500 ரூபாயாக உயர்ந்தது.

இதனால் நேற்று கேரளாவிற்கு ஐந்து லாரிகளில் மட்டுமே மீன் கொண்டு செல்லப்பட்டது.

Source: தினமலர்

பரங்கிப்பேட்டை ஒன்றியத்தில் ஐந்து லட்சம் செலவில் ஆழப்படுத்தப்பட்ட குளம் மக்களுக்கு பயன்படாத அவலம்

ஐந்து லட்சம் செலவில் தூர்வாரப்பட்ட குளம் முறையாக தூர்வாரப்படாமல் மக்களுக்கு பயன்படாமல் உள்ளது.

பரங்கிப்பேட்டை ஒன்றியம் கீழ்அனுவம்பட்டு ஊராட்சியில் சந்தைதோப்பில் அனைத்து கிராம அண்ணா மறுமலர்ச்சி திட்டத்தின் கீழ் கடந்த ஆண்டு (2007-2008) ஐந்து லட்சம் ரூபாய் செலவில் குளம் தூர்வாரி ஆழப்படுத்தப்பட்டது.

ஆனால் குளத்தை முழுமையாக ஆழப்படுத்தாமல் பெயரளவில் குளத்தில் இருந்த மணலை ஒதுக்கி விட்டு, கரைப்பகுதியில் கல் அடிக்கப்பட்டது.

குளத்தை முழுமையாக தூர் வாரி சரி செய்யாததால் கடந்த நவம்பரில் ஏற்பட்ட மழையில் குளத்தில் தண்ணீர் தேங்கி குளம், தூர்ந்து, எவ்வித பயன்பாடும் இன்றியுள்ளது.

இந்த குளத்தை ஆழப்படுத்தி கரையை பலப்படுத்த அதிகாரிகள் நடவடிக்கை எடுக்க வேண்டும்.

Source: தினமலர்

பரங்கிப்பேட்டை ஒன்றியத்தில் ஆசிரியர்களுக்கு படைப்பாற்றல் பயிற்சி

பரங்கிப்பேட்டை ஒன்றியத்தில் 6 முதல் 8 வகுப்புகளுக்கு பாடம் நடந்தும் ஆசிரியர்களுக்கு அனைவருக்கும் கல்வி இயக்கம் சார்பில் படைப்பாற்றல் கல்வி குறித்த சிறப்பு பயிற்சி முகாம் நடந்தது.

முகாமில் கணக்கு, அறிவியல், ஆங்கிலம் மற்றும் சமுக அறிவியல் பாடம் குறித்து நான்கு கட்டங்களாக நடந்தது.

தலைமை ஆசிரியை மெர்சிஜாய் முன்னிலை வகித்தார்.

வட்டார வள மைய மேற்பார்வையாளர் சிவசண்முகம், உதவி தொடக்க கல்வி அலுவலர் முத்துசுகுமார் பயிற்சி முகாமை துவக்கி வைத்து ஆலோசனைகள் மற்றும் படைப்பாற்றல் கல்வி குறித்து பேசினார்.

முகாமில் பங்கேற்ற 128 ஆசிரியர்களுக்கு ஆசிரியர் பயிற்றுனர்கள் மாறன், ஜெயராமன், பாலமுருகன், பூங்கோதை, மாலதி, மஞ்சுளா, பாஸ்கர், கே.பாஸ்கரன், பிரியதர்ஷினி, வேம்பு பயிற்சி அளித்தனர்.

Source: தினமலர்

இறப்புச் செய்தி

தியாகுச் செட்டி தெரு, மர்ஹும் ஹனிபா மரைக்காயர் அவர்களின் மகனாரும், மர்ஹும் காதர் மஸ்தான் அவர்களின் மருமகனாரும், பாவா மரைக்காயர் அவர்களின் சகோதரரும், சாகுல் ஹமீது, ஜாஃபர் அலி, இவர்களின் தகப்பனாரும், அலி ஆஜம், ஜாக்கீர் உசேன் இவர்களின் மாமனாருமாகிய ஹாஜி H. கிதர் முஹம்மது அவர்கள் மர்ஹும்ஆகி விட்டார்கள்.
இன்ஷா அல்லாஹ் இன்று மாலை 4 மணிக்கு நல்லடக்கம் புதுப்பள்ளியில்.

தகவல்: இஸ்லாமிய ஐக்கிய ஜமாஅத்

சுனாமி எச்சரிக்கையை மக்களுக்கு தெரிவிக்க "சைரன் ஒலி" எழுப்பும் கருவி

சுனாமிக்கு பிறகு கடலில் அடிக்கடி ஏற்படும் மாற்றங்களைக் கண்டறிய இன்காய்ஸ் செயற்கைக்கோள் நிறுவனத்தின் உதவியுடன் எம்.எஸ்.சுவாமிநாதன் ஆராய்ச்சி நிறுவனம் சார்பில் ஐந்து லட்சம் ரூபாய் மதிப்பில் டிஜிட்டல் போர்டுடன் கூடிய கடல் தகவல் கருவி பரங்கிப்பேட்டையில் வைக்கப்பட்டுள்ளது.

இதன் மூலம் சுனாமி எச்சரிக்கை, கடல் அலைகளின் உயரம்,வானிலை அறிக்கை, பருவநிலை, மீன்வளம் நிறைந்த பகுதிகள், ஆகிய தகவல்கள் குறித்து தமிழ்,இந்தி,ஆங்கிலம் ஆகிய மொழிகளில் தகவல்களை தெரிந்துக்கொள்ளலாம், என்று தினமலர் நாளேடு செய்தி வெளியிட்டுள்ளது.

