குறைகிறது கட்டணம்

மார்ச் 1-ஆம் தேதி முதல் பி.எஸ். என்.எல். நிறுவனம் லேண்ட்லைன் மற்றும் வில் போன்களின் கட்டணத்தை நிமிடத்துக்கு 33 காசுகளாகவும், எஸ்.டி.டி. கட்டணத்தை நிமிடத்துக்கு 50 காசுகளாகவும் குறைக்கிறது.இத்தகவலை மாநிலங்களவையில் தொலைத் தொடர்பு மற்றும் தகவல் தொழில் நுட்பத்துறை இணை அமைச்சர் ஜோதிர் ஆதித்யா சிந்தியா தெரிவித்தார்.இந்தியா கோல்டன் 50 என்ற புதிய திட்டம் மூலம் பிரீபெய்டு மொபைல் சந்தாதாரர்களுக்கு எஸ்.டி.டி. கட்டணம் 50 காசுகளாக குறைக்கப்படுவதாகவும் அவர் கூறியுள்ளார்.இதற்கிடையே - 95 என்ற எண்ணை உபயோகித்து எஸ்.டி.டி. பேசும் வசதி, பிப்ரவரி 28-ஆம் தேதி முதல் ரத்து செய்யப்படுவதாக பி.எஸ். என்.எல். நிறுவனம் தெரி வித்துள்ளது. தற்போது, இந்த வசதியை வைத்து இருக்கும் சந்தாதாரர்கள் இனி மேல் எஸ்.டி.டி. பேசுவதற்கு 0 என்ற எண்ணை உபயோகிக்க வேண்டும் என்றும் பி.எஸ்.என்.எல். தெரிவித்துள்ளது.

நன்றி;

இந்நேரம் இவ்வுலகம்

கண்டண ஆர்ப்பாட்டம்

பரங்கிப்பேட்டை பெண்கள் அரசு மேல் நிலைப்பள்ளியில் நடைப்பெற்ற ஒழுக்க சீர்கேடுகளை கண்டித்து இந்திய கம்யூனிஸ்ட் சார்பாக கண்டண ஆர்ப்பாட்டம் நடைப்பெற்றது.நகர செயலாளர் G.வல்லரசன் தலைமை தாங்கினார்,கடலூர் மாவட்ட செயலாளர் திரு,T.மணி வாசகம் கண்டண உரையாற்றினார்.நகர செயலாளர் பேசுகையில், ஆசிரியர்களை மாணவர்கள் மாதா பிதா குரு தெய்வம் எனசொல்வார்கள் ஆனால் அந்த ஆசிரியர்களோ, மாணவிகள் முன்னால் அருவறுக்கதக்க முறையில் சண்டையிட்டுள்ளார்கள். இது மிகவும் கண்டிக்கதக்கது இந்த ஆசிரியர்களை பணி நீக்கம் செய்வதுமட்டுமில்லாமல், அனைத்து ஆண் ஆசிரியர்களையும் பணியிடைமாற்றம் செய்யவேண்டுமென்றார்,இல்லையெனில்இந்திய கம்யூனிஸ்ட் தொடர் உண்ணாவிரதப்போராட்டம் நடத்துமென்றார்.மாவட்ட செயலாளர் T. மணிவாசகம் பேசுகையில் இந்த பெண்கள் மேல்நிலைபள்ளியை பொருத்தவரை பெண் ஆசிரியர்கள் உடனடியாக நியமிக்கபடவேண்டும், ஆசிரியர் தாழ்வு மனப்பான்மையால் ஒருவரையொருவர் சண்டையிட்டு கொண்டிருந்த போது நீண்டகாலமாக சண்டையை கண்டுக்கொள்ளாத தலைமை ஆசிரியர் மீது கல்வி இலாகா உரிய நடவடிக்கை எடுக்க வேண்டும். ஆசிரியர்கள் சமுக பொறுப்பை உணர்ந்து மற்றவர்கள் மதிக்க தக்கமுறையில் தமது நடவடிக்கைகளை மாற்றிக்கொள்ளவேண்டும் என்றார்.

மருத்துவர்கள் பற்றாக்குறையா?

தமிழக சட்டமன்றத்தில் கேள்வி நேரத்தின் போது நடந்த விவாதத்தில் புவனகிரி தொகுதி சட்டமன்ற உறுப்பினர் செல்வி இராமஜெயம் பேசுகையில்,
"பரங்கிப்பேட்டை அரசு மருத்துவமனையில் கட்டிட வசதிகள் இருந்தும், போதிய மருத்துவர்கள் பற்றாக்குறையாக இருந்து வருகிறார்கள், அதுவும் இரவு நேரங்களில் பெண் மருத்துவர்கள் இருப்பதில்லை. அது போன்ற சூழ்நிலையைத் தவிர்க்கும் பொருட்டு இரவு நேரங்களில் பெண் மருத்துவர்கள் இருப்பதற்கு அரசு ஆவன செய்யுமா? என்று கேள்வி எழுப்பினார்.

இதற்கு சுகாதாரத்துறை அமைச்சர் எம்.ஆர்.கே.பன்னீர்செல்வம் பதில் அளித்து பேசுகையில், "பரங்கிப்பேட்டை அரசு மருத்துவமனையில் போதிய மருத்துவர்கள் இருக்கின்றார்கள், ஆனால் அந்த மருத்துவமனை கடற்கரை ஓரமாக இருக்கின்ற காரணத்தினால் அதை பயன்படுத்த மக்கள் வரவில்லை. இந்த ஆண்டு 110 ஆரம்ப சுகாதார நிலையங்கள் தொடங்குவதாக முதல் அமைச்சர் அறிவித்து அதற்கான ஆணையும் பிறப்பிக்கப்பட்டுள்ளது. பரங்கிப்பேட்டை அரசு மருத்துவமனையை முடிந்தவரையில் அதை புதிய மருத்துவமனையாக உருவாக்குவதற்கு பரிசீலிக்கப்படும் என்று தெரிவித்தார்.