பரங்கிப்பேட்டை- பு.முட்லூர் சாலை ரூ.13 கோடி மதிப்பில் விரிவாக்க பணி

பரங்கிப்பேட்டை:

பரங்கிப்பேட்டை- பு.முட்லூர் சாலையில் 13 கோடி ரூபாய் மதிப்பில் புதிய பாலம் மற்றும் சாலை சீரமைப்பு பணி நடந்து வருகிறது.

பரங்கிப்பேட்டையில் இருந்து பு.முட்லூர் எம்.ஜி.ஆர்., சிலை வரை ஏழு கிலோ மீட்டர் நெடுஞ்சாலைதுறை சாலை உள்ளது.

சாலையை அப்பகுதியில் உள்ள சுமார் 25க்கும் மேற்பட்ட கிராம மக்கள் பயன்படுத்தி வருகின்றனர்.

பஸ் மற்றும் கனரக வாகங்கள், கார், வேன், இரு சக்கர வாகனங்கள் அதிக அளவில் சாலை வழியாக சென்று வருகிறது.

ஆனால் கடந்த சில ஆண்டுகளாக இந்த சாலை பல இடங்களில் குண்டும், குழியுமாக இருந்ததால் வாகன ஓட்டிகள், வியாபாரிகள் பள்ளி மாணவர்கள் கடும் அவதியடைந்து வருகின்றனர்.

கடந்த ஆண்டு ஏற்பட்ட வெள்ளத்தின்போது சாலையில் தண்ணீர் தேங்கி நின்றதால் சாலை மிகவும் மோசமான நிலைக்கு மாறியது.

வாகனங்கள் ஆங்காங்கே பழுதாகி நின்றன.

அகரம் ரயிலடி அருகே ஆங்கிலேயர் ஆட்சியில் கட்டப்பட்ட பாலம் பல இடங்களில் விரிசல் ஏற்பட்டதால் கனரக வாகனங்கள் புதுச்சத்திரம் வழியாக பரங்கிப்பேட்டைக்கு வந்து செல்கின்றன.

பொதுமக்களின் கோரிக்கையை ஏற்று 13 கோடி ரூபாய் மதிப்பில் பரங்கிப்பேட்டை- பு.முட்லூர் சாலையை அகலப்படுத்தி, ரயிலடி அருகே புதிய பாலம் கட்டும் பணி நடந்து வருகிறது.

Source: தினமலர்

பரங்கிப்பேட்டை மீராப்பள்ளி குளத்தின் மேற்கு கரை சரிவு

பரங்கிப்பேட்டை:

கடந்த ஆண்டு மழையின்போது மீராப்பள்ளி குளத்தின் மேற்கு கரையில் ஏற்பட்ட சரிவு தற்போது இன்னும் அதிகரித்து மோசமான நிலையில் உள்ளது.

மழைக்காலம் ஆரம்பித்துவிட்டால் இது கரையை ஒட்டியிருக்கும் நடைபாதையும் சரியும் அபாயம் உள்ளது.

எனவே, பருவ மழை துவங்குவதற்கு முன்பே இதை மீராப்பள்ளி நிர்வாகம் உடனடியாக சரி செய்ய வேண்டும்.

இல்லையெனில் சேதம் இன்னும் அதிகமாகவே ஆகும்.

பரங்கிப்பேட்டை விவசாயிகள் கவனத்துக்கு...

பரங்கிப்பேட்டை மற்றும் சிதம்பரம் வேளாண்மை விரிவாக்க மையங்களில் எதிர்வரும் சம்பா பருவதிற்கேற்ற பி.பி.டி.5204 மற்றும் ஏ.டி.டி.38 ஆகிய சான்று பெற்ற தரமான நெல் விதைகள் தேவையான அளவு இருப்பு வைக்கப்பட்டு விவசாயிகள் விநியோகத்துக்கு தயாராக உள்ளது என வேளாண் உதவி இயக்குநர் இ. தனசேகர் தெரிவித்துள்ளார்.

மேலும் அவர் வெளியிட்டுள்ள அறிக்கையில்...

'மண் வளத்தை பாதுகாத்து உரச்செலவை குறைக்கவல்ல உயில் உரங்களான அசோஸ்பைரில்லம், பாஸ்போ பாக்டீரியா விநியோகிக்கப்பட்டு வருகிறது என்றும், பயிருக்கு தேவையான நுண்ணூட்டங்களும் தேவையான இருப்பு உள்ளது. விவசாயிகள் மேற்கண்ட இடுபொருள்களை பெற்று பயன்பெற வேண்டும்' என அறிக்கையில் தெரிவித்தார்.

Source: தினமணி

பரங்கிப்பேட்டை அருகே கிராமத்தை விட்டு ஒதுக்கி வைத்ததாக மனித உரிமை ஆணையத்திடம் மீனவர் புகார்!

பரங்கிப்பேட்டை:

பரங்கிப்பேட்டை அருகே கிராமத்தை விட்டு ஒதுக்கி வைத்ததாக மனித உரிமை ஆணையத்திடம் மீனவர் புகார் கூறியுள்ளார்.

கடலூர் மாவட்டம் பரங்கிப்பேட்டை சி. புதுப்பேட்டை சின்னூர் தெற்கு தெருவை சேர்ந்தவர் வீரப்பசெட்டி.

இவரது மகன் ஆறுமுகம்.

இவர் மாநில மனித உரிமை ஆணையத்திடம் புகார் மனு அனுப்பி உள்ளார்.

அதில் அவர் கூறியிருப்பதாவது:-

எனக்கும், அதே ஊரை சேர்ந்த ஒரு பெண்ணுக்கும் பிரச்சினை ஏற்பட்டது.
இது குறித்து அந்த பெண் பரங்கிப்பேட்டை போலீசில் புகார் செய்தார்.

இதற்கிடையில் கிராம முக்கியஸ்தர்கள் பேசி சமாதானம் செய்தனர்.

அதையடுத்து நான் மீன்பிடிக்க சென்று விட்டேன்.

அதை தொடர்ந்து போலீசார் நடத்திய விசாரணை சரியில்லை என்று கிராம பஞ்சாயத்தார் என்னை மீண்டும் விசாரணைக்காக அழைத்தனர்.

அப்போது நான் தொழிலுக்கு சென்றதால் கால தாமதம் ஆகிவிட்டது.

அதன் பிறகு நாங்கள் கூப்பிட்டு நீ வரவில்லை என்று எனது ஊரில் எனக்கு

சாதிக் கட்டுப்பாடு செய்து விட்டார்கள்.

அன்று முதல் குடி தண்ணீர் கூட பிடிக்க முடியவில்லை.

எனது குடும்பத்தாருக்கும், எனக்கும் மன உளைச்சல் ஏற்பட்டுள்ளது.

எனது பேரக்குழந்தைகள் பள்ளிக்கு சென்றால் அங்கேயும், பேச மறுக்கின்றனர்.

ஊரில் நல்லது, கெட்டது நிகழ்ச்சிகளில் கலந்து கொள்ள முடியவில்லை.

இது பற்றி பரங்கிப்பேட்டை போலீசில் புகார் செய்தேன்.

ஆனால் அவர்கள் போலீஸ் நிலையம் வரவில்லை.

ஆகவே எனது குடும்பத்தின் மீதும் கருணை கொண்டு எனது இயல்பு நிலையை திரும்ப பெற்றுத் தருமாறு கேட்டுக் கொள்கிறேன்.

இவ்வாறு அந்த மனுவில் கூறியுள்ளார்.

Source: தினத்தந்தி

பரங்கிப்பேட்டை பகுதியிலுள்ள கிராமத்துக்குள் கடல் நீர் புகுந்துவிடாமல் தடுக்க தடுப்பணைகள் கட்டப்படுமா?

பரங்கிப்பேட்டை:

பரங்கிப்பேட்டை பகுதியிலுள்ள பெரியக்குப்பம் கிராமத்துக்குள் கடல் நீர் புகுந்து விடாமல் தடுக்க கடற்கரையோரம் தடுப்பணைகள் கட்ட வேண்டும் என்று பொதுமக்கள் எதிர்பார்த்துள்ளனர்.

கடலூர் மாவட்டம் பரங்கிப்பேட்டை பகுதியில் சுமார் 20-க்கும் மேற்பட்ட மீனவ கிராமங்கள் உள்ளது.

இந்த மீனவ கிராமங்கள் அனைத்தும் கடந்த 2004-ம் ஆண்டு ஏற்பட்ட சுனாமியால் பெரும் சேதம் ஏற்பட்டது.

அதன்பிறகு மீனவர்கள் தனது சகஜ நிலைக்கு திரும்ப வெகு நாட்கள் ஆனது.

இந்த நிலையில் சின்னூர், புதுக்குப்பம், புதுப்பேட்டை, வேளங்கிராயன்பேட்டை, சாமியார்பேட்டை, குமாரப் பேட்டை, மடவாப்பள்ளம், அய்யம் பேட்டை, அன்னப்பன் பேட்டை, பேட்டோடை, பெரியக்குப்பம் போன்ற கடலோர பகுதிகளில் கடல் சீற்றம் அதிகமாக காணப்படுகிறது.

இதனால் கடல் நீர் ஊருக்குள் புகும் அபாய நிலை ஏற்பட்டுள்ளது.

குறிப்பாக பெரியக்குப்பம் கிராம கடற்கரையோரம் கடல் சீற்றம் அதிகமாக உள்ளது.

இதனால் கடற்கரையோரம் உள்ள மணல் அரிப்பு ஏற்பட்டு தண்ணீர் ஊருக்குள் செல்லும் நிலையில் உள்ளது.

சுமார் 20 அடிக்கு மேல் அலை வீசி வருவதால் அப்பகுதி மக்கள் மிகுந்த பயத்துடனேயே வாழ்ந்து வருகின்றனர்.

ஏற்கனவே கடற்கரையோரம் நிற்கும் தென்னை மரங்கள் ஒவ்வொன்றாக

வேரோடு சாய்ந்து வருகின்றன.

குடிசைகள் காற்றில் பறக்கின்றன.

இதனால் தினந்தோறும் இப்பகுதி மீனவ மக்கள் நிம்மதியை இழந்து தவித்து வருகின்றனர்.

ஆகவே இப்பகுதி மக்கள் நிம்மதியாக வாழ பெரியக்குப்பம் கடற்கரை யோர பகுதிகளில் தரமான தடுப்பணைகள் கட்ட தமிழக அரசும், மாவட்ட நிர்வாகமும் முயற்சி எடுக்க வேண்டும் என்று அப்பகுதி மக்கள் எதிர்பார்த்துள்ளனர்.

Source: தினத்தந்தி

இறப்புச் செய்தி

கொத்தர் சந்தில் மர்ஹும் காதர் ஹசனா மரைக்காயர் அவர்களின் மகளாரும், மர்ஹும் அப்துல் ஜப்பார் அவர்களின் மனைவியும், ஃபாரூக், ஃபைஜல் அவர்களின் தாயாருமாகிய பௌஜியா பேகம் அவர்கள் மர்ஹும் ஆகிவிட்டார்கள். இன்ஷா அல்லாஹ் இன்று இரவு 8 மணிக்கு நல்லடக்கம் மீராப்பள்ளியில்.