நன்றி: தினத்தந்தி 24-02-2009

ஆசிரியர் சஸ்பெண்ட்

பரங்கிபேட்டை அரசு மேல் நிலை பள்ளியில் நடைபெற்ற விரும்பத்தகாத சம்பவத்தில் மாவட்ட கல்வி அலுவலர் விசாரணையின் பேரில் பள்ளியின் இயற்பியல் ஆசிரியர் ராஜேந்திரன் சஸ்பெண்ட் செய்யப்பட்டார். கண்ணியமான பதவியாகிய ஆசிரியர் பதவியில் இருந்து கொண்டு இது போல் தரம் கெட்டு நடந்துகொண்ட - அதுவும் பள்ளியின் உள்ளேயே - ஆசிரியரை சஸ்பெண்ட் செய்தால் மட்டும் போதாது கைது செயா வேண்டும் எனவும் முக்கியமாக அரசு பெண்கள் பள்ளியில் மிக அதிக அளவில் ஆண் ஆசிரியர்கள் ஏன் என்ற தார்மீக கேள்வியும் பொதுமக்களால் முன் வைக்கப்படுகிறது.

MYPNO சார்பாக வாழ்த்து மடல்

இன்று மீராப்பள்ளி வளாகத்தில் பதவியேற்ற முஹம்மது யூனுஸூக்கு வாழ்த்துக்கள் குவிந்த வண்ணம் உள்ளது. பதவியேற்பு நிகழ்ச்சியின் போது MYPNO சார்பாக வாழ்த்து மடல் வழங்கப்பட்டது. இதனைத்
abuprincess
பந்தர்.அலி ஆபிதீன்.
இப்னு இல்யாஸ்
M.Gee.ஃபக்ருத்தீன்

தலைவர் முஹம்மது யூனுஸ் அவர்களிடம் நேரில் வழங்கினார்கள்.

நான்காவது முறையாக....

இன்று காலை 10.30,மணியளவில் ஜாமியா மஸ்ஜித் மீராப்பள்ளியில் இஸ்லாமிய ஐக்கிய ஜமாத் தலைவர் பதவியேற்பு விழா நடைப்பெற்றதுவிழாவில் ஜனாப்,B.ஹமீது கெளஸ் அவர்கள் முன்னிலை வகித்தார். ஜனாப், கலிமா,K.ஷேக் அப்துல் காதர்(நவாப்ஜான் நானா) தலமையேற்க்க, ஹாஜி,அப்துல் சமது ராஷதி கிராத் ஓதினார்.ஜமாத் சார்பாக அமைக்கப்பட்ட தேர்தல் குழு தலைவர் ஜனாப்,ஹாஜி.Y. அஜிஸ் மியான் அவர்கள் தலைவருக்கு பதவிபிரமாணம் செய்துவைத்தார்.தலைவர் தனது உரையில்ஜமாத்தில் கூடியவிரைவில் புதிய நிர்வாகிகள் நியமிக்கபடுவார்கள் என்றார்.இளைஞர்களுக்கு முக்கியதுவம் கொடுத்து அவர்களின் குறைகளை கழைய குழு அமைக்கப்படும் என்றார்.பெண்களுக்கு ஓட்டுரிமைகுறித்தும், வெளிநாட்டில் வசிக்கும் பரங்கிப்பேட்டை முஸ்லிம் சகோதரர்களுக்கு ஓட்டுரிமை குறித்தும் கலந்துஅலோசிக்கப்படும் என்றார்.தனக்கு வாக்களித்த பொதுமக்களுக்கு நன்றி தெரிவித்துக்கொண்ட தலைவர், தான் தோல்வியடைய பல்வேறு சூழ்சிக்கள் தோன்றியது என்றும் அதில் ஒன்றுதான் பெண்கள் ஜமாத் என்ற பெயரில் வெளிவந்ததாகவும் இது எனது வளர்சியில் பொறாமைக்கொண்ட மாற்று சமுகத்தவர்களால் பின்னால் இருந்துக்கொண்டு இயக்கபட்டது என கூறினார்.அடுத்ததாக ஜமாத் வளர்சிக்கு பொதுமக்கள் தானாகவே முன்வந்து நிதி கொடுக்கவேண்டும் எனகேட்டுக்கொண்ட தலைவர் இவ்வளவு பெரிய ஊரில் ஜமாத் சந்தா தொகை ரூபாய்,1400 மட்டும் வசூலாவது மிகவுக் குறைவானது எனவும் ஜமாத் வளர்சிக்கு முக்கிய பங்கு வெளிநாட்டு வாழ் நமதூர் முஸ்லிம் சகோதரர்களுடையது என்றும் இந்த அமைப்புக்களுக்கு தனது நன்றியை தெரிவித்துக்கொண்டார்.தலைவருக்கு, உலமாக்கள்,அமைப்புசார்ந்தவர்கள், தனி நபர்கள், பரங்கிப்பேட்டை காவல் நிலைய ஆய்வாளர்.திரு,ராமபாண்டியன், புவனகிரி சட்டமன்ற உறுப்பினர் செல்வி ராமஜெயம் அவர்கள் இஸ்லாமிய ஐக்கிய ஜமாத் அலுவலகத்துக்கு நேரில் வந்து ஜமாத் தலைவருக்கு தனது வாழ்த்துக்களை தெரிவித்தார் மற்றும் பலர் வாழ்த்து தெரிவித்தார்கள்.

எம்.எல்.ஏ நேரில் வாழ்த்து

ஜமா-அத் தலைவராக நான்காவது முறையாக பதவியேற்ற முஹம்மது யூனூஸ்க்கு தொகுதி எம்.எல்.ஏ செல்வி ராமஜெயம் நேரில் வந்து உளப்பூர்வமான வாழ்த்துக்களை தெரிவித்தார். வாழ்த்து செய்தியாக அவர் குறிப்பிட்டதாவது. "முஹம்மது யூனூஸ் வெற்றி பெறுவார் என்று தான் முன்பே நம்பியதாகவும்,இன்னும் அவர் போட்டியின்றி தேர்ந்தெடுக்கப்படுவார் என்று எதிர்பார்த்ததாகவும் ,ஜனநாயக முறையில் பெற்ற வெற்றியானது மிகப் பெரிய வெற்றி என்றும் கூறிய அவர் பரங்கிபேட்டை முஸ்லிம்கள் தொடர்ந்து ஒற்றுமையுடன் இருப்பார்கள் என்று தாம் நம்புவதாகவும் குறிப்பிட்டார்."

விடிவு காலம் பிறக்குமா?