இன்னாலில்லாஹி வ இன்னா இலைஹி ராஜிவூன்

தகவல்: இஸ்லாமிய ஐக்கிய ஜமாஅத்

பரங்கிப்பேட்டையில் துறைமுகம்

தமிழக சட்டப்பேரவையில், நெடுஞ்சாலைகள் மற்றும் சிறுதுறைமுகங்கள் துறை மானியக் கோரிக்கைக்கு பதில் அளித்து அமைச்சர் வெள்ளக்கோயில் சாமிநாதன் பேசுகையில், பரங்கிப்பேட்டையில் ரூ.1000 கோடியில் துறைமுகம் அமைக்கப்படும் என்று கூறியுள்ளார்.

The State government has sanctioned three captive ports and a jetty to be developed at a total investment of Rs.3,350 crore.

The sites for the captive ports are Paramankeni village in Kancheepuram district, Udangudi in Tuticorin and Parangipettai in Cuddalore. The captive jetty will come up near Poompuhar in Nagapattinam district. All these facilities will handle coal for proposed thermal power projects.

The Paramankeni port, estimated to cost Rs.1,500 crore, is meant for an ultra mega power project of 4,000 megawatt at Cheyyur. The Rs.350-crore Udangudi port will cater for the 1,600-MW Udangudi plant and the Rs.1,000-crore Parangipettai port for the 4,000-MW power plant. The Rs.500-crore Poompuhar jetty will serve the 1,320-MW plant.

நன்றி: தினத்தந்தி, தி ஹிந்து

இறப்புச் செய்தி

சாணார முடுக்கு தெருவில் மஹபுப் பாஷாவின் மகளும் ஹல்வா கடை இப்ராஹிம் அவர்களின் மருமகளும் பெரியதம்பியின் மனைவியுமாகிய பரக்கத் நிசா மர்ஹும் ஆகிவிட்டார்கள். இன்ஷா அல்லாஹ் இன்று மாலை 4-30 மணியளவில் நல்லடக்கம் மீராபள்ளியில்.

இன்னாலில்லாஹி வ இன்னா இலைஹி ராஜிவூன்.

தகவல்: இஸ்லாமிய ஐக்கிய ஜமாஅத்

பரங்கிப்பேட்டை அருகே பூவாலை வாய்க்கால் பாலத்தில் தடுப்பு சுவர் இல்லாததால் விபத்து ஏற்படும் ஆபத்து - அதிகாரிகள் நடவடிக்கை எடுப்பார்களா?

பரங்கிப்பேட்டை:

பரங்கிப்பேட்டை அருகே பூவாலை வாய்க்கால் பாலத்தில் தடுப்பு சுவர் இல்லாததால் விபத்து ஏற்படும் ஆபத்து ஏற்பட்டுள்ளது.

இதை தடுக்க அதிகாரிகள் உரிய நடவடிக்கை எடுக்க வேண்டும் என்று பொது மக்கள் விரும்புகின்றனர்.

கடலூர் மாவட்டம் பரங்கிப்பேட்டை ஊராட்சி ஒன்றியம் வில்லியநல்லூர் ஊராட்சியில் இருந்து வயலாமூர் வரை உள்ள கிராம நெடுஞ்சாலை உள்ளது.

இந்த சாலையில் பூவாலை அருகே பெரிய வாய்க்கால் பாலம் உள்ளது.

இந்த பாலத்தின் வழியாக நாள்தோறும் பஸ், இரு சக்கர வாகனங்கள் மற்றும் கனரக வாகனங்கள் சென்று வருகின்றன.

இந்நிலையில் இப்பாலத்தின் இரண்டு புறமும் தடுப்பு கட்டைகள் உடைந்து விழுந்து விட்டன.

தற்போது பாலத்தில் தடுப்பு சுவர் இல்லாமல் மொட்டையாக காணப்படுகிறது.

தற்போது இந்த பாலத்தின் வழியாக செல்லும் வாகன ஓட்டிகளுக்கு எந்த பாதுகாப்பும் இல்லாமல் உள்ளது.

மேலும் பாலத்தில் மின் விளக்கு வசதியும் இல்லாததால் இரவு நேரத்தில் இருசக்கர வாகனங்களில் செல்லுபவர்களுக்கு கண்டிப்பாக விபத்து ஏற்படும் அபாயம் உள்ளது.

எனவே பொது மக்களின் நலன்கருதி வில்லியநல்லூர் - பூவாலை சாலையில் உள்ள பாலத்தின் இரண்டு புறமும் உடைந்துள்ள தடுப்பு கட்டைகளை உடனடியாக கட்ட சம்மந்தப்பட்ட அதிகாரிகள் நடவடிக்கை எடுக்க வேண்டும் என்று பொதுமக்கள் எதிர்பார்க்கின்றனர்.

Source: தினத்தந்தி

தேசிய வேலை உறுதியளிப்பு திட்டத்தில் பரங்கிப்பேட்டைக்கு ரூ.9.6 கோடி ஒதுக்கீடு

பரங்கிப்பேட்டை:

பரங்கிப்பேட்டை ஒன்றியத்தில் தேசிய ஊரக வேலை உறுதியளிப்பு திட்டத்தில் 9 கோடியே 66 லட்சம் ரூபாய் மதிப்பில் பணிகள் செய்ய முடிவு செய்யப்பட்டுள்ளது.

பரங்கிப்பேட்டை ஒன்றியத்தில் 41 ஊராட்சிகளில் தேசிய ஊரக வேலை உறுதியளிப்பு திட்ட பணி நடந்து வருகிறது.

கொத்தட்டை ஊராட்சி பஞ்சங்குப்பத்தில் 5 லட்சம் ரூபாய் மதிப்பில் நடைபெற்று வரும் புதிய குளம் அமைக்கும் பணியை சேர்மன் முத்துப் பெருமாள், ஆணையர்கள் நடராஜன், நீலகண்டன் ஆகியோர் ஆய்வு செய்தனர்.