நீங்கள் புகைப்படத்தில் பார்ப்பது பரங்கிப்பேட்டை பேருராட்சியில் ஆறாவது வார்டில் இருக்கும் காஜியார் தெரு. இந்த தெரு நீண்ட நாட்களாக கவனிக்கப்படாமல் ரோடுகள் மிகவும் மோசமானநிலையில் இருக்கிறது.இரு சக்கரவாகனங்களில் செல்பவர்கள் முதற்கொண்டு, ரோட்டில் நடந்து செல்பவர்கள் வரை அனைவருக்கும் இந்த ரோடு மிகப்பெரிய பிரச்சினையாக உள்ளது. மழைக்காலங்களில் இந்த ரோட்டில் குளம் ஒன்று உருவாகிவிடும். பரங்கிப்பேட்டையில் பல்வேறு சாலைகள் நன்றாக இருந்தாலும், இந்த சாலை மட்டும் அப்படியே தான் உள்ளது. என்றைக்குதான் இதற்கு விடிவு காலம் பிறக்குமோ?

நன்றி: http://www.portonovonews.blogspot.com

மாற்றம்

கடலூர் மாவட்டத்தில் பல்வேறு ஊர்களில் காவல் நிலையத்தில் பணியாற்றி வந்த ஆய்வாளர்கள்,மற்றும் துனை ஆய்வாளர்கள் வரும் பாராளுமன்ற தேர்தலை கருத்தில்கொண்டு மாற்றப்பட்டனர்.
நமதூர் பரங்கிப்பேட்டை காவல் நிலையத்தில் பணிபுரிந்து வந்த துனை ஆய்வாளர் திரு,மதிவாணன். ரெட்டிச்சாவடிக்கு மாற்றப்பட்டார்,இவருக்கு பதிலாக குமராட்சியில் பணிபுரிந்த திரு,செல்வராஜ் பரங்கிப்பேட்டை காவல் நிலையத்தில் பணிபுரிய உள்ளார்.மேலும் திருப்பாதிரிபுலியுரில் பணியாற்றிய பெண் துனன ஆய்வாளர் கவிதா பரங்கிப்பேட்டைக்கு மாற்றப்பட்டார்.

சாலை

நீண்ட நெடு நாட்களாக கவணிப்பார் இல்லாமல் குண்டும் குழியுமாய் இருந்து

வந்த வாத்திய்யாப்பள்ளி தெரு சாலை, சமிபத்தில் நமது நெடுஞ்சாலைதுறையினரால் கண்டுக்கொள்ளப்பட்டு சாலைப்போடும் பணி நடைப்பெற்று வருகிறது.

இந்த பணி இன்னும் சில நாட்கள் தொடர்ந்து நடைப்பெறும் போல் தெரிகிறது.

இறப்புச் செய்தி

பெரிய ஆசராகாணா தெரு(அம்மாஸ் தைக்கா)வில் மர்ஹும்அப்துல் வாஹித் அவர்களின் மகளும், மர்ஹூம் தாடி இஸ்மாயில் அவர்களின் மனைவியும், இப்றாஹிம், சேக் தாவுத்(சேட்டு), முஹம்மது அலி, ஜாக்கீர் ஹுசைன், ஹாஜா,ஹமீது, நூர் முஹம்மது. இவர்களின் தாயாருமாகிய சல்மா பீவி அவர்கள் மர்ஹூம்மாகிவிட்டார்கள் இன்ஷா அல்லா இன்று மாலை 4.30 மணியளவில் நல்லடக்கம் அப்பாபள்ளியில்.
இன்னா லில்லாஹி வ இன்னா இலைஹி ராஜிவூன்.

இணையதளத்தில் புதிது.

புதியபாதைக்கு வேண்டும் துறைகள் - தலையங்கம்

தொங்கும் சாலைகள் - கடைசி செய்திகள்

ஒரு பயணத்தின் பின்னால்! - சிறுகதை

விரையுங்கள் உங்கள் MYPNO இணையதளத்திற்கு.

IAS ஏழை முஸ்லிம்களுக்கு இலவசபயிற்சி!

பொருளாதார வசதியற்ற, படிப்பில் தகுதி பெற்ற முஸ்லிம் மாணவர்கள் ஐ.ஏ.எஸ். (IAS), ஐ.பி.எஸ். (IPS), ஐ.எஃப்.எஸ். (IFS) போன்ற தேர்வுகளை எழுதி வெற்றிபெற சென்னையில் இலவச தங்குமிடம், உணவு மற்றும் சிறந்த பயிற்சி நிறுவனத்தின் மூலம் பயிற்சி அளித்து உதவ தமிழ்நாடு முஸ்லிம் தொண்டு இயக்கம் முன்வந்துள்ளது.

இதுகுறித்து தமிழ்நாடு முஸ்லிம் தொண்டு இயக்கத்தின் பொதுச் செயலாளர் பேராசிரியர் சே.மு. முஹம்மதலி வெளியிட்டுள்ள பத்திரிகை செய்தியில் குறிப்பிட்டுள்ளதாவது-

பொருளாதாரத்தில் மிகவும் பின்தங்கிய ஆர்வமுடைய முஸ்லிம் மாணவர்களுக்கு ஐ.ஏ.எஸ். (IAS), ஐ.பி.எஸ். (IPS), ஐ.எஃப்.எஸ். (IFS) போன்ற தேர்வுகளை எழுதி வெற்றிபெற வழிகாட்டும் வகையில் இத்திட்டத்தினை துவக்கியுள்ளோம்.

இத்திட்டத்தின் கீழ் ஐ.ஏ.எஸ். முதல் நிலைத் தேர்வு எழுத இருப்பவர்கள் முதல் நிலை தேர்வில் தேர்ச்சி பெற்று முதன்மைத் தேர்வுக்குத் தயார் செய்து கொண்டிருப்பவர்கள் பயன் பெறலாம்.

விண்ணப்பிக்கும் மாணவர்களிடம் நேர்காணல் செய்து, தகுதியின் அடிப்படையில் தேர்ந்தெடுக் கப்படும் மாணவர்களுக்கு சென்னையில் தங்குமிடம், உணவு, சிறந்த மையத்தின் மூலம் பயிற்சி, நூலக வசதி முதலியன முற்றிலும் இலவசமாக செய்து தரப்படும்.

ஆர்வமுள்ள மாணவர்கள் எஸ்.எஸ்.எல்சி., (10-ம் வகுப்பு), பிளஸ் 2, பட்டப்படிப்பு, பட்ட மேற்படிப்பு முதலான மதிப்பெண் சான்றிதழ்களின் நகல்களோடும், ஜமாஅத் தலைவர் சான்றிதழோடும் சுய விவரக் குறிப்பினை உடனடியாக அனுப்பி விண்ணப் பிக்கலாம்.

முகவரி:
தமிழ்நாடு முஸ்லிம் தொண்டு இயக்கம்,
118/13, வேப்பேரி நெடுஞ்சாலை,
பெரியமேடு,
சென்னை - 3.
அலைபேசி (பொதுச் செயலாளர்): 9444165153

நன்றி :
தமிழ்நாடு மாநில இந்திய யூனியன் முஸ்லிம் லீக் வலைத்தளம் - http://www.muslimleaguetn.com/news.asp?id=640

இறப்புச் செய்தி

ரேவ் மெயின் ரோடு தோனித்துறை மர்ஹூம்.முஹம்மது கெளஸ் அவர்களின் மனைவியும்,மர்ஹூம். இப்றாஹிம் மரைக்காயர் அவர்களின் தாயாரும், ஜனாப். Y.அஜிஸ்மியான்(முன்னால் தாசில்தார்)அவர்களின் மாமியாரும், யூசுப் அலி,முஹம்மது கெளஸ், இவர்களின் பாட்டியாருமாகிய

செய்யது பீவி அவர்கள் மர்ஹூம் ஆகிவிட்டார்கள் இன்ஷா அல்லா இவர்களின் நல்லடக்கம் இன்று மாலை 4.00,மணிக்கு மீராப்பள்ளியில்.
இன்னா லில்லாஹி வ இன்னா இலைஹி ராஜிவூன்.

மருத்துவ சேவைகளில் கவனம்!

ஜமாஅத் தலைவருக்கான தேர்தலில் வெற்றியை நழுவவிட்ட ஆப்பிள் சின்னத்தின் வேட்பாளர் டாக்டர் நூர் முஹம்மது 785 வாக்குகள் பெற்றார். இது குறித்து அவரிடம் நாம் கேட்ட போது, நான் வெற்றிப் பெற்றிருந்தால் சமுதாயப் பணிகளுக்கே அதிகம் முக்கியத்துவம் கொடுத்து சேவை செய்வேன் என்கிற நிலையிருந்து மருத்துவ சேவைகளில் இன்னும் அதிகம் கவனம் செலுத்துவேன் என்று கூறியதோடு தனக்கு வாக்களித்த மக்களுக்கு நன்றியினை தெரிவித்தார்.

மேலதிகமாக பரங்கிப்பேட்டை கூகிள் குழுமத்திற்கு அளித்த டெலிபோன் பேட்டியை வாசகர்களின் பார்வைக்காக கீழே:....

தேர்தல் முடிவு குறித்து உங்கள் கருத்து?

குறைந்த அளவு ஓட்டுகளே கிடைக்கும் என்று பலர் எதிர்பார்த்த நிலையில் கிட்டத்தட்ட 800 ஓட்டுகள் கிடைத்துள்ளதை கவனத்தில் கொள்ள வேண்டும். பெண்களுக்கும் ஓட்டுரிமை இருந்திருந்தால் நான் வெற்றிப் பெறுவதற்கு நிறைய வாய்ப்புகள் இருந்திருக்கும்.

டாக்டர் நூர் முஹம்மத் அவர்களின் ஆலோசனையையும் பெற்று ஜமாஅத்தை நடத்துவேன் என்று யூனுஸ்நானா தனது நன்றியுரையில் கூறியுள்ளாரே?

அது அவரது பெருந்தன்மையின் அடையாளம்.

பெண்களுக்கு ஓட்டுரிமை பற்றி குறிப்பிட்டதால் ஒரு கேள்வி. சமீபத்தில் பெண்களுக்கான ஒரு அமைப்பு என்ற தகவல் குழுமத்தில் வைக்கப்பட்டதே..அது குறித்து...?

அந்த அமைப்பில் எனக்கு உடன்பாடில்லை. அது முழுக்க யூனுஸுக்கு எதிராக துவங்கப்பட்டது போன்றுதான் தெரிகின்றது. வெறும் அரசியல் அவ்வளவுதான்.

NRIகளுக்கு கருத்து சொல்ல விரும்புகிறீர்களா?

வெளிநாட்டு பரங்கிப்பேட்டை மக்களுக்கு (முஸ்லிம்களுக்கு) ஓட்டுரிமை வழங்கப்பட வேண்டும்.

அலமாரிக்கு வெற்றி!

இன்று நடைபெற்ற இஸ்லாமிய ஐக்கிய ஜமாஅத்தின் தலைவர் பதவிக்கான பொதுத்தேர்தலில் அலமாரி சின்னத்தில் போட்டியிட்ட முஹமது யூனுஸ் வெற்றி பெற்றார். அவரின் ஆதரவாளர்கள் மகிழ்ச்சி வெள்ளத்தில் வாக்குச்சாவடிக்கு வெளியே பட்டாசு வெடித்து கொண்டாடுகின்றனர்.
வாக்கு விபரம்:
பதிவானவை: 1966
முஹம்மது யூனுஸ்: 1163
நூர் முஹம்மது: 785
செல்லாதவை: 18

சற்றுமுன் முடிந்த வாக்கு எண்ணிக்கையின்படி 378 ஓட்டு வித்தியாசத்தில் முஹம்மது யூனுஸ் வெற்றி பெற்றதாக தேர்தல் அதிகாரிகள் அறிவித்து சான்றிதழையும் வழங்கினர். சான்றிதழைப் பெற்றுக் கொண்டு வாக்காளர்களுக்கு நன்றி செலுத்தியவாறு வீதிகளில் உலா வருகிறார் அலமாரி சின்னத்தின் வெற்றி வேட்பாளர் யூனுஸ் .

சான்றிதழை பெறுகிறார்


சின்னகடை முனையில் நன்றி அறிவிக்கிறார்

தகவல்கள்: களத்திலிருந்து இப்னு இல்யாஸ்

கடைசி நொடிப்பொழுதின் வாக்காளர்.

மிகச் சரியாக 5 மணிக்கு கடைசி வாக்காளராக தனது வாக்குப்பதிவினை செலுத்துகிறார்.