பின்னர் ஒன்றிய ஆணையர் நடராஜன் கூறுகையில், பரங்கிப்பேட்டை ஒன்றியத்தில் இந்த ஆண்டு 9 கோடியே 66 லட்சம் ரூபாயில் 236 பணிகள் செய்ய முடிவு செய்யப்பட்டுள்ளது.

புதிய குளம் அமைத்தல், பழைய குளம் தூர்வாருதல், நீர் பாசன வாய்க்கால் தூர்வாருதல், புதிய சாலை அமைத்தல் உள்ளிட்ட பணிகளுக்கு முக்கியத்துவம் கொடுக்கப்படும்.

வேலை அளவிற்கேற்ற சம்பளம் வழங்கப்படுகிறது.

ஒரு நபர் 12 அடி நீளம், 8 அடி அகலமும், கடினமான இடங்களில் 10 அடி நீளம், 6 அடி அகலம் வெட்டினால்தான் முழுமையான சம்பளமான 80 ரூபாய் கிடைக்கும் என்றார்.

ஆய்வின் போது கவுன்சிலர் ராஜாராமன், ஊராட்சி தலைவர் பழனி, ஒன்றிய மேற்பார்வையாளர் மோகன் உள்ளிட்டோர் உடனிருந்தனர்.

Source: தினமலர்

தேசிய வேலை உறுதியளிப்பு திட்டத்தில் பரங்கிப்பேட்டைக்கு ரூ.9.6 கோடி ஒதுக்கீடு

பரங்கிப்பேட்டை:

பரங்கிப்பேட்டை ஒன்றியத்தில் தேசிய ஊரக வேலை உறுதியளிப்பு திட்டத்தில் 9 கோடியே 66 லட்சம் ரூபாய் மதிப்பில் பணிகள் செய்ய முடிவு செய்யப்பட்டுள்ளது.

பரங்கிப்பேட்டை ஒன்றியத்தில் 41 ஊராட்சிகளில் தேசிய ஊரக வேலை உறுதியளிப்பு திட்ட பணி நடந்து வருகிறது.

கொத்தட்டை ஊராட்சி பஞ்சங்குப்பத்தில் 5 லட்சம் ரூபாய் மதிப்பில் நடைபெற்று வரும் புதிய குளம் அமைக்கும் பணியை சேர்மன் முத்துப் பெருமாள், ஆணையர்கள் நடராஜன், நீலகண்டன் ஆகியோர் ஆய்வு செய்தனர்.

பின்னர் ஒன்றிய ஆணையர் நடராஜன் கூறுகையில், பரங்கிப்பேட்டை ஒன்றியத்தில் இந்த ஆண்டு 9 கோடியே 66 லட்சம் ரூபாயில் 236 பணிகள் செய்ய முடிவு செய்யப்பட்டுள்ளது.

புதிய குளம் அமைத்தல், பழைய குளம் தூர்வாருதல், நீர் பாசன வாய்க்கால் தூர்வாருதல், புதிய சாலை அமைத்தல் உள்ளிட்ட பணிகளுக்கு முக்கியத்துவம் கொடுக்கப்படும்.

வேலை அளவிற்கேற்ற சம்பளம் வழங்கப்படுகிறது.

ஒரு நபர் 12 அடி நீளம், 8 அடி அகலமும், கடினமான இடங்களில் 10 அடி நீளம், 6 அடி அகலம் வெட்டினால்தான் முழுமையான சம்பளமான 80 ரூபாய் கிடைக்கும் என்றார்.

ஆய்வின் போது கவுன்சிலர் ராஜாராமன், ஊராட்சி தலைவர் பழனி, ஒன்றிய மேற்பார்வையாளர் மோகன் உள்ளிட்டோர் உடனிருந்தனர்.

Source: தினமலர்

பரங்கிப்பேட்டை அருகே கோஷ்டி மோதல் - 10 பேர் கைது

பரங்கிப்பேட்டை அருகே ஏற்பட்ட கோஷ்டி மோதலில் 10 பேரை போலீசார் கைது செய்தனர்.

கடலூர் மாவட்டம் பரங்கிப்பேட்டை, புதுச்சத்திரம் அருகே உள்ள கீழ் பூவாணிக்குப்பம் கிராமத்தில் தேசபக்தி மாரியம்மன் கோவில் உள்ளது.

இந்த கோவிலில் ஆண்டுதோறும் ஆடி திருவிழா நடைபெறும்.

அதேபோல் இந்த ஆண்டு ஆடி திருவிழா கொண்டாடுவது குறித்து நேற்று முன்தினம் ஊரில் கூட்டம் நடத்தப்பட்டது.

கூட்டத்தில் திருவிழா கொடுப்பதற்கு வீட்டுக்கு ரூ.300 வசூல் செய்ய வேண்டும் என்று பேசி முடிவு செய்யப்பட்டது.

மேலும் பணம் போதுமானதாக இல்லையென்றால், அதே ஊரை சேர்ந்த விடுதலை சிறுத்தைகள் ஒன்றிய செயலாளர் ஜெயக்குமார் (வயது 32) செலவிடுவார் என்று கூறப்பட்டது.

அப்போது கூட்டத்தில் கலந்து கொண்ட ரகு என்பவர், ஜெயக்குமார் தலைமையில் திருவிழா நடத்துவதா என்று கூறி திட்டியதாக தெரிகிறது.

இதனால் ஜெயக்குமார், ரகுவுக்கும் இடையே வாய்த் தகராறு ஏற்பட்டது.

வாய்த் தகராறு முற்றி கோஷ்டி மோதலாக மாறியது.

இதில் ரகு ஒரு கோஷ்டியாகவும், ஜெயக்குமார் ஒரு கோஷ்டியாகவும் கட்டை, இரும்புபைப் போன்ற ஆயுதங்களால் மோதிக் கொண்டனர்.

இந்த தாக்குதலில் 2 தரப்பை சேர்ந்தவர்களும் காயமடைந்தனர்.

இது பற்றி புதுச்சத்திரம் போலீசில் ரகு தரப்பை சேர்ந்த பிரகாஷ், ஜெயக்குமார் ஆகிய 2 பேரும் தனித்தனியே புகார் செய்தனர்.

அதன்பேரில் போலீசார் வழக்குப்பதிவு செய்து பிரகாஷ் கொடுத்த புகாரின் பேரில் ஆனந்தராஜ் (26), தம்பிராஜா (23), பாபு (32) ஆகிய 3 பேரையும் கைது செய்தனர்.

ஜெயக்குமார் கொடுத்த புகாரின் பேரில் ரகு தரப்பை சேர்ந்த பரந்தாமன் (21), முத்தையன் (55), பாவாடை (40), பாஸ்கர் (35), பாலு மனைவி கலா (35), அல்லிமுத்து (35), லட்சுமணன் (31) ஆகிய 7 பேரையும் கைது செய்தனர்.

Source: தினத்தந்தி

பரங்கிப்பேட்டையில் அனுமதியின்றி பெட்ரோல் விற்பனை - 4 பேர் கைது

கடலூர் மாவட்டம் பரங்கிப்பேட்டை பகுதியில் அனுமதியின்றி பெட்ரோல் விற்பனை செய்யப்படுவதாக மாவட்ட போலீஸ் சூப்பிரண்டு அஸ்வின் கோட்னிசுக்கு தகவல் கிடைத்தது.

அதன்படி பரங்கிப்பேட்டையில் அனுமதியின்றி பெட்ரோல் விற்பனை செய்பவர்களை கைது செய்ய உத்தரவிட்டார்.

அதன்பேரில் நேற்று போலீஸ் சப்-இன்ஸ்பெக்டர்கள் செல்வராஜ், ராதா, மகேஷ்வரி மற்றும் போலீசார் பரங்கிப்பேட்டை பகுதியில் தீவிர தேடுதல் வேட்டை நடத்தினர்.

அப்போது பரங்கிப்பேட்டை மெயின்ரோட்டை சேர்ந்த முருகேசன் மகன் ஸ்ரீதர் (வயது 37), சாலக்கார தெருவை சேர்ந்த ஆதிமூலம் மகன் கிருஷ்ண மூர்த்தி (35), பீட்டர் தெருவை சேர்ந்த முகமது சுல்தான் மகன் முஜிப் (32), பரங்கிப்பேட்டை சின்னக்கடையை சேர்ந்த உதுமான் மகன் பரகத் அலி (31) ஆகிய 4 பேரும் அனுமதியின்றி பெட்ரோல் விற்பனை செய்து வந்தனர்.

அதையடுத்து அவர்கள் 4 பேரையும் போலீசார் கைது செய்தனர்.

அவர்களிடம் இருந்த பெட்ரோல், டீசல் பறிமுதல் செய்யப்பட்டது.

அதேபோல் சிதம்பரத்தில் லைசன்ஸ், பெர்மிட் இல்லாமலும், ஒரு வழிப்பாதை வழியாக சென்ற 10-க்கும் மேற்பட்ட ஆட்டோக்களை பறிமுதல் செய்து சிதம்பரம் நகர போலீசார் வழக்குப்பதிவு செய்தனர்.

Source: தினத்தந்தி

சில நிமிடங்களில் கருகி காலி கொட்டகையானது வெல்டிங் ஷாப்

பரங்கிப்பேட்டை:

நெல்லுக்கடை தெருவில் கீற்று கொட்டகையில் வெல்டிங் பட்டறை ஒன்று இயங்கி வந்தது.

இன்று இந்த பட்டறையில் தினசரி வேலை நடந்துகொண்டிருந்த போது, சிறிய தீப்பொறி கொட்டகையில் தெறித்து தீ பரவியது.

ஆனால் சில நிமிட நேரங்களில் தீ கொட்டகை முழுதிற்கும் பரவியதினால் அணைக்க முயற்சித்தும் பலனற்று கருகிப் போனது.

அதிகப் பொருட் சேதம் தவிர்க்கப்பட்டாலும், வெல்டிங் பட்டறைகள் இதுபோன்று கொட்டகையில் பாதுகாப்பின்றி குடியிருப்பு பகுதிகளுக்கிடையே இயங்குவது சட்டவிதிகளுக்கு முரணானது.

இனிமேலாவது இது போன்ற சம்பவங்களை கருத்தில் கொண்டு கீற்று கொட்டகையை தவிர்க்க வேண்டும் என்றார் அருகில் கடை வைத்திருக்கும் கடைகாரர் ஒருவர்.

பரங்கிப்பேட்டை லயன்ஸ் கிளப் விழாவில் மாணவ-மாணவிகளுக்கு பரிசளிப்பு!

பரங்கிப்பேட்டை:

பரங்கிப்பேட்டை லயன்ஸ் கிளப் புதிய நிர்வாகிகள் நேற்று பொறுப்பேற்றுக்கொண்டனர்.

அப்போது கும்மத்பள்ளி மாணவ-மாணவிகளுக்கு இலவச நோட்டு புத்தகங்கள் மற்றும் நினைவு பரிசு வழங்கப்பபட்டது.

மேலும் இவ்வவிழாவில் அரசுத் தேர்வுகளில் முதல் மதிப்பெண்கள் பெற்ற மாணவ-மாணவிகளுக்கு நினைவு பரிசுகளும், கும்மத்பள்ளி ஆரம்ப பள்ளியின் வகுப்பறைக்கு பாயும் வழங்கப்பட்டது.