 

புகைப்படம்: இப்னு இல்யாஸ் 

 

இன்று இரவு 9 மணிக்குள் முடிவுகள்

இன்று மாலை 5 மணியுடன் முடிவுற்ற ஜமாத் பொதுத் தேர்தலின் வாக்கு எண்ணிக்கை, இன்னும் சற்று நேரத்தில் ஷாதி மஹாலில் துவங்க உள்ள நிலையில், தேர்தல் முடிவுகள் இன்று 9 மணிக்குள் அறிவிக்கப்பட உள்ளது. சீல் வைக்கப்பட்ட வாக்குப் பெட்டிகள் பலத்த பாதுகாப்புடன் 7 மணிக்கு துவங்க உள்ள வாக்கும் எண்ணும் பணிக்காக தயார் நிலையில் உள்ளது.

களத்தில் காவலர்கள்

இன்றைய தேர்தலில் இன்ஸ்பெக்டர் இராம பாண்டியன் தலைமையில் 2 சப்-இன்ஸ்பெக்டர் மற்றும் 20 காவலர்கள் பாதுகாப்பு பணியில் ஈடுபட்டனர். ஏ.எஸ்.பி. நரேந்திர நாயர் இரு முறை களத்திற்கு வந்து நிலைமைகளை மேற்பார்வையிட்டுச் சென்றார். இந்த தேர்தலுக்கு ஏன் போலீஸ் பாதுகாப்பு என்றெல்லாம் பேசியவர்கள், கடைசியில் அவர்களின் பணியை பாரட்டிச் சென்றினர். இடையிடையே ஏற்பட்ட கள்ள ஓட்டுகள் உட்பட்ட பல சலசலப்புகள் காவல் துறையின் தலையீட்டால் மட்டுமே முடிவுக்கு வந்தது. 

தேர்தல் துளிகள்

மொத்த வாக்குகள் பதிவானவை: 1966 (59%)

இன்று காலை மிகச்சரியாக 8 மணிக்கு வாக்குபதிவு துவங்கியது.

நீண்ட-நெடிய (3) வரிசைகளில் வாக்காளர்கள் தமது வாக்குபதிவினை செலுத்தினர்.

பாதுகாப்பு காரணங்களுக்காக சிறப்பான முறையில் காவல் துறை பணியாற்றியது.

அரசு அதிகாரிகள், தேர்தல் அதிகாரிகள், தேர்தல் களத் தொண்டர்கள் சுறுசுறுப்பாக இயங்கினர்.

பூத் ஏஜெண்ட், மீடியா, வேட்பாளர்கள், இதர முக்கிய அதிகாரிகள், காவல் துறையினர் தவிர வேறு யாருக்கும் களத்தில் நிற்க அனுமதி தரப்படவில்லை.

தங்களால் இயலாவிட்டாலும் ஊரின் நலன் கருதி வயதானவர்கள் முதல் ஊனமுற்றோர்கள் வரை தமது கடமையை நிறைவேற்றினர்.

இடையிடையே சில சலசலப்புகள் ஏற்பட்டாலும் அவை உடனுக்குடன் களையப்பட்டன்.

வாக்குப்பதிவு நடைபெற்ற ஷாதிமஹாலைச் சுற்றி மக்கள் கூட்டம் அலை மோதியது. இவர்களை அடிக்கடி காவல் துறையினர் கலைப்பதும் பின்பு மக்கள் மீண்டும் கூடுவதும் வா(வே)டிக்கையாக இருந்ததது.

வெளிநாட்டுவாழ் பரங்கிப்பேட்டையர்களுக்கு வாக்குரிமை இல்லாமலிருந்தும், அவர்கள் அதிகமான ஆர்வம் காட்டினர். அந்ந வகையில் அவர்களில் பலர் நம்மை மட்டுமின்றி களத்திலிருந்த ஏனைய சிலருக்கு போன் செய்து அடிக்கடி தகவல் பெற்றுக் கொண்டனர். குறிப்பாக ஹம்துன் அப்பாஸ், ஹாமீம் போன்றோர்கள் தொடர்ந்து தொடர்பில் இருந்தனர்.

கடைசி நிமிடங்களில் டாக்டர் வாக்குப்பதிவு

கடைசி நிமிடங்களின் பரபரப்புகளுக்கிடையே வேட்பாளர் டாக்டர் நூர் முஹம்மது தனக்கான வாக்கினை சரியாக 4.40 மணிக்கு பதிவு செய்தார்.

வாக்குச் சாவடி ஏற்பாடு நன்றாக உள்ளது: டாக்டர் கருத்து

ஒட்டு மொத்த தேர்தல் ஏற்பாட்டில் சில அதிருப்திகளை கொண்டிருந்தாலும், இன்றைய வாக்குச் சாவடி ஏற்பாடுகள் நன்றாக உள்ளது என்று ஆப்பிள் சின்னத்தின் வேட்பாளர் டாக்டர் நூர் முஹம்மது நம்மிடம் கூறினார்.

மந்தமான வாக்குப்பதிவு

காலை 8 மணிக்கு துவங்கிய வாக்குப்பதிவு பகல் 1.30 மணிவரை விறுவிறுப்புடன் காணப்பட்டது. ஆனால் அதற்கு பிறகு மாலை 4 மணி வரை மந்தமாகவே உள்ளது. மாலை 4 மணி நிலவரப்படி, 58 சதவீதம் வாக்குகள் பதிவாகியுள்ளது. 

கள்ள ஓட்டு!

இன்று நடைபெற்று வரும் ஜமாஅத் தேர்தலில் கள்ள ஓட்டு போடுவதற்கு வாலிபர் ஒருவர் முயற்சித்த போது, அவரை தேர்தல் அதிகாரிகள் கையும் களவுமாக பிடித்து போலிஸில் ஒப்படைத்தனர். வாக்குபதிவிற்கான அவர் அளித்த இரண்டு ஆதரங்களும் போலியானவை என்று தெரியவந்தது.

சற்றுமுன்: தேர்தல் நிலவரம்

காலை முதல் விறுவிறுப்பாக நடைபெற்று வரும் வாக்குபதிவு தந்போது (பகல் 12.30) சற்று மந்தமாக காணப்படுகிறது. இதுவரை 52 சதவீதம் வாக்குபதிவு நடைபெற்றுள்ளது.

வேட்பாளர் முஹமது யூனுஸ் காலை 11.30 மணிக்கு தனது வாக்கை பதிவு செய்தார். மற்றொரு வேட்பாளர் டாக்டர் நூர் முஹம்மது தனது வாக்கு பதிவை இறுதி நேரத்தில் செலுத்துவார் என்று தெரிகிறது.

தேர்தல் பணியில் அரசு அதிகாரிகள்.

இஸ்லாமிய ஐக்கிய ஜமாஅத்தின் தலைவருக்கான பொதுத் தேர்தல் களத்தில் அரசு அதிகாரிகள் வேகமுடன் தங்கள் பணியை திறம்பட செய்து வருகின்றனர்.

ஆர்வமிகுதியில் முதியவர்கள் மற்றும் முடியாதவர்கள்

குறிப்பு: புகைப்படத்திலிருக்கும் தேதியை கவனத்தில் கொள்ள வேண்டாம். இப்பிழையை தனி பின்னூட்டமிட்டு கொல்லவும் வேண்டாம். 

Article by: பந்தர் அலி ஆபிதீன்

சட்டமன்ற பாராளுமன்ற தேர்தலைக் காட்டிலும்....

இன்று நடைபெற்று வரும், ஜமாஅத் பொதுத் தேர்தலில் ஏகப்பட்ட கெடுபிடிகளுக்கிடையே... நீண்ட வரிசைகள், பலத்த போலீஸ் பாதுகாப்புகள், முடியாத நிலையிலும் முதியவர்கள்-ஊனமுற்றவர்கள் என்று மிகுந்த பரபரப்புகளுடன் ஓட்டு பதிவு நடைபெற்று வருகிறது. வாக்காளர்கள் ஆர்வத்துடன் வரிசையில் நின்று தங்கள் வாக்கு பதிவினை செலுத்தி வருகின்றனர். சட்டமன்ற-பாராளுமன்ற தேர்தலை மிஞ்சிவிடும் அளவிற்கு பிரமாண்டமாய் காட்சியளிக்கிறது. தேர்தல் நடைபெற்று வரும் ஷாதி மஹால் வளாகத்தின் வெளியே எங்கு நோக்கினும் இளைஞர் கூட்டம் அலை மோதுகிறது.

தேர்தல் தொடங்கியது.

பரங்கிப்பேட்டை வரலாற்றில் முதன்முறையாக இஸ்லாமிய ஐக்கிய ஜமாஅத்திற்கு பொதுத் தேர்தல் அறிவிக்கப்பட்டு, இரண்டு வேட்பாளர்கள் களத்தில் நிற்க, இன்று மிகச்சரியாக காலை 8 மணிக்கு தேர்தல் துவங்கியது. மூத்த குடிமகன்கள் அப்துல் அஜீஸ் மற்றும் பேராசிரியர் அமீர் அலி இவர்களின் மேற்பார்வையில் தேர்தல் நடைபெற்று வருகிறது. பலத்த போலீஸ் பாதுகாப்பு போடப்பட்டுள்ளது. மக்கள் வரிசையில் நின்று 3 வாக்குச் சாவடிகளில் ஓட்டு போட்டு வருகின்றனர்.

மேலும் அதிகச் செய்திகள், புகைப்படங்களுக்கு MPNO இணையத்தை தொடர்ந்து வலம் வருங்கள். உங்களுக்காக தொடர்ந்து அப்டேட் செய்கிறோம்.

முழுமையான செய்திகள் அறிய முகப்பு பக்கத்தில் ஒவ்வொரு செய்திகளுக்கு கீழேயுள்ள "Read More" பட்டனை அழுத்தி பார்க்கவும்.

பிளஸ் 2 மாணவர்களுக்கு குவிஸ் போட்டி

மதுரையில், தினமலர் நாளிதழ், வேலம்மாள் இன்ஜினியரிங் கல்லூரி ஆகியவை இணைந்து, பிப். 14 ல் பிளஸ் 2 மாணவர்களுக்கான குவிஸ் போட்டியை நடத்த உள்ளன.

அறிவியல், விளையாட்டு, வரலாறு, கலை, கலாசாரம், பொழுதுபோக்கு பாடங்களில் இருந்து கேள்விகள் கேட்கப்படும். போட்டியில் ஒரு பள்ளியில் இருந்து மேல்நிலை வகுப்பு மாணவர்கள் 2 பேர் தலைமை ஆசிரியரிடம் சான்றிதழ் பெற்று கலந்து கொள்ளலாம். பங்கேற்க விரும்புவோர் அவரவர் பள்ளியில் விண்ணப்பங்களை பெற்று விண்ணப்பிக்க வேண்டும்.

பங்கேற்கும் மாணவர்களுக்கு பயணப்படி கிடையாது. தொலைதூர மாணவர்கள் தங்க வசதி செய்து தரப்படும். போட்டியில் வெல்லும் மாணவர்களுக்கு முதல்பரிசு 10 ஆயிரம் ரூபாய், 2ம் பரிசு 7 ஆயிரம், 3ம் பரிசு 5 ஆயிரம் வழங்கப்படும். பள்ளிகளுக்கு கேடயம், பார்வையாளர்களுக்கு பரிசுகள் வழங்கப்பட உள்ளன.

குவிஸ் போட்டிகளை திருச்சி ‘தி குவிஸ் சோசியேட்’ நிறுவனம் நடத்துகிறது. மேலும் விவரங்களுக்கு, ‘ஒருங்கிணைப்பாளர் பி.நெல்சன்ராஜா (98432 79083), எம்.ஜெயராஜ் (99432 06996) ஆகியோரை தொடர்பு கொள்ளலாம்.

இத்தகவலை கல்லூரி தலைவர் எம்.வி.முத்துராமலிங்கம், முதல்வர் சுரேஷ்குமார் தெரிவித்தனர்.

செய்தி: http://www.kalvimalar.com/tamil/ScrollNewsDetails.asp?id=1207

பிளஸ் 2 தேர்வுக்கு விண்ணப்பிக்க தத்கல் திட்டம்

பிளஸ் 2 தேர்வு எழுத ‘தத்கல்’ திட்டத்தில் தனித் தேர்வர்கள், பிப். 18ம் தேதி முதல் 23ம் தேதி வரை விண்ணப்பிக்கலாம்.

இதுகுறித்து அரசு தேர்வுகள் இயக்குனர் வசந்தி ஜீவானந்தம் வெளியிட்டுள்ள செய்திக்குறிப்பு:

அடுத்த மாதம் பிளஸ் 2 தேர்வு எழுத, அரசு தேர்வுகள் இயக்ககத்தால் நிர்ணயிக்கப்பட்ட கடைசி தேதி வரை விண்ணப்பிக்காமல், தற்போது விண்ணப்பிக்க விரும்பும் தனித்தேர்வர்களிடம் இருந்து ‘சிறப்பு அனுமதி’ (தத்கல்) திட்டத்தின் கீழ் விண்ணப்பங்கள் வரவேற்கப்படுகின்றன.