இவ்விழாவில் புதிய நிர்வாகிகள் மற்றும் பழைய நிர்வாகிகள் உட்பட சிறப்பு விருந்தினர்கள் மற்றும் பலர் கலந்துக் கொண்டனர்.

விழா இறுதியில் உணவு பரிமாறப்பட்டது.

அதிரடி போஸ்டர்களும் குமுறல்களும்

பரங்கிப்பேட்டை:

பாராளுமன்ற தேர்தலில் வெற்றி பெற்றமைக்கு நன்றி தெரிவிக்கும் விதமாக நேற்று முன் தினம் விடுதலை சிறுத்தைகள் கட்சியின் தலைவர் திருமாவளவன் பரங்கிப்பேட்டை நகருக்கு வருகை புரிந்தார்.

இவருடைய திடீர் வருகையினால் செய்வதறியாது திகைத்து நின்ற நகர சிறுத்தைகள் அதிரடியாக நன்றி அறிவிப்பு போஸ்டர்களை வீதியெங்கும் சுவர்களில் ஒட்டினர்.

ஆனால் இது சிலருக்கு (வீட்டு உரிமையாளர்கள்) சற்று கோபத்தை வரவழைத்தது. தேர்தலின் போதுதான் அனுமதியின்றி எங்கள் வீட்டு சுவர்களை வீணாக்கி சென்றார்கள்.

இருந்தும் தேர்தலில் வெற்றி பெற்றமைக்கு நன்றி தெரிவிக்கிறோம் என்கிற பெயரில் காலம் கடந்து இப்போது அதிரடியாக எங்கள் வீட்டு சுவர்களை வீணாக்கி சென்றுள்ளனர் என்று குமுறினார் ஒரு இல்லத்தரசர்.

பரங்கிப்பேட்டை லயன்ஸ் கிளப் புதிய நிர்வாகிகள் பதவியேற்பு விழா!

பரங்கிப்பேட்டை:

பரங்கிப்பேட்டை லயன்ஸ் கிளப்பின் புதிய நிர்வாகிகள் பதவியேற்பு விழா மற்றும் பரிசளிப்பு விழா அண்ணாமலை கடல்வாழ் உயிரியல் கல்லூரி அரங்கத்தில் நேற்ற மாலை நடைபெற்றது.

விழாவில் சட்டமன்ற உறுப்பினர் செல்வி இராமஜெயம் சிறப்பு விருந்தினராக பங்குபெற்றார்.

புதிய நிர்வாகிகளாக O.A.W. பாவாஜான் புதிய தலைவராகவும், M. இராதாகிருஷ்ணன் புதிய செயலாளாளராகவும், A.K.T. அன்சாரி புதிய பொருளாளராகவும் பதவியேற்றுக் கொண்டனர்.

பொருப்பேற்றுக் கொண்ட புதிய நிர்வாகிகள் விபரம்:

• தலைவர்: O.A.W. பாவாஜான்
• செயளாளர்: M. இராதாகிருஷ்ணன்
• பொருளாளர்: A.K.T. அன்சாரி
• து. தலைவர்கள்: Er. P. அருள்வாசகம், K. அரசு, T. ஜெயராமன்
• து. செயளாளர்: A. காஜா அமினுத்தீன்
• து. பொருளாளர்: M. ஹமீது சுல்தான்
• P.R.O. : M.S. சுல்தான் சேட்

விழா முன்னுரையின் போது M. கவுஸ் ஹமீது (Raja), M.S. சுல்தான் சேட் ஆகியோர் முந்தைய நிர்வாகத்தின் சாதனைகளை விளக்கினார்கள்.

விழாவின் சிறப்பு விருந்தினர்களாக பங்குபெற்ற சட்டமன்ற உறுப்பினர் செல்வி இராமஜெயம், பேரா. அஜ்மல் கான் வாழ்த்துரை வழங்கினார்கள்.

பரங்கிப்பேட்டையில் மாணவர்களுக்கு பரிசளிப்பு விழா!

பரங்கிப்பேட்டை அடுத்த வேளங்கிப்பட்டு அரசு உயர்நிலைப் பள்ளியில் பத்தாம் வகுப்பு அரசு பொதுத்தேர்வில் மூன்று இடங்களை பிடித்த மாணவர்களுக்கு பரிசு வழங்கும் விழா நடந்தது.

தலைமை ஆசிரியர் காந்திமதி தலைமை தாங்கினார்.

பள்ளி அளவில் முதல் இடத்தை பிடித்த ராஜசுந்தரிக்கு ஆயிரத்து 500 ரூபாய், இரண்டாம் பிடித்த அனிதாவுக்கு ஆயிரம் ரூபாய், மூன்றாம் இடம் பிடித்த சாந்தினி, சரஸ்வதி ஆகிய இருவருக்கும் தலா 500 ரூபாய் வீதம் மாவட்ட கவுன்சிலர் செல்வரங்கன் பரிசு வழங்கினார்.

உதவி தலைமை ஆசிரியர் மோகன்தாஸ் உள்ளிட்டோர் கலந்து கொண்டனர்.

Source: தினமலர்

பரங்கிப்பேட்டை மீனவ கிராமங்களில் போலீசார் விழிப்புணர்வு கூட்டம்

பரங்கிப்பேட்டை:

வெளிநபர்கள் நடமாட்டம் குறித்து போலீசுக்கு தகவல் தெரிவிக்க கடலூர் மாவட்டத்தில் மீனவ கிராமங்களில் போலீசார் விழிப்புணர்வு கூட்டம் நடத்தி வருகின்றனர்.

கடற்கரை மீனவ கிராமங்களில் விழிப்புணர்வு கூட்டம் நடத்துமாறு போலீசாருக்கு எஸ்.பி., உத்தரவிட்டுள்ளார்.

அதன்படி கடந்த இரண்டு நாட்களாக சிதம்பரம் அருகே பரங்கிப்பேட்டை மற்றும் புதுச்சத்திரம் போலீஸ் நிலையம் சார்பில் பரங்கிப்பேட்டை அடுத்த புதுப்பேட்டை, புதுக்குப்பம், சாமியார் பேட்டை, வேளங்கிராயன் பேட்டை, சின்னூர் உட்பட 20க்கும் மேற்பட்ட கிராமங்களில் விழிப்புணர்வு கூட்டம் நடத்தப்பட்டது.

கூட்டத்தில் புதுச்சத்திரம் இன்ஸ்பெக்டர் முருகேசன், சப் இன்ஸ்பெக்டர்கள் செல்வராஜ், ராதா, வீரமணி மற்றும் போலீசார் பங்கேற்றனர்.

கூட்டத்தில் வெளிநபர்கள் நடமாட்டம், சட்டம் ஒழுங்கு பிரச்னைகள், கடலில் மீன் பிடிக்கும்போது மீனவர்கள் மாயமானாலும் போலீஸ் ஸ்டேஷனுக்கு தகவல் தெரிவிக்க அறிவுறுத்தப்பட்டது.

மேலும் அந்தந்த கிராமங்களை சேர்ந்த தலைவர், துணை தலைவர் உள்ளிட்ட முக்கிய நிர்வாகிகளின் புகைப்படத்துடன் மொபைல் போன் நம்பர்களை சேகரித்தனர்.

Source: தினமலர்

ஐந்து ஆண்டுகள் முழுவதும் தொடர்ந்து முஸ்லிம்களுக்காக பாரளுமன்றத்தில் குரல் கொடுப்பேன்: திருமா உறுதி.

பரங்கிப்பேட்டை: பாரளுமன்ற தேர்தலில் வெற்றி பெற்றதற்கு நன்றி தெரிவிக்கும் விதமாக இன்று பரங்கிப்பேட்டைக்கு வருகைபுரிந்தார் விடுதலை சிறுத்தைகள் கட்சியின் தலைவரும் பாரளுமன்ற உறுப்பினருமான தொல். திருமாவளவன்.

அப்போது அவர் பேசியதாவது:

நாடாளுமன்ற அவையில் பேசுவதற்கான அனுமதி பெறுவதற்கே மனு கொடுத்து, மன்றாட வேண்டியிருக்கிறது. பிரதமர் இல்லாத அவையில் என்னைப் பேசச் சொன்னபோது, நான் மறுத்தேன். 'நாளை பேசுகிறேன்' என்றேன். ஆனால், 'இன்று நீங்கள் பேசவில்லை என்றால், இந்த அமர்வில் பேசவே முடியாது' என்றார்கள். அதிலும் எனக்கு ஒதுக்கப்பட்டது வெறும் ஐந்து நிமிடங்கள். என்னைப் போல் 'கடமைக்கு'ப் பேசக் காத்திருந்த 20 உறுப்பினர்கள் இருந்த அவையில் முடிந்த அளவுக்கு என் கருத்துக்களைப் பதிவு செய்தேன்.
அந்த முதல் பதிவின்போதுகூட பாபர் மஸ்ஜித் பிரச்சினை வ pரைந்து முடிக்கபட வேண்டும் என்று குரல் எழுப்பினேன்ற. நேற்றுகூட லிபரான் அறிக்கை குறித்து லாலு பிரசாத் தெரிவித்த கருத்தை தொடர்ந்து முஸ்லிம்களுக்கு ஆதரவாக நடுநிலையான எனது கருத்தை நான் அங்கு வைத்தேன். இன்னும் தொடர்ந்து 5 ஆண்டுகள் முழுவதும் முஸ்லிம்களுக்காக குரல் கொடுப்பேன் என உறுதிபட தெரிவித்தார்.

அரசு பெண்கள் பள்ளிக்கும், புதிய பேருந்து நிறுத்தங்களுக்கும் நிதி ஒதுக்கீடு

பாரளுமன்ற தேர்தல் வெற்றிக்கு நன்றி தரிவித்து பரங்கிப்பேட்டைக்கு வருகை புரிந்த தொல். திருமாவளவன் தனது பாரளமன்ற உறுப்பினர் நிதியிலிருந்து பேரூராட்சி தலைவரும், ஜமாஅத் தலைவருமான முஹமது யூனுஸ் கேட்டு கொண்டமைக்கு பரங்கிப்பேட்டை அரசு பெண்கள் பள்ளியில் இரு புதிய வகுப்பறைகளை கட்டுவதற்கு உடனடியாக நிதி ஒதுக்கியுள்ளதாக கூறினார்.

அது மட்டுமின்றி பரங்கிப்பேட்டையில் இரு புதிய பேருந்து நிறுத்தங்கள் கட்டுவதற்கும் நிதி ஒதுக்கியுள்ளதாக கூறினார்.

கொட்டும் மழையில் நன்றி கூறினார் திருமா

நாடாளுமன்ற தேர்தல் வெற்றிக்கு பிறகு, முதன் முறையாக வாக்காளர்களுக்கு நன்றி தெரிவிப்பதற்காக தொல். திருமாவளவன் இன்று மாலை 7 மணியளவிற்கு பரங்கிப்பேட்டை நகருக்கு வருகைபுரிந்தார். அப்போது பெய்த மழையையும் பொருட்படுத்தாது சஞ்சீவிராயர் முனையில் தனது நன்றிகளை வாக்காளர்களுக்கு தெரிவித்தார்.

அதனை தொடர்ந்து வீதி வீதியாக சென்று பொதுமக்களுக்கு நன்றி தெரிவித்தார். திறந்த வேனில் பேரூராட்சி மன்ற தலைவர் முஹமது யூனுஸூம் உடன் சென்றார்.