தனித்தேர்வர்கள், விண்ணப்பம் நிராகரிக்கப்பட்டதற்கு ஆதாரமாக, இத்துறையால் அனுப்பப்பட்ட குறிப்பாணையை விண்ணப்ப மனுவுடன் சமர்ப்பிக்க வேண்டும்.

இந்த சிறப்பு அனுமதி திட்டத்தின் கீழ் விண்ணப்பங்கள், பிப். 18ம் தேதி முதல் 23ம் தேதி வரை சென்னை கல்லூரி சாலையில் உள்ள அரசுத்தேர்வுகள் இயக்ககம், அனைத்து முதன்மை கல்வி அலுவலர் அலுவலகங்கள், அனைத்து அரசுத்தேர்வுகள் மண்டல துணை இயக்குனர் அலுவலகங்கள், புதுச்சேரியில் உள்ள இணை இயக்குனர் அலுவலகம், அனைத்து மாவட்ட கல்வி அலுவலர் லுவலகங்களில் பெற்றுக்கொள்ளலாம்.

செய்தி: http://www.kalvimalar.com/tamil/ScrollNewsDetails.asp?id=1210

பரங்கிப்பேட்டை அரசு மருத்துவமனையில் சுற்றுச்சுவர் அமைக்கும் பணியை தடுத்து நிறுத்திய பொதுமக்கள் பழைய சுவருக்கு மேல் கான்கிரீட் அமைத்ததால் ஆத்திரம்!

பரங்கிப்பேட்டை அரசு மருத்துவமனையில் உள்ள பழைய சுற்றுச் சுவரை அகற்றாமல் அதன் மேல் கான்கிரீட் அமைத்ததால் ஆத்திரமடைந்த பொதுமக்கள் பணியை தடுத்து நிறுத் தினர்.

சுற்றுச்சுவர்

கடலூர் மாவட்டம் பரங்கிப்பேட்டையில் அரசு மருத்துவமனை உள்ளது. இந்த மருத்துவமனைக்கு கூடுதல் கட்டிடம் கட்ட ராஜஸ்தான் அரசு ரூ.80 லட்சம் நிதி ஒதுக்கீடு செய்தது. அதன்படி கூடுதல் கட்டிடம் கட்டப்பட்டது. ஆனால் இந்த மருத்துவமனையின் சுற்றுச் சுவர் நீண்ட காலமாக சீரமைக்கப்படாமல் மிகவும் மோசமாக இருந்து வந்தது.

அதைதொடர்ந்து பரங்கிப்பேட்டை அரசு மருத்துவமனைக்கு உலக வங்கி நிதி உதவியுடன் தமிழக அரசு ரூ.29 லட்சத்து 75 ஆயிரம் செலவில் புதிய சுற்றுச்சுவர், ஆம்புலன்ஸ் நிறுத்துமிடம், பழைய கட்டிடத்தை புதுப்பித்தல் போன்ற பணிகளுக்கு நிதி ஒதுக்கீடு செய்தது. அதன்படி இதற்கான பணிகள் தொடங்கி நடந்து வருகிறது.

பணி தடுத்து நிறுத்தம்

நேற்று (09.02.2009) காலை மருத்துவமனையை சுற்றி சுற்றுச்சுவர் கட்ட வேலை ஆட்கள் வந்தனர். அவர்கள் ஏற்கனவே இருந்த பழைய சுவரை அகற் றாமலேயே, அதன்மேல் கான்கிரீட் பெல்ட் அமைத்து சுவர் அமைக்கும் பணியில் ஈடுபட்டனர்.

இதை அறிந்த அப்பகுதி மக்கள் திரண்டு வந்து, பழைய சுவரை இடிக்காமல் அதன் மேலேயே சுவர் எழுப்புகிறீர்களே என்று தட்டிக் கேட் டனர். இருப்பினும் அங்கு வேலை செய்த ஊழியர்கள் கண்டு கொள்ளாமல் தொடர்ந்து பணி செய்தனர். இதனால் ஆத்திரமடைந்த பொதுமக்கள், சுற்றுசுவர் அமைக்கும் வேலையை தடுத்து நிறுத்தினர். இதனால் சுற்றுச்சுவர் அமைக்கும் பணி நிறுத்தி வைக்கப்பட்டது. இந்த சம்பவத்தால் அந்த பகுதியில் பெரும் பரபரப்பு ஏற்பட்டது.

செய்தி: http://www.dailythanthi.com/article.asp?NewsID=468083&disdate=2/10/2009&advt=2

விண்ணை முட்டும் வாய்ப்புகள்!

'கனவு காணுங்கள்' என்று சொன்ன அப்துல் கலாம்... இன்றைய இளைஞர்களின் கனவு நாயகனாக இருக்கும் மயில்சாமி அண்ணாதுரை... விண்வெளி தொடர்பான பணிகள் குறித்த விழிப்பு உணர்வை ஏற்படுத்தியதில் இந்தத் தமிழர்களின் பங்கு மிக முக்கியமானது. அதன் விளைவு... தற்போது இளைஞர்களின் கவனம் விண்வெளி ஆய்வு தொடர்பான வேலைகளில் சேர்வது குறித்து திரும்பியிருக்கிறது. அந்த வேலைகளில் சேர்வதற்கான படிப்புகள் குறித்து இந்த இதழில்... இந்த வகுப்புகளில் சேர்வதற்கு லட்சங்கள் தேவையில்லை... லட்சியம் இருந்தாலே போதும் என்பது இன்னும் ஆச்சரியமான விஷயம்!

முழுமையான கட்டுரைக்கு.... இங்கு சொடுக்கவும்.

நாளேட்டில் நமதூர்!

இது பற்றிய செய்தி அறிய.... இங்கு சொடுக்கவும்

சிகப்பு தக்காளி கம்பளம்!

மேலும் தக்காளி செய்தி அறிய.... இங்கு சொடுக்கவும்.

காய் -கனி விலைநிலவரம்

பரங்கிப்பேட்டை மாநகரில் வியாழன் தோறும் கூடும் வாரசந்தையில் இந்த வாரம் காய்கறி மற்றும் கனி வகைகளின் விலை வீழ்ச்சியடைந்து காணப்பட்டது தங்கத்துக்கு நிகராய் விற்க்கப்பட்ட "தக்காளி" தகரத்துக்கு நிகராய் மிகவும் விலை குறைந்து விற்க்கப்பட்டது

அதுப்பற்றிய விலை விபரம்

கிலோ விலையில்.

பல்லாரி, ரூ.17

சின்ன வெங்காயம்.ரூ20

தக்காளி ரூ, 5

உருளை ,ரூ.10

கத்திரிகாய், ரூ,15

இஞ்சி, ரூ,44

பூண்டு, ரூ, 15

கோஷ், ரூ.10

அவரை ,ரூ,20

பச்சை மிளகாய், ரூ,16

வெண்டை, ரூ20

முள்ளங்கி, 4

பீட்ரூட், ரூ. 8

சவ்சவ், ரூ.10

கொத்தவரங்காய், ரூ.12

ஆப்பிள் கிலோ, ரூ 45

கமலாபழம், கிலோ, ரூ 25

திராட்ச்சை கிலோ, ரூ 20

மாவட்ட இஸ்லாமிய ஐக்கிய ஜமாஅத் ஒருங்கிணைப்பு

முஸ்லிமகளின் ஒற்றுமைக்காக பாடுபட வேண்டிய நமது சமுதாய இயக்கங்கள் அவ்வப்போது பிரிந்து நின்று சமுக ஒற்றுமையை பல்லிளிக்க வைத்து கொண்டிருக்கும் வேளையில் முஸ்லிம் சமுதாயத்திற்கு ஆறுதல் அளிக்கும் நிகழ்வாக சிறு மற்றும் பெரு ஊர்களின் முஸ்லிம் ஜமா-அத்களை ஒருங்கிணைத்து மாவட்ட அளவில் முஸ்லிம் ஐக்கிய ஜமா-அத் உருவாக்கப்பட்டுள்ளது.

இதன் ஒருங்கிணைப்பு மற்றும் நிர்வாகிகள் தேர்தலுக்கான கூட்டம் இன்று (10/பிப்ர/2009)ஷாதி மஹாலில் நடைபெற்றது. கடலூர் மாவட்டத்தில் உள்ள 230 மஹல்லாக்களில் இருந்து இருநூற்றுக்கும் மேற்பட்டவர்கள் கலந்து கொண்டனர்.அரசின் சலுகைகளை முஸ்லிம் சமுதாய மக்களுக்கு பெற்று தருவதை மையமாக கொண்டு உருவாக்கப் பட்டுள்ள இந்த ஜமா-அத்தின் தலைவராக பரங்கிப்பேட்டை இஸ்லாமிய ஐக்கிய ஜமா-அத்தின் தலைவர் முஹம்மது யூனூஸ் செயலாளராக கடலூர் ஓ.டியை சேர்ந்த கமலூதீன் பொருளாளராக விருதாச்சலத்தை சேர்ந்த ஓய்வு பெற்ற தாசில்தார் சிக்கந்தர் ஹயாத் கான் ஆகியோர் தேர்ந்தெடுக்கப் பட்டனர்.பிற விவரங்கள் விரைவில்...

நமது தேர்தல் அதிகாரிகள்

பரங்கிபேட்டை இஸ்லாமிய ஐக்கிய ஜமாஅத் தலைவருக்கான தேர்தலில் யார் அல்லது எது எப்படி போனாலும், தேர்தல் தான் என்று முடிவான ஆறாம் தேதி மாலை முதல் தங்கள் தூக்கத்தை தொலைத்து விட்டவர்கள் வேறு யாருமல்ல.... நமது தேர்தல் அதிகாரிகள் தான். 

வாக்காளர் பட்டியல் தயார் செய்வது, சுமூகமான தேர்தல் நடைமுறைக்கு திட்டமிட்டு செயல்களை முன்னெடுத்து செல்லுதல் என்று முதுகு வலி வராத குறைதான். சும்மாவே கருப்பு அல்லது வெள்ளை மனோபாவம் (ஒன்னு இப்படி இரு அல்லது அப்படி இரு நடுவுல இருக்காதே இருக்க விடவே மாட்டோம் ) கொடி கட்டி பறக்கும் நம் தாய் திரு நகரில் (இந்த வார்த்தை நல்ல இருக்கே ... copyright owned ) நடுநிலைமை பேணுவது என்பது எத்தனை கஷ்டம் என்பது இவர்கள் படும் பாட்டை பார்த்தாலே தெரிகிறது. 

தேர்தல் அதிகாரிகளில் நால்வர் பல அரசு தேர்தல்களை நடத்தி முடித்த அனுபவம் உள்ளவர்கள். மெத்த படித்த இவர்களிடம் வாய் புளித்ததோ மாங்காய் புளித்ததோ என்று தானும் ரூல்ஸ் பேசவேண்டும் என்று சில தகுதி அற்ற மக்கள் வந்து குரல் உயர்த்தி பேசும் போது அதை காணும் நாமும் மனதளவில் நொந்து போகிறோம்.

மனித நேய மக்கள் கட்சி துவக்க விழா

தமிழ்நாடு முஸ்லீம் முன்னேற்ற கழகத்தின் அரசியல் பிரிவாக இன்று மாலை சென்னை தாம்பரத்தில் துவக்கப்படும் மனித நேய மக்கள் கட்சி யின் துவக்க விழாவுக்கு பரங்கிபேட்டையில் இருந்து இன்று பலர் புறப்பட்டு சென்றனர். 

இது குறித்து பரங்கிபேட்டை தமிழ்நாடு முஸ்லீம் முன்னேற்ற கழகத்தின் நகர தலைவர் ஜனாப் சையத் ஆரிப் அவர்களிடம் பேசியதில் இன்று காலை சுமார் பதினொரு மணிக்கு மீராபள்ளியிலிருந்தும், ஹக்க சாஹிப் தெருவிலிருந்தும் சுமார் பத்துக்கும் மேற்பட்ட வாகனங்கள் கிளம்பி கொண்டிருப்பதாக கூறினார். 

முஸ்லிம்களின் இந்த புதிய அரசியல் முன்னெடுப்பு குறித்த இறைவனின் நாட்டம் என்ன என்பதை காலம் சொல்லும்